Kalyan Crime: मॉर्निंग सायकलिंग ठरलं जीवघेणं! अल्पवयीनाच्या भरधाव कारने उद्योजकाचा जीव घेतला; पालकांवरही गुन्हा दाखल

कल्याणमध्ये 17 वर्षीय मुलाने भरधाव कार चालवताना सायकलिंग करणाऱ्या उद्योजकाला धडक दिली. अपघातात त्यांचा जागीच मृत्यू झाला. पोलिसांनी अल्पवयीनाला ताब्यात घेत पालकांवरही गुन्हा दाखल केला आहे.

• अल्पवयीन चालकाच्या कारने उद्योजकाचा मृत्यू
• रिंग रोडवर भीषण अपघात; सीसीटीव्हीत घटना कैद
• मुलासह पालकांवरही पोलिसांची कारवाई

कल्याण: कल्याण येथून एक अपघाताची घटना समोर आली आहे.कल्याण रिंग रोडवर एका अल्पवयीन मुलाने कार चालवतांना सायकलस्वार उद्योजकाला जोरदार धडक दिली, ज्यात त्यांचा मृत्यू झाल्याचे समोर आले आहे. या प्रकरणी पोलिसांनी मुलाला ताब्यात घेऊन त्याच्या आईवर देखील गुन्हा दाखल केला आहे. प्रसिद्ध व्यावसायिक श्रीनिवास तंडाले असे अपघातात मृत्यू झालेल्या व्यक्तीचे नाव आहे. या हृदयद्रावक अपघाताचा सर्व थरार रस्त्याच्या कडेला असलेल्या सीसीटीव्ही कॅमेऱ्यात कैद झाला आहे.

काय घडलं नेमकं?

श्रीनिवास तंडाले हे सकाळी सायकलिंग करण्यासाठी गेले होते. त्यावेळी अवघ्या १७ वर्षांच्या एका मुलाने घरातून कारची चावी नेली आणि तो रिंग रोडवर गाडी चालवू लागला. वेगावर नियंत्रण न राहिल्याने त्याने समोर असलेल्या तंडाले यांना धडक दिली. यात त्यांचा मृत्यू झाला. या घटनेनंतर खडकपाडा पोलिसांनी तातडीने सूत्रे हलवत कार जप्त केली आणि बुधवारी सकाळी 9 वाजता संबंधित अल्पवयीन मुलाला ताब्यात घेतले.

Bihar Crime: बिहार हादरलं! मंदिरातून 3 वर्षीय चिमुरडी बेपत्ता, काही तासांत रक्तबंबाळ अवस्थेत सापडली; काय घडलं नेमकं?

एवढेच नाही तर अल्पवयीन मुलाच्या हातात गाडी सोपवल्याबद्दल त्याची आई कामिनी योगेश पांडे हिच्यावर गुन्हा दाखल करण्यात आला आहे. वडिलांवरही कारवाई करण्याची तयारी पोलिसांनी सुरु केली आहे.

See more

कल्याण : सायकलिंग करत असलेल्या बिझनेसमनला चिरडलं, अल्पवयीन मुलाने बेदरकार कार ड्रायव्हिंग; पाहा VIDEO pic.twitter.com/HWyx4iItEj — Sumit Bhujbal (@SumitBhujb19648) March 26, 2026

रस्त्यावरील सुरक्षेची मागणी

या घटनेमुळे या भीषण घटनेचा निषेध करण्यासाठी आणि रस्त्यावरील सुरक्षेची मागणी करण्यासाठी स्थानिक सायकलिंग ग्रुप आणि नागरिक गुरुवारी एकत्र येऊन निदर्शने करणार आहेत. सायकलिंग ग्रुपच्या सदस्या डॉ. रहनुमा ऐत शमुद्दीन यांनी सांगितले की, अशा घटनांमुळे सकाळी घराबाहेर पडणे कठीण झाले आहे. पालकांनी आपल्या मुलांच्या हातात गाडी देताना होणाऱ्या परिणामांचा विचार करणे गरजेचे आहे. हा अपघात केवळ एक रस्ते अपघात नसून पालकांच्या बेजबाबदारपणाचा परिणाम असल्याचे मत नागरिकांनी व्यक्त केले आहे.

Crime News: सिंधुदुर्गमध्ये एकच खळबळ; 16 वर्षीय मुलीने थेट गळफास घेऊन संपवले जीवन