Chhatrapati Sambhajinagar: ट्रक चोरी, कर्जाचा बोजा! पोलिसांनी चोराला मदत केली म्हणत…; 26 वर्षीय तरुणाचा टोकाचा निर्णय

छत्रपती संभाजीनगरमध्ये कर्जबाजारीपणाला कंटाळून 26 वर्षीय तरुणाने विष प्राशन करून आत्महत्या केली. ट्रक चोरीनंतर आर्थिक तणाव वाढला होता. सुसाईड नोटमध्ये पोलिसांवर गंभीर आरोप करण्यात आले.

• ट्रक चोरीनंतर कर्जाचा वाढता ताण
• विष प्राशन करून आत्महत्या
• सुसाईड नोटमध्ये पोलिसांवर आरोप

छत्रपती संभाजीनगर: छत्रपती संभाजीनगर येथून एक धक्कादायक घटना समोर आली आहे. एका २६ वर्षीय तरुणाने आत्महत्या केल्याची धक्कादायक घटना समोर आली आहे. आत्महत्या करणारा तरुण हा टँकर,e व्यवसाय करत होता. दीड वर्षांपूर्वी कर्जावर घेतलेले त्याचा ट्रक चोरीला गेला होता. मात्र, ट्रक अद्याप सापडला नसतानाही कर्जाचे हप्ते सुरूच राहिल्याने तो आर्थिक तणावात होता. या नैराश्यातून संदेशने आत्महत्येचा टोकाचा निर्णय घेतला. तरुणाने आत्महत्या करण्यापूर्वी सुसाईड नोट लिहून ठेवली होती. या सुसाईड नोटमुळे खळबळ उडाली आहे.

Nashik Accident: नाशिकच्या दिंडोरीत भीषण अपघात; कार विहिरीत कोसळून एकाच कुटुंबातील 9 जणांचा दुर्दैवी अंत

काय घडलं नेमकं?

आत्महत्या करणाऱ्या तरुणाचे नाव संदेश दिनकर गवळी असे आहे. कुटुंबीय एका कार्यक्रमासातही बाहेर गेले असतांना त्याने विषारी औषध प्राशन केले. प्रकृती बिघडल्याने त्याला तातडीने खासगी रुग्णालयात दाखल करण्यात आले. मात्र उपचारादरम्यान मध्यरात्री त्याचा मृत्यू झाला. आत्महत्येपूर्वी संदेशने एक सुसाईड नोट लिहून ठेवली होती. या प्रकरणी पोलीस अधिक तपास करत आहेत. संदेशने आपल्या सुसाईड नोटमध्ये पोलिसांवर गंभीर आरोप केले आहेत.

सुसाईड नोटमध्ये काय?

मी संदेश दिनकर गवळी आज दिनांक 2.4.2026 रोजी माझी जीवनयात्रा समाप्त करत आहे. त्यासाठी चिकलठाणा पोलीस प्रशासन जबाबदार आहे. ज्याने माझा ट्रक चोरला त्याच्याकडून लाच घेऊन पोलिसांनी त्याला साथ दिली. माझ्या मृत्यूसाठी इतर कोणी जबाबदार नसून सामान्य लोकांच्या सेवेसाठी नेमलेले पोलीस अधिकारी जबाबदार आहेत. माझा एमएच 46 पी 2797 हा ट्रक 6 ऑक्टोबर 2024 रोजी चोरीला गेला होता. या ट्रकवर कोटक बँकेचे लोन असून इन्शुरन्स नसल्याने ते पैसे मला भरावे लागत आहेत. या अपयशाचा शिक्का माझ्या माथी बसल्यामुळे मी माझी जीवनयात्रा संपवत आहे. माझ्या मृत्यूसाठी इतर कोणालाही जबाबदार धरले जाऊ नये, कोणालाही त्रास देऊ नये. माझ्या शेवटच्या क्षणी लागणाऱ्या खर्चासाठी माफी असावी. माझ्या आईची काळजी घ्यावी. माझे कोटक बँकेचे गाडीसोबत आलेला इन्शुरन्स आहे, त्याची मदत घ्यावी. तुम्ही दिलेल्या जीवनाचे मी सार्थक करु शकलो नाही, आई मला माफ कर.

आता या सुसाईडनोटमुळे पोलिसांवर गंभीर आरोप केले आहेत. त्यामुळे आता या प्रकरणाचा तपास निष्पक्ष होणार का, याबाबत शंका उपस्थित होऊ शकतात. त्यामुळे पोलीस प्रशासन काही विशेष पावले उचलणार का, याकडे सगळ्यांचे लक्ष लागले आहेत.

थेट गॅस टँकरमधूनच गॅसचोरी; व्यावसायिक सिलेंडरमध्ये भरला जात होता गॅस