गुरुवार, 5 नोव्हेंबर 2026
सौजन्य फोटो - AI Gemini
मिळालेल्या माहितीनुसार, मंगळवारी मध्यरात्री चोरट्यांनी अपार्टमेंटच्या संरक्षक भिंतीवरून उडी मारून आत प्रवेश केला. त्यानंतर बाहेरगावी गेलेल्या रहिवाशांची घरे हेरून कटरच्या साहाय्याने दरवाजांच्या कड्या कापल्या. डी-१ इमारतीत राहणारे शानसिंह भाटी हे कुटुंबीयांसह पुण्याला गेले होते. संधी साधत चोरट्यांनी त्यांच्या घरातील कपाटातून ३ ग्रॅम सोन्याच्या बाळ्या आणि ३ हजार रुपये रोख लांबवले. याच इमारतीतील रिकामा असलेला डी-१०३ क्रमांकाचा फ्लॅटही फोडला, मात्र तिथे काहीही हाती लागले नाही.
यानंतर चोरट्यांनी आपला मोर्चा डी-२ इमारतीतील ११२ क्रमांकाच्या फ्लॅटकडे वळवला. येथे राहणारे अनिल लकारे बाहेरगावी गेलेले असताना, कपाटाचे कुलूप फोडून मुलांच्या बचतीच्या डब्यातील (पिगी बँक) ५ ते ६ हजार रुपये आणि १० ग्रॅमच्या दोन चांदीच्या अंगठ्या पळवल्या. याशिवाय बी-२०३ क्रमांकाचे रो-हाऊस (साठे कुटुंबीय), डी-१ मधील ११४ (जोशी कुटुंबीय) आणि डी-२ मधील १०४ (शेळके कुटुंबीय) या बंद फ्लॅटचेही कडे कापण्यात आले. हे सर्व कुटुंब बाहेर असल्याने चोरीला गेलेल्या ऐवजाचा अचूक अंदाज घरमालक परतल्यानंतरच स्पष्ट होणार आहे.
एकाच अपार्टमेंटमध्ये एकापाठोपाठ एक अशा सहा घरफोडीच्या घटना उघडकीस आल्याने एमआयडीसी वाळूज पोलीस ठाण्याच्या पथकाने तात्काळ घटनास्थळी धाव घेऊन पंचनामा केला. अपार्टमेंटमधील सीसीटीव्ही फुटेजची तपासणी केली असता, त्यामध्ये तीन संशयित भामटे कैद झाल्याचे दिसून आले आहे. या फुटेजच्या आधारे वाळूज पोलीस संशयितांचा कसून शोध घेत आहेत.
Ans: तीसगाव येथील म्हाडा कॉलनीतील ‘राज स्वप्नपूर्ती अपार्टमेंट’मध्ये एकाच रात्री सहा बंद फ्लॅट आणि रो-हाऊसमध्ये ही घरफोडी झाली.
Ans: चोरट्यांनी अपार्टमेंटच्या भिंतीवरून उडी मारून आत प्रवेश केला आणि कटरच्या साहाय्याने बंद घरांच्या दरवाजांच्या कड्या कापून आत प्रवेश केला.
Ans: एमआयडीसी वाळूज पोलिसांनी परिसरातील सीसीटीव्ही फुटेज तपासले असता, त्यात तीन संशयित चोरटे चोरी करताना कैद झाले आहेत.
