आधी पत्नी आणि लाडक्या लेकीला संपवलं, नंतर नवऱ्यानेही उचलले टोकाचे पाऊल (फोटो सौजन्य-X)
Ulhasnagar Crime News in Marathi: उल्हासनगरमधून एक धक्कादायक बातमी समोर येत आहे. आर्थिक ताणामुळे पत्नी व मुलीची हत्या केली, त्यानंतर पतीने टोकाचं पाऊल उचल्याची माहिती मिळत आहे. आर्थिक संकटाशी झुंजणाऱ्या व्यावसायिक पवन पाहुजा यांनी त्यांच्या पत्नी आणि मुलीची हत्या केली आणि नंतर स्वत: आत्महत्या केली. पवन पाहुजा (५१), पत्नी नेहा पाहुजा (४८) आणि मुलगी नेहा पाहुजा (१६) अशी मृतांची नावे आहेत. उल्हासनगरमधील बेवास चौक परिसरातील हर्षा कॉटेज बिल्डिंगमध्ये गुरुवारी (16 मे) सकाळी ही घटना घडली. सकाळी पवनचा भाऊ त्याच्या घरी गेला तेव्हा कोणीही दार उघडले नाही. त्यांनी दरवाजा तोडून आत पाहिले तर तिघांचेही मृतदेह पडलेले होते.
पोलिसांनी दिलेल्या माहितीनुसार, पाहुजा हे उल्हासनगरमधील सोनारा गली परिसरात दागिन्यांचे दुकान चालवत होते. त्याने प्रथम पत्नी आणि मुलीचा गळा दाबून खून केला आणि नंतर स्वतःलाही गळफास लावून घेतला. त्यांच्या मुलीने नुकतीच दहावीची परीक्षा दिली होती. सोनारा गली येथील व्यापारी अनिल काटेजा म्हणाले की, व्यवसायात आर्थिक नुकसान झाल्यामुळे पवन नैराश्यात होता. याशिवाय, सहा महिन्यांपूर्वी त्यांच्या मुलाचे आजाराने निधन झाले होते, ज्यामुळे ते अस्वस्थ होते.
पाहुजाच्या चुलत भावाने सांगितले की, आत्महत्या करण्यापूर्वी पवनने एक व्हिडिओ रेकॉर्ड केला होता ज्यामध्ये तो त्याच्या पत्नी आणि मुलीसह त्याचे जीवन संपवण्याबद्दल बोलला होता. उल्हासनगर विभागाचे डीसीपी सचिन गोरे म्हणाले की, पाहुजाचा भाऊही त्याच्या इमारतीत राहतो. सकाळी दार वाजवूनही त्याला प्रतिसाद मिळाला नाही तेव्हा त्याने दार तोडले. पाहुजाने त्याच्या मृत्यूसाठी कोणालाही जबाबदार धरलेले नाही. या घटनेमागील कारण आर्थिक संकट असल्याचे सांगितले जात आहे.
पीडितांचे शेजारी आणि मित्र म्हणाले की, पाहुजा अनेकदा त्यांच्याशी त्यांच्या समस्यांवर चर्चा करत असे आणि स्वतःचा जीव घेण्याबद्दल बोलत असे. पाहुजाच्या एका मित्राच्या म्हणण्यानुसार, त्याने एक व्हिडिओ रेकॉर्ड केला आहे ज्यामध्ये त्याने फसवणाऱ्या आणि त्रास देणाऱ्या लोकांचा उल्लेख केला आहे, असे अधिकाऱ्याने सांगितले. पोलिसांनी रेकॉर्ड केलेला संदेश जप्त केला आहे आणि त्याची चौकशी केली जात आहे.
.png "Videos"){kind=small}
