यती नरसिंहानंदला दिल्ली पोलिसांनी ताब्यात घेतले, सुरेश चव्हाणकेशी संबंधित प्रकरणी होणार चौकशी

सुरेश चव्हाणके यांच्या समर्थनार्थ दिल्लीच्या जंतरमंतरवर जाण्यासाठी मंदिरातून बाहेर पडलेल्या दसना देवी मंदिराचे पुजारी स्वामी यती नरसिंहानंद सरस्वती यांना गाझियाबादच्या मसुरी पोलिसांनी ताब्यात घेतले.

गाझियाबाद (उत्तर प्रदेश): सुरेश चव्हाणके (Suresh Chavanke) यांच्या समर्थनार्थ दिल्लीच्या (Delhi) जंतरमंतरवर (Jantar Mantar) जाण्यासाठी मंदिरातून बाहेर पडलेल्या दसना देवी मंदिराचे पुजारी स्वामी यती नरसिंहानंद सरस्वती यांना गाझियाबादच्या मसुरी पोलिसांनी ताब्यात घेतले. दासना येथील देवी मंदिरात (dasna devi temple priest) पोलिसांनी यतीला तीन दिवसांपासून रोखले आहे. ग्रामीण पोलिस उपायुक्त (डीसीपी) रवी कुमार यांनी सोमवारी याला दुजोरा दिला.

यती कोणत्याही परवानगीशिवाय आपल्या शिष्यांसह दिल्लीला जात असल्याने ही कारवाई करण्यात आल्याचे त्यांनी सांगितले. रविवारी ते दिल्लीला निघाले तेव्हा पोलिसांनी त्यांचे वाहन अडवले, असा आरोप यतिने केला आहे. त्यांना मंदिराबाहेर जाऊ दिले जात नसल्याचे त्यांनी सांगितले.

त्यांनी सांगितले की, चव्हाणके यांनी नुकतेच भारताला हिंदू राष्ट्र बनवण्यासाठी सर्वस्वाचा त्याग करणार असल्याचे सांगितले होते, ज्यावरून वाद निर्माण झाला होता. चव्हाणके यांच्या समर्थनार्थ जंतरमंतर येथे निदर्शने करण्यात आल्याचे यती यांनी सांगितले.