मनपाचे झोन कार्यालय लाचखोरीने हादरले! (Photo Credit- X)
महाराष्ट्र युवा शक्ती श्रमिक कामगार संघटनेच्या माध्यमातून 50 कामगारांची नोंदणी प्रक्रिया सुरू होती. या नोंदणीसाठी कामगारांनी मागील वर्षात 90 दिवस काम केल्याचे प्रमाणपत्र (90 दिवस प्रमाणपत्र) मिळवणे अनिवार्य होते. तक्रारदाराने या प्रमाणपत्रांसाठी मनपा कार्यालयात पाठपुरावा केला असता, आरोपी रुपचंद बनकर याने प्रत्येक प्रमाणपत्रासाठी 550 रुपये याप्रमाणे एकूण 27 हजार 500 रुपयांच्या लाचेची उघड मागणी केली.
हलगर्जीपणाचा बळी ठरली आई-बाळाची जोडी! डाॅक्टरांनी फोनवरुन नर्सला दिल्या होत्या प्रसूतीच्या सूचना
लाचेची मागणी होताच तक्रारदाराने छत्रपती संभाजीनगर एसीबीकडे धाव घेतली. 1 एप्रिल रोजी करण्यात आलेल्या पडताळणीत लाचेची मागणी झाल्याचे स्पष्ट झाले. त्यानंतर 2 एप्रिल रोजी मनपाच्या झोन 6 कार्यालयात सापळा रचण्यात आला. तक्रारदाराकडून लाचेची रक्कम स्वीकारताच एसीबीच्या पथकाने बनकरला ताब्यात घेतले.
आरोपीच्या अंगझडतीत मोबाईल, वाहनाची चावी, घड्याळ आणि गॉगल यांसह काही साहित्य जप्त करण्यात आले आहे. एसीबीच्या पथकाने आरोपीच्या घराची झडती घेण्याची कार्यवाही देखील सुरू केली असून त्याच्या मोबाईलची तांत्रिक तपासणी केली जात आहे. याप्रकरणी सिडको पोलीस ठाण्यात गुन्हा दाखल करण्यात आला आहे. ही कारवाई लाचलुचपत प्रतिबंधक विभागाच्या अधीक्षक माधुरी केदार कांगणे, अपर अधीक्षक शशिकांत सिंगारे यांच्या मार्गदर्शनाखाली उपाधीक्षक राजीव तळेकर आणि त्यांच्या पथकाने केली.
दोन हजारांच्या लाचेची मागणी भोवली; ग्रामपंचायत कर्मचाऱ्याला एसीबीने सापळा रचून पकडले
.png "Videos"){kind=small}
