मित्रानेच मित्राची गळा आवळून केली हत्या; दोन महिन्यांनी झाला खुलासा

पुण्यात गळा आवळून मित्राला ठार मारल्याचे समोर आले आहे. हे शवविच्छेदन अहवालातून उघडकीस आले आहे. दोन महिन्यांनी खुनाला वाचा फुटली असून, याप्रकरणी तीन जणांना चंदननगर पोलिसांनी बेड्या ठोकल्या आहेत. मृतकाचे नाव आकाश सुनील साबळे (वय ३० रा. नागपाल रोड, चंदननगर) आहे तर शशिकांत मच्छिंद्र घोरपडे (वय ३४, रा. खुळेवाडी), रोहित आनंद मोरे (वय २३, रा. ताउजीनगर, वडगाव शेरी) आणि यश रघुनाथ डांगे (वय २१, रा. शुभंकर पार्क, केसनंद, थेऊर रस्ता, कोलवडी) अशी अटक केलेल्यांची नावे आहेत.

पोलिसांनी दिलेल्या माहिती नुसार. आकाश साबळे आणि आरोपी हे दोघे चंदन नगरमधील हॉटेलमध्ये दारू पित बसले होते. त्यांच्यात किरकोळ कारणावरून वाद झाला होता. त्याच रागातून टोळक्याने आकाशाचा गळा आवळून खून केला. या प्रकरणी अकस्मात मृत्यूची नोंद करण्यात आली होती. चौकशी अहवालासह शवविच्छेदन अहवालातून आकाराचा खून झाल्याचे स्पष्ट झाले. त्यानुसार त्यादिवशी सोबत असलेल्या तिघांविरुद्ध खुनाचा गुन्हा दाखल करण्यात आला आहे. ही घटना १४ व १५ मार्चला घडली आहे. याप्रकरणी चंदननगर पोलिसांनी तपासाला गती देत तिघांना अटक केली. पोलीस निरीक्षक स्वाती खेडेकर पुढील तपास करीत आहेत.

चिखलीत धारदार शास्त्राने वार करून एकाचा खून

पिंपरीतून एक धक्कादायक घटना समोर आली आहे. एका धारदार हत्याराने वार करून खून केल्याची घटना गुरुवारी सकाळी उघडकीस आली. हि घटना चिखलीतील कृष्णानगर चौक ते चेरी चौक या मुख्य रस्त्यावर हत्या करण्यात आली. मृत व्यक्तीचे नाव महेश चामे (रा. नवचैतन्य सोसायटी, चिखली, मूळ लातूर) असे आहे. सविस्तर बातमी…

संबंधित बातम्या