मंगळवार, 3 नोव्हेंबर 2026
सौजन्य फोटो - सोशल मिडीया
हेही वाचा:स्टॉक रजिस्टर प्रकरणाने सावंतवाडी पालिकेत खळबळ; ‘मोठे मासे लपले आहेत’ नगरसेविकांचा आरोप
सियाने दिलेल्या माहितीनुसार, कारमधील तरुणांनी तिला बाईक थांबवण्यास सांगून धमकी दिली. कारमधील तरुण नशेत असल्याचा संशयही तिने व्यक्त केला आहे. परिस्थिती वाढत असल्याचे लक्षात आल्यानंतर सिया आणि तिच्यासोबत असलेल्या मित्राने कारला पुढे जाण्यापासून रोखण्याचा आणि तिचे संरक्षण करण्याचा प्रयत्न केला. याचदरम्यान कारचालकाने अचानक बाईकला कट मारला आणि सियाच्या Aprilia RS 457 ला जोरदार धडक दिली. धडक इतकी जोरदार होती की सिया रस्त्यावर फेकली गेली, तर तिची बाईक काही मीटरपर्यंत फरफटत गेली. हा संपूर्ण प्रकार तिच्या बाईकवर बसवलेल्या कॅमेऱ्यात रेकॉर्ड झाला.
अपघातानंतर कारचालकाने घटनास्थळी थांबून मदत करण्याऐवजी तेथून पळ काढल्याचा आरोप आहे. सियाच्या एका मित्राने पुढे ट्रॅफिक सिग्नलवर कारचालकाला गाठून जाब विचारण्याचा प्रयत्न केला. मात्र, चालकाने आपली चूक नाकारली आणि तेथून निघून गेल्याचे सियाने सांगितले. घटनेनंतर सियाने सोशल मीडियावर अपघाताचा व्हिडिओ शेअर केला. तसेच कारचा क्रमांक आणि मालकाचे नावही सार्वजनिक करत गुरुग्राम पोलिसांकडे संबंधितांवर कठोर कारवाई करण्याची मागणी केली आहे.
व्हिडिओ व्हायरल झाल्यानंतर सोशल मीडिया युजर्सनी संताप व्यक्त केला आहे. दिल्ली-हरियाणा पोलिसांसह ट्रॅफिक पोलिसांना टॅग करत संबंधित कारचालकाविरुद्ध एफआयआर दाखल करून कठोर कारवाई करण्याची मागणी केली जात आहे. दरम्यान, या घटनेतील आरोपांची अधिकृत पोलिस कारवाई आणि तपासाबाबतची माहिती समोर येणे बाकी आहे.
