मंगळवार, 10 नोव्हेंबर 2026
सौजन्य फोटो - AI Gemini
मिळालेल्या माहितीनुसार, संबंधित २१ वर्षीय विवाहित महिलेला ३० ऑक्टोबर रोजी प्रसूतीसाठी एमजीएम रुग्णालयात दाखल करण्यात आले होते. मात्र, प्रसूतीनंतर तिची प्रकृती अचानक गंभीररीत्या खालावल्याने तिला तातडीने अतिदक्षता विभागात (ICU) हलवण्यात आले. डॉक्टरांचे पथक तिच्यावर उपचार करत असतानाच, २ नोव्हेंबर रोजी रात्री उपचारादरम्यान तिचा मृत्यू झाला.
महिलेच्या मृत्यूची बातमी समजताच तिच्या नातेवाइकांचा संयम सुटला. उपचारात निष्काळजीपणा झाल्याचा गंभीर आरोप करत संतप्त नातेवाइकांनी आयसीयूबाहेर गोंधळ घालण्यास सुरुवात केली. पाहाता पाहाता या गोंधळाने हिंसक वळण घेतले. जमावाने रुग्णालयाच्या काचा फोडत तोडफोड केली, तसेच अडवण्याचा प्रयत्न करणाऱ्या सुरक्षा रक्षकांना आणि डॉक्टरांना बेदम मारहाण केली. या घटनेत रुग्णालयातील काही कर्मचारी गंभीर जखमी झाले आहेत.
या हिंसक घटनेची माहिती मिळताच पोलिसांनी तातडीने घटनास्थळी धाव घेत परिस्थिती नियंत्रणात आणली. रुग्णालय प्रशासनाने दिलेल्या तक्रारीवरून सिडको पोलीस ठाण्यात तब्बल १६ जणांविरोधात शासकीय कामात अडथळा आणणे, तोडफोड करणे आणि मारहाण केल्याप्रकरणी गुन्हा दाखल करण्यात आला आहे. पोलीस सध्या सीसीटीव्ही फुटेजच्या आधारे पुढील तपास करत असून दोषींवर कठोर कारवाई करण्याचे संकेत दिले आहेत.
Ans: ही घटना छत्रपती संभाजीनगर येथील एमजीएम (MGM) रुग्णालयात २ नोव्हेंबर रोजी रात्री घडली.
Ans: प्रसूतीसाठी दाखल झालेल्या २१ वर्षीय विवाहितेचा उपचारादरम्यान मृत्यू झाल्याने संतप्त नातेवाइकांनी तोडफोड केली.
Ans: : रुग्णालय प्रशासनाच्या तक्रारीवरून सिडको पोलीस ठाण्यात १६ जणांविरोधात गुन्हा दाखल करण्यात आला आहे.
