शनिवार, 12 सप्टेंबर 2026
बिहारमध्ये एकाच फासावर लटकलेले आढळले विवाहित प्रेमीयुगुलाचे मृतदेह; भोला अन् सफीनाच्या मृत्यूचे गूढ गुलदस्त्यात
एकाच झाडावर लटकलेले होते भोला आणि सफीनाचे मृतदेह
मृत प्रेमीयुगलाची ओळख पटली असून मुलाचे नाव भोला तर मुलीचे नाव सफीना असल्याचे समोर येत आहे. दोघेही हरसिद्धी पकडिया येथील रहिवाशी होते. माहितीनुसार, दोघेही १० सप्टेंबर रोजी दुपारी घरातून गायब झाले ज्यानंतर कुटुंबियांनी त्यांचा शोध घेण्यास सुरुवात केली. सफीनाचा दुसरा विवाह सनाल्लाह नावाच्या व्यक्तीसोबत झाला होता. पण तिचा मृतदेह मात्र भोला नावाच्या तरुणासोबत झाडावर लटकलेल्या अवस्थेत आढळला. गावकरी या प्रकरणाला प्रेमप्रकरणातून केलेली आत्महत्या असल्याचा दावा करत आहेत. तथापि, पोलिस तपासात मृत्यूचे खरे कारण अद्याप समोर आलेले नाही.
कार सोडण्यासाठी ३ हजारांची लूट, टोइंग व्हॅनवरील तिघांना ठोकल्या बेड्या; पुणे पोलिसांची कारवाई
या घटनेमुळे परिसरात गोंधळ उडाला आणि पोलिसांना याची माहिती देण्यात आली. पोलिस पथकाने दोघांच्याही मृतदेहाला आपल्या ताब्यात घेतले असून मृत्यूचे कारण जाणून घेण्यासाठी त्यांना शवविच्छेदनासाठी रुग्णालयात पाठवण्यात आले आहे. पोलिसांच्या प्राथमिक तपासात हे प्रकरण आत्महत्येचे असल्याचा संशय आहे. पोलिस प्रकरणाचा सखोल तपास करत असून दोघांच्याही कुटुंबियांची चाैकशी, त्यांच्यातील नाते आणि ही घटना आत्महत्या आहे की खून हे जाणून घेण्याचा प्रयत्न पोलिस करत आहेत. डीएसपी कुमारी प्रियांका यांनी सांगितले की, पोलिस सर्व बाजूंचा तपास करत असून मृत्यूचे खरे कारण जाणून घेण्यासाठी शवविच्छेदन अहवालाची प्रतिक्षा केली जात आहे.
