शनिवार, 7 नोव्हेंबर 2026
महायुतीत वादाची ठिणगी! चंद्रकांत रघुवंशींच्या टिकेमुळे भाजप-शिंदे गट आमनेसामने
जिल्हा परिषद निवडणुकांपूर्वीच भाजप आणि शिंदे गट आमनेसामने आले आहेत. नंदूरबारमध्ये (Nandurbar) स्वीकृत नगरसेवकाच्या निवडीवरून शिवसेनेचे आमदार चंद्रकांत रघुवंशी यांनी केलेल्या वक्तव्यामुळे नवा वाद उफाळून आला आहे. ‘एक लाख १० हजार मतदारांमध्ये भाजपला एकही पात्र उमेदवार सापडला नाही,अशी टिका चंद्रकांत रघुवंशी यांनी केल्याने भाजप चांगलीच भडकली आहे.
NCP Politics: रुग्णालयातील भेटीगाठींचा राजकीय सस्पेन्स! वेळ घेऊनही सुनेत्रा पवारांची भेट का टळली?
नंदुरबारमध्ये एका स्वीकृत नगरसेवकाने राजीनामा दिल्यानतंर नव्या नियुक्तीची प्रक्रिया सुरु होती. पण कागदपत्रातील त्रुटींमुळे भाजपने दिलेल्या उमेदवाराचा अर्ज प्रांतिधिकाऱ्यांनी बा ठरवला. यावरून आमदार रघुवंशी यांनी भाजपवरच निशाणा साधला. नंदूरबार शहरात तब्बल 1 लाख 10 हजार मतदार असताना, भाजपला स्वीकृत नगरसेवकपदासाठी एकही लायक आणि पात्र माणूस मिळू नये, याची मला लाज वाटते. योग्य उमेदवार शोधण्यासाठी इतरांचे मार्गदर्शन घ्यायला पाहिजे होते. असा खोचक टोला रघुवंशी यांनी लगावला. रघुवंशी यांच्या याच टिकेवरून महायुतीत वाद उफाळून आला आहे.
नंदूरबार जिल्ह्यात आगामी जिल्हा परिषद निवडणुकीच्या (Zilla Parishad Election) पार्श्वभूमीवर महायुतीमधील तीनही प्रमुख पक्ष म्हणजेच भाजप, शिवसेना (शिंदे गट) आणि राष्ट्रवादी काँग्रेस (अजित पवार गट) यांनी स्वबळावर निवडणूक लढवण्याची तयारी दर्शवली आहे. या निवडणुकीपूर्वीच महायुतीतील घटक पक्षांनी एकमेकांविरोधात दंड थोपटल्यामुळे खान्देशातील राजकीय वर्तुळात जोरदार चर्चांना उधाण आले असून, निवडणुकीपूर्वीच राजकीय संघर्षाला तीव्र सुरुवात झाली आहे.
महायुती म्हणून एकत्र निवडणुका लढवण्याऐवजी तिन्ही पक्षांचे स्थानिक नेते आपापल्या पक्षसंघटनेला बळ देण्यासाठी स्वबळावर ताकद आजमावण्याच्या पवित्र्यात आहेत. यामुळे जिल्ह्यात मैत्रीपूर्ण लढती ऐवजी तिरंगी किंवा चौकोनी संघर्ष होण्याची शक्यता बळावली आहे.
जिल्ह्यात मागील काळात पक्षाच्या माध्यमातून आणि शासनाच्या सहकार्याने झालेल्या विकासकामांच्या जोरावर आपण स्वबळावर बहुमत मिळवू असा ठाम विश्वास भाजपच्या स्थानिक नेत्यांकडून व्यक्त केला जात आहे. दुसरीकडे, शिवसेना आणि राष्ट्रवादीनेही आपल्या पारंपारिक मतदारसंघांवर पकड मजबूत करण्यासाठी स्वतंत्र रणनीती आखण्यास सुरुवात केली आहे.
Ans: नंदुरबारमध्ये स्वीकृत नगरसेवकाच्या निवडीदरम्यान कागदपत्रांतील त्रुटींमुळे भाजपचा अर्ज प्राधिकाऱ्यांनी बाद ठरवला, ज्यावरून आमदार चंद्रकांत रघुवंशी यांनी भाजपवर उपरोधिक टीका केली.
Ans: "१ लाख १० हजार मतदार असताना भाजपला स्वीकृत नगरसेवक पदासाठी एकही पात्र माणूस मिळू नये, याची लाज वाटते," अशी टीका रघुवंशी यांनी केली.
Ans: आगामी जिल्हा परिषद निवडणुकांच्या पार्श्वभूमीवर भाजप, शिवसेना (शिंदे गट) आणि राष्ट्रवादी (अजित पवार गट) यांनी स्वबळावर निवडणूक लढवण्याची तयारी दर्शवली आहे.
