KDMC Crime: घातपाताचा कट होता का? कल्याणजवळ कारमधून पिस्तूल-काडतुसे जप्त; रोशन गोंधळीला अटक

KDMC Crime: कल्याणजवळील बल्याणी परिसरात एका कारची तपासणी करताना दोन गावठी पिस्तूल आणि १० जिवंत काडतुसे आढळून आल्याने खळबळ उडाली आहे. ठाणे गुन्हे शाखेच्या पथकाने कारवाई करत रोशन गोंधळी आणि त्याचा साथीदार कृष्णा यादव या दोघांना अटक केली. दोघांना कल्याण न्यायालयात हजर केले असता तीन दिवसांची पोलीस कोठडी सुनावण्यात आली आहे.

• कल्याण नजीक कल्याणी मध्ये कारमधून दोन पिस्तूल 10 जिवंत काडतुस सापडल्याने परिसरात खळबळ
• बल्यानी परिसरात दहशत माजवणाऱ्या रोशन गोंधळीसह दोघांना अटक
• घातपात करण्यासाठी वापरली जाणार होती का पिस्तूल पोलीस तपास सुरू ?

KDMC Crime: कल्याणजवळील बल्याणी परिसरात एका कारमधून दोन गावठी पिस्तूल आणि १० जिवंत काडतुसे आढळून आल्याने परिसरात खळबळ उडाली आहे. ठाणे गुन्हे शाखेच्या (LCB) पथकाने केलेल्या कारवाईत रोशन गोंधळी आणि त्याचा साथीदार कृष्णा यादव या दोघांना अटक करण्यात आली आहे. पोलिसांच्या कारवाईनंतर ही शस्त्रे नेमकी कशासाठी आणण्यात आली होती, याचा तपास सुरू झाला आहे. संभाव्य घातपात किंवा अन्य कोणता गुन्हा करण्यासाठी ही शस्त्रे वापरली जाणार होती का, याचा तपास पोलीस करत आहेत.

गुप्त माहितीच्या आधारे कारवाई

ठाणे LCBचे पोलीस अधिकारी भाऊसाहेब गायकवाड यांना बल्याणी परिसरात रोशन गोंधळीच्या कारमध्ये शस्त्रे असल्याची माहिती मिळाली होती. या माहितीच्या आधारे गुन्हे शाखेच्या पथकाने संबंधित कारवर लक्ष ठेवून तिची तपासणी केली. कारची झडती घेतली असता पोलिसांना दोन गावठी पिस्तूल आणि १० जिवंत काडतुसे आढळून आली. त्यानंतर रोशन गोंधळी आणि कृष्णा यादव या दोघांना ताब्यात घेण्यात आले.

तलावाभोवतीची अतिक्रमणे हटवा; प्रभावशाली व्यक्तींचीही गय करू नका, हायकोर्टाचे स्पष्ट निर्देश

टिटवाळा पोलिसांकडे तपास

गुन्हे शाखेने दोन्ही आरोपींना पुढील तपासासाठी टिटवाळा पोलिसांच्या ताब्यात दिले. टिटवाळा पोलिसांनी दोघांना कल्याण न्यायालयात हजर केले. न्यायालयाने दोन्ही आरोपींना तीन दिवसांची पोलीस कोठडी सुनावली आहे. पोलीस कोठडीत आरोपींकडून शस्त्रांबाबत अधिक माहिती मिळवण्याचा प्रयत्न केला जाणार आहे.

पिस्तूल कोणाकडून मिळाली?

पोलिसांसमोर आता अनेक प्रश्न आहेत. ही पिस्तूल आणि काडतुसे आरोपींनी कोणाकडून खरेदी केली? ती नेमकी कशासाठी आणली होती? कोणत्या गुन्ह्यासाठी त्यांचा वापर होणार होता? तसेच या प्रकरणामागे आणखी कोणाचा सहभाग आहे का, याचा तपास केला जात आहे. टिटवाळा पोलीस ठाण्याचे पोलीस अधिकारी विशाल चोरगे या प्रकरणाचा पुढील तपास करत आहेत.

रोशन गोंधळीविरोधात यापूर्वीही गुन्हे

पोलिसांनी दिलेल्या माहितीनुसार, रोशन गोंधळी याच्याविरोधात यापूर्वीही अनेक गुन्हे दाखल असल्याची माहिती समोर आली आहे. त्यामुळे त्याच्या पूर्वीच्या गुन्हेगारी पार्श्वभूमीचाही तपास केला जात आहे. बल्याणी परिसरातून एकाच कारमध्ये दोन गावठी पिस्तूल आणि १० जिवंत काडतुसे सापडल्याने या प्रकरणाचे गांभीर्य वाढले आहे. मात्र, शस्त्रे नेमकी कोणत्या उद्देशाने आणली होती, हे पोलीस तपास पूर्ण झाल्यानंतरच स्पष्ट होणार आहे. या प्रकरणाचा तपास टिटवाला पोलीस स्टेशनचे वरिष्ठ पोलीस निरीक्षक मुकेश ढगे यांच्या मार्गदर्शनाखाली पोलीस अधिकारी विशाल चोरगे करीत आहेत.

Washim crime: अनेक वर्षांपासून प्रेमसंबंध, आंतरजातीय विवाहाला घरच्यांचा विरोध; प्रेमीयुगलाने मोर्णा तलावात उडी घेत संपवलं जीवन