इचलकरंजी: सासरच्या जाचाला कंटाळून विषारी औषध प्राशन करुन आत्महत्या केलेल्या राखी संपत शिकलगार (रा. वेताळ पेठ) हिच्या मृत्यूस कारणीभूत प्रकरणी तब्बल अडीच महिन्यानंतर मुलासह चौघांवर गावभाग पोलिसात गुन्हा करण्यात आला आहे. दीर रतन प्रकाश शिकलगार, भावजय सौ. भारती रतन शिकलगार, मुलगा गणेश संपत शिकलगार व सासू मंगल बकश शिकलगार (सर्व रा. वेताळपेठ) अशी त्यांची नांवे आहेत. या प्रकरणी उत्तम प्रकाश शिकलगार (वय ३३ रा. शिकलगार वसाहत कुरुंदवाड) यांनी फिर्याद दिली आहे.
‘त्या’ तरूणीची हत्या करणारा निघाला शेजारीच
राज्यात गुन्हेगारीचे प्रमाण वाढले आहे. राज्यातील वेगवेगळ्या भागातून खून मारामाऱ्या, दरोडे यासारख्या घटना उघडकीस येत असतात. अशातचं आता पुणे जिल्ह्यातून एक धक्कादायक बातमी समोर आली आहे. चिंचवडच्या वाल्हेकरवाडी परिसरात एका १८ वर्षीय तरुणीची हत्या करण्यात आली. रविवारी रात्री भररस्त्यात तरुणीवर धारदार शस्त्राने वार करण्यात आले होते, यात तिचा मृत्यू झाला होता. चिंचवड पोलिसांनी घटनेची गंभीर दखल घेत आरोपीला शोधण्यासाठी वेगाने तपास सुरू केला. यात शेजाऱ्यानेच तरुणीची हत्या केल्याचे समोर आले. पोलिसांनी त्याला अटक केली आहे.
‘त्या’ तरूणीची हत्या करणारा निघाला शेजारीच, कारणही आलं समोर
कोमल भरत जाधव (वय १८) या तरुणीची रविवारी (दि.११) रात्री हत्या करण्यात आली होती. कोमल जाधव ही वाल्हेकरवाडीत कुटुंबासोबत राहत होती. कृष्णामाई परिसरात तिचे घर आहे. रविवारी कोमल घरात होती. त्यावेळी दुचाकीवरून दोन जण आले. त्यांनी तिला घराबाहेर बोलावून घेतले. कोमल घरातून बाहेर आली. ती समोर येताच आरोपींनी तिच्यावर धारदार शस्त्राने वार केले. यात तिचा मृत्यू झाला होता.
.png "Videos"){kind=small}
