Gadchiroli Crime: राष्ट्रवादीच्या महिला प्रदेश उपाध्यक्ष गीताताई हिंगे यांचा भीषण अपघातात मृत्यू; गडचिरोली येथील घटना

गडचिरोलीत राष्ट्रवादी काँग्रेस (अजित पवार गट)च्या महिला प्रदेश उपाध्यक्षा गीताताई हिंगे यांचा पाचगावजवळ भीषण अपघातात मृत्यू झाला. नागपूरहून परतताना गाडीला समोरून आलेल्या वाहनाची जोरदार धडक बसली.

• नागपूरवरून परतताना पाचगाव येथे रस्ते अपघातात गीताताई हिंगे यांचा मृत्यू.
• त्यांचे पती जखमी.
• नुकताच गीताताई हिंगे यांनी राष्ट्रवादीत प्रवेश केला होता.

गडचिरोली: गडचिरोली येथून एक धक्कदायक घटना समोर आली आहे. राष्ट्रवादी काँग्रेस (अजित पवार गट) यांच्या महिला प्रदेश उपाध्यक्ष गीताताई हिंगे यांचा भीषण अपघात झाला. या अपघातात त्यांचा मृत्यू झाल्याचे समोर आले आहे. ही घटना रविवारी घडली. या घटनेने संपूर्ण जिल्ह्यात दुःख व्यक्त केले जात आहे.

बलात्कार प्रकरणी मल्याळम अभिनेता दिलीपची निर्दोष सुटका, तर सहा आरोपी दोषी; २०१७ च्या प्रकरणात केरळ न्यायालयाचा निकाल

कसा झाला अपघात?

रविवारी गीताताई हिंगे या त्यांच्या खासगी कामासाठी नागपूरला गेल्या होत्या. रात्री उशिरा गडचिरोलीकडे परत येताना पाचगावजवळ त्यांच्या चारचाकीला समोरून येणाऱ्या वाहनाने जोरात धडक दिली. ही धडक एवढी जोरदार होती की घटनास्थळी त्यांचा मृत्यू झाला. तर त्यांच्या पतींना किरकोळ दुखापती झाली. दरम्यान, स्थानिक नागरिकांनी तात्काळ मदतीला सुरवात केली. पोलीस पथकाने घटनास्थळी पंचनामा करून तपासाला सुरुवात केली आहे.

गीताताई हिंगणे यांचा राजकीय प्रवास

गीताताई हिंगे या नुकताच राष्ट्रवाद काँग्रेस (अजित पवार गट) मध्ये दाखल झाल्या होत्या. 26 नोव्हेंबर 2025 रोजी त्यांच्या प्रवेशानंतर लगेच त्यांची महिला प्रदेश उपाध्यक्षा म्हणून नियुक्ती झाली. गीताताई हिंगे या पूर्वी भाजपमध्ये अत्यंत सक्रिय पदाधिकारी म्हणून काम पाहत होत्या. त्यांनी भाजपच्या जिल्हा अध्यक्ष आणि जिल्हा महामंत्री अशा जबाबदाऱ्या सांभाळल्या होत्या. नगरपरिषद निवडणुकीत नगराध्यक्षपदाची उमेदवारी न मिळाल्याने त्यांनी भाजपला रामराम केला. राष्ट्रवादी पक्षात प्रवेश केल्यानंतर त्यांच्या आगमनाने पक्षाला नवसंजीवनी मिळेल, अशी अपेक्षा व्यक्त करण्यात आली होती.

सामाजिक उपक्रमांत महत्त्वाची भूमिका

गीताताई हिंगे या राजकारणाबरोबरच सामाजिक उपक्रमात महत्वाची भूमिका बजावली आहे. त्या ‘आधार विश्व फाउंडेशन’च्या अध्यक्षा म्हणून काम पाहत होत्या आणि या संस्थेमार्फत अनेक गरीब व गरजू कुटुंबांना मदत केली. त्यांनी विशेषत: कोरोना काळात त्यांनी स्वतःहून पुढाकार घेऊन अन्नधान्य, औषधे आणि अन्य आवश्यक साहित्य गरजूंना पोहोचवले. त्यांच्या या कामाची जिल्ह्यात मोठ्या प्रमाणात दखल घेतली गेली होती. त्यांच्या निधनाने गडचिरोली जिल्ह्यातील राजकीय व सामाजिक क्षेत्रात हळहळ व्यक्त करण्यात येत आहे.

Nashik Accident: दुःखद! सप्तश्रृंगी घाटात इनोव्हा 600 फूट खोल दरीत कोसळली; 6 भाविकांचा मृत्यू