Wardha Crime News: वर्ध्यात दिवाळीच्या सणात रक्तरंजित घटना! जुन्या वादातून एकाची हत्या; आरोपीला अटक

Wardha Dhotra Crime Murder Case: धोत्रा रेल्वे येथे जुन्या वादातून राजेंद्र मानकर यांची काठी-दगडाने हत्या करण्यात आली. याप्रकरणी आरोपी मुरलीधर थोरातला अटक करण्यात आली आहे.

• जुन्या वादाचा भयंकर शेवट
• धोत्र्यात एकाचा खून, सिंदी मेघेत वृद्धावर चाकूहल्ला
• वर्ध्यात दोन वेगवेगळ्या घटनांनी खळबळ

वर्धा: वर्धा जिल्ह्यात दिवाळीच्या पर्वात एकाची हत्या तर वृद्धावर चाकूहल्ला करून जखमी केले. हत्येची घटना वर्धा शहरालगतच्या धोत्रा रेल्वे येथे तर चाकूहल्ल्याची घटना सोमवारी रात्री घडली. याप्रकरणी आरोपीस अटक करण्यात आली.धोत्रा (रेल्वे) येथे सोमवारच्या रात्री जुन्या वादातून एका व्यक्तीवर काठी आणि दगडाने जीवघेणा हल्ला करण्यात आला. या हल्ल्यात गंभीर जखमी झालेल्या व्यक्तीचा उपचारादरम्यान मंगळवारी सकाळी मृत्यू झाला. राजेंद्र मानकर (४५, रा. धोत्रा, रेल्वे) असे मृताचे नाव आहे.

FDA Raid: ‘सेफ फूड सेफ महाराष्ट्र’ मोहीम, पुण्यातील वानवडीत दोन कराची स्वीट्सवर FDA ची धडक कारवाई

या प्रकरणात सावंगी (मेघे) पोलिसांनी आरोपी मुरलीधर थोरात (४१, रा. धोत्रा, रेल्वे) याच्याविरुद्ध खुनाचा गुन्हा दाखल करून त्याला अटक केली. आरोपी थोरात आणि मानकर यांच्यात जुना वाद सुरू होता. सोमवारी रात्री सुमारे ८.३० वाजता जुन्या गोष्टीवरून दोघांत वाद झाला. त्यानंतर मानकर मित्र गजू करचाल यांच्या दुचाकीवर बसून जात होते. त्याचवेळी आरोपीने अचानक त्यांच्यावर काठीने हल्ला केला. डोक्यावर वार झाल्याने ते खाली पडले. त्यानंतर आरोपीने त्यांच्यावर काठी आणि दगडाने हल्ला करून गंभीर जखमी केले. घटनेची माहिती मिळताच जखमींना तत्काळ सावंगी (मेघे) येथील रुग्णालयात दाखल करण्यात आले, तर घटनेनंतर आरोपी घटनास्थळावरून पसार झाला. माहिती मिळताच सावंगी (मेघे) पोलिस घटनास्थळी पोहोचले आणि पंचनामा केला. पोलिसांनी आरोपीचा शोध घेऊन त्याला ताब्यात घेतले.

आरोपीला सुनावली दोन दिवसांची पोलिस कोठडी

मृताचा मुलगा सुमीत मानकर याच्या तक्रारीवरून पोलिसांनी रात्री उशिरा आरोपीविरुद्ध गुन्हा दाखल केला होता. मात्र, मंगळवारी सकाळी उपचारादरम्यान त्यांचा मृत्यू झाला. त्यानंतर पोलिसांनी प्रकरणात खुनाचे कलम देखील दाखल केले आहे.

जुना वाद गेला विकोपाला

जुन्या वादातून एका तरुणाने चहा कॅन्टीन चालविण्याऱ्यास चाकू मारून जखमी केले. ही घटना सोमवारी सिंदी मेधे परिसरात घडली. भाऊराव ढोबळे (६६, रा. सिदी मेधे) असे मारहाणीत जखमी झालेल्या व्यक्तीचे नाव आहे. ढोबळे यांची घरीच चहा कैन्टींग आहे. काही दिवसांपूर्वी करण शिंदे हा चहा पिण्यास आला होता. तो टेबलवर बसल्याने टेबल तुटला होता. त्याचे रूपये ढोबळे यांनी करणला मागितले होते. याच कारणावरून त्यांचा वाद झाला होता. यांनतर घटनेच्या दिवशी तो अचानक परत त्यांच्या कॅन्टीगवर आला. काही कळायच्या आत त्याने त्यांना चाकू मारून जखमी केले. या प्रकरणी रामनगर पोलिसांनी शिंदेविरोधात गुन्हा दाखल केला.

Group Attack: तरुणावर लोखंडी फायटर अन् दगडांनी टोळीचा जीवघेणा हल्ला; संपूर्ण थरार CCTV मध्ये कैद!