शरीरसंबंधास नकार दिल्याने पती संतप्त'; चाकूने सपासप वार केले अन् मध्यस्थी करणाऱ्या मुलीलाही...
पिंपरी : कंबरदुखीमुळे पतीला जवळ येण्यास नकार दिल्याच्या रागातून पतीने पत्नीचा गळा दाबून तसेच चाकूने कंबरेवर आणि बगलेवर वार केला. यामध्ये पतीने पत्नीला जीवे मारण्याचा प्रयत्न केल्याची घटना वाकड येथे घडली. पत्नीला वाचवण्यासाठी आलेल्या मुलीवरही चाकूने वार झाल्याने ती जखमी झाली.
याप्रकरणी 30 वर्षीय महिलेने वाकड पोलीस ठाण्यात फिर्याद दिली असून, तिचा पती कृष्णाजी विश्वनाथ सोमवंशी (वय 35, रा. भाऊसाहेब कलाटे गल्ली नं. १, दत्तमंदिर रोड, वाकड) याच्याविरोधात गुन्हा दाखल करण्यात आला आहे. पोलिसांनी दिलेल्या माहितीनुसार, ११ ऑगस्ट रोजी रात्री दहाच्या सुमारास फिर्यादी त्यांच्या घरातील स्वयंपाकघरात दूध गरम करत असताना आणि कंबरदुखीच्या औषधांच्या गोळ्या घेत असताना आरोपी पतीने मागून येऊन झोपण्यासाठी सोबत येण्यास सांगितले. मात्र, फिर्यादीने नकार दिला.
दरम्यान, याचा राग आल्याने दोन्ही हातांनी तिचा गळा दाबून श्वास कोंडला. त्यानंतर चाकूने तिच्या कंबरेवर तसेच उजव्या बगलेवर वार करून गंभीर जखमी केले. मुलगी अंजली भांडण सोडवण्यासाठी आली असता आरोपीच्या चाकूचा वार तिच्या उजव्या गुडघ्याला आणि हाताला लागून तीही जखमी झाली. याप्रकरणी वाकड पोलीस ठाण्यात गुन्हा दाखल करण्यात आला आहे.
अपहरण करून दोन दिवस महिलेवर अत्याचार
इन्स्टाग्रामवरून झालेल्या ओळखीचा गैरफायदा घेत फोटो व्हायरल करून बदनामी करण्याची धमकी देत विवाहितेला घाटी परिसरातून दुचाकीवरून पळवून नेत तिला डांबून ठेवत सलग दोन दिवस अत्याचार केल्याचा प्रकार उघडकीस आला आहे. हा प्रकार १६ ते १७ जुलैदरम्यान घडला आहे. बेगमपुरा पोलिसांनी तपास करुन आरोपीला नेवासा (जि. अहिल्यानगर) येथून बेड्या ठोकल्या आहेत. राजू माळी असे आरोपीचे नाव आहे. न्यायालयाने त्याला दोन दिवसांची पोलिस कोठडी सुनावली आहे.
.png "Videos"){kind=small}
