लव्ह मॅरेज अन् पगारावरून वाद! पतीने गळा आवळून केली बायकोची हत्या; ३ दिवस मृतदेहासोबत घरातच राहिला नराधम

बंगळुरूमध्ये मोकळ्या भूखंडाची साफसफाई करताना एका महिलेचा मृतदेह आढळल्याने खळबळ उडाली आहे. पोलिसांच्या तपासात या प्रकरणात महिलेच्या पतीवर हत्येचा आरोप असून, दोघांमधील वादातून हा प्रकार घडल्याचे प्राथमिक तपासात समोर आले आहे. तब्बल २० दिवसांनी मृतदेह सापडल्यानंतर पोलिसांनी या प्रकरणाचा तपास सुरू केला.

• मोकळ्या भूखंडाची साफसफाई करताना आढळला महिलेचा मृतदेह
• पैशांवरून वाद; पतीने पत्नीची हत्या केल्याचा पोलिसांचा आरोप
• २० दिवसांनी मृतदेह सापडला; तपासात पतीला अटक

कर्नाटकातील बंगळूरुमधून हत्येची एक धक्कादायक बातमी समोर येत आहे. अलीकडेच, सरकारने एक नियम मंजूर केला होता की मोकळे भूखंड स्वच्छ ठेवण्याची जबाबदारी जमीनमालकाची असेल आणि विहित वेळेत तसे न केल्यास महानगरपालिकेकडून दंड आकारला जाईल. अशात एका भूखंडाची साफसफाई करत असताना मालकाला एका महिलेचा मृतदेह सापडला. बंगळूरमधील संपिगेहळ्ळीजवळ ही घटना घडून आली. पोलिसांनी घटनास्थळी दाखल होऊन महिलेचा मृतदेह आपल्या ताब्यात घेतला असून या प्रकरणाचा सूत्रधार महिलेचा पती असल्याचे समोर येत आहे.

रिल्समधून दागिन्यांची माहिती देणे पडले महागात; सोशल मीडिया इन्फ्लुएन्सरच्या घरातून ११८ तोळे सोने लंपास

पोलिसांनी आरेपी पतीला केली अटक

बंगळूरमधील संपिगेहळ्ळीजवळ MS नगरनगरच्या अग्रहारा लेआउटमधील एका प्लॉटच्या मालकाने साफसफाईचे काम सुरू केले होते. यावेळी मालकाना महिलेचा मृतदेह दृष्टीस पडला. मालकाने ही घटना पोलिसांना कळवली आणि मग प्रकरणाच्या तपासाला सुरुवात झाली. पोलिसांच्या तपासात हे उघड झाले की, महिलेला ठार मारणार दुसरा-तिसरा कुणी नसून तिचा स्वत:चा पती या हत्येचा मुख्य सुत्रधार आहे. दरम्यान पोलिसांनी त्याला आपल्या ताब्यात घेतले आहे.

पोलिसांनी दिलेल्या माहितीनुसार, आरोपी सागर चंद आणि पत्नी अनुसूया यांनी २ वर्षांआधी कुटुंबाच्या विरोधात जाऊन प्रेमविवाह केला होता. कामाच्या शोधात ते बंगळुरुला आले होते. माहितीनुसार, दोघांमध्ये पैशांवरुन वाद झाला होता. सागर एका हाॅटेलमध्ये सुपरवायझर म्हणून काम करत होता. मागील काही दिवसांपासून अनुसूया पतीच्या हाॅटेलमध्ये जाऊन त्याच्या सॅलरीची चाैकशी करत होती. ११ ऑगस्ट रोजी दोघांमध्ये कडाक्याचे भांडण झाले आणि यातच सागरने अनुसूयाचा गळा दाबत तिची हत्या केली.

म्हसवडजवळ भीषण तिहेरी कार अपघात; एकाचा मृत्यू तर नऊजण जखमी

पोलिसांच्या माहितीनुसार, हत्येनंतर आरोपी तीन दिवस मृतदेहासोबत खोलितच राहत होता. तीन दिवसांनंतर, त्याने मृतदेह एका चादरीत गुंडाळून एका मोकळ्या भूखंडात फेकून दिला. तब्बल २० दिवसांनंतर अनुसूयाच्या मृतदेहाचा शोध लागला. इतक्या दिवसांत कुत्र्यांनी लचके तोडून त्याला इकडेतिकडे ओढले होते. पोलिसांनी स्वत: अनुसूयाच्या मृतदेहाचे अंतिम संस्कार केले. तिच्या अंगावर सापडलेल्या माॅलच्या टॅगवरुन आरोपी पतीचा शोध घेण्यात आला. पोलिस चाैकशीत आरोपीने आपला गुन्हा कबूल केले असून लवकर त्याच्यावर कायदेशीर कारवाई करण्यात येणार आहे.