पत्नीच्या अफेअरचा संशय आणि पतीने लढवली अजब शक्कल (Photo Credit- X)
मिळालेल्या माहितीनुसार, एकता नगरमधील एका व्यक्तीला आपल्या पत्नीच्या वर्तणुकीवर गेल्या काही दिवसांपासून संशय होता. हा संशय खरा आहे की खोटा, हे तपासण्यासाठी त्याने एक अनोखी शक्कल लढवली. त्याने पत्नीच्या नकळत तिच्या चप्पलमध्ये एक लहान जीपीएस ट्रॅकर फिट केले. शनिवारी सकाळी पती नेहमीप्रमाणे कामावर गेला, मात्र त्याचे पूर्ण लक्ष मोबाईलमधील लोकेशनवर होते. काही वेळाने त्याला आपल्या घराचे लोकेशन संशयास्पद वाटले, तेव्हा त्याने तातडीने घर गाठले.
पती जेव्हा अचानक घरी पोहोचला आणि त्याने दरवाजा उघडला, तेव्हा समोरचे दृश्य पाहून त्याला धक्काच बसला. त्याची पत्नी तिच्या प्रियकरासोबत घरात उपस्थित होती. यानंतर संतापलेल्या पतीने आरडाओरडा सुरू केल्याने घटनास्थळी मोठी गर्दी जमली. या गोंधळादरम्यान दोघांमध्ये धक्काबुक्की आणि शाब्दिक चकमक झाली. हा वाद इतका विकोपाला गेला की प्रकरण थेट पोलीस ठाण्यापर्यंत पोहोचले.
Uttar Pradesh Crime: लखनौमध्ये संतापजनक घटना; पावसात आसरा घेतलेल्या तरुणीवर सामूहिक अत्याचार
या वादादरम्यान पतीने रागाच्या भरात प्रियकराची परवानाधारक पिस्तूल आणि सोन्याची साखळी हिसकावून घेतल्याचा आरोप करण्यात आला आहे. घटनेची माहिती मिळताच डायल 112 ची टीम घटनास्थळी दाखल झाली आणि सर्वांना पोलीस ठाण्यात घेऊन आली. पोलीस ठाण्यातही उशिरापर्यंत दोन्ही पक्षांमध्ये आरोप-प्रत्यारोपांच्या फैरी सुरू होत्या आणि वातावरण तणावपूर्ण होते.
फुलवारी शरीफ पोलीस ठाण्याचे अध्यक्ष मोहम्मद शहबाज आलम यांनी दिलेल्या माहितीनुसार, पोलिसांनी दोन्ही बाजूंच्या व्यक्तींना समजावून सांगण्याचा प्रयत्न केला. त्यानंतर पती, पत्नी आणि प्रियकर यांच्यात परस्पर संमतीने समझोता झाला. तिन्ही पक्षांनी एकमेकांविरुद्ध कोणतीही कायदेशीर तक्रार न देण्याचा निर्णय घेतला. कोणत्याही बाजूने लेखी तक्रार प्राप्त न झाल्यामुळे पोलिसांनी कोणावरही कारवाई केली नाही आणि उशिरा रात्री सर्वांना सोडून देण्यात आले.
.png "Videos"){kind=small}
