Crime News Live Updates
जळगाव जिल्ह्यातील चाळीसगाव शहरात नुकताच माजी नगरसेवकावर झालेल्या प्राणघातक हल्ल्याने एकच खळबळ उडाली होती. 26 ऑगस्ट रोजी माजी नगरसेवक प्रभाकर चौधरी यांच्यावर काही अज्ञात इसमांनी कोयत्याने वार करत त्यांना गंभीर जखमी केले होते. या घटनेनंतर शहरात मोठी दहशत पसरली होती. अखेर पोलिसांनी या हल्ला प्रकरणातील तिघा आरोपींना अटक करण्यात यश मिळवले आहे.
01 Sep 2025 05:01 PM (IST)
शिरुर शहरातील माणिकचंद हॉस्पिटलमध्ये महिला तिच्या पतीला उपचारासाठी घेऊन आलेली असताना पोपट सालके हा महिलेचा मोबाईल घेऊन हॉस्पिटलखाली आल्याने महिला मोबाईल घेण्यासाठी आल्यानंतर पोपट याने महिलेचा हात पकडून महिलेच्या मनास लज्जा निर्माण होईल असे वर्तन करत पोलिसांत तक्रार केली तर जीवे मारण्याची धमकी दिली, याबाबत पिडीत महिलेने शिरुर पोलीस स्टेशन येथे फिर्याद दिल्याने पोलिसांनी पोपट जयराम सालके रा. जवळा ता. पारनेर जि. अहिल्यानगर याच्या विरुद्ध गुन्हा दाखल केला असून पुढील तपास पोलीस हवालदार दिपक राऊत हे करत आहेत.
01 Sep 2025 04:50 PM (IST)
पर्वती दर्शन परिसरात नियोजित झोपडपट्टी पुनर्वसन प्रकल्पातील (एसआरए) इमारतीत काम करताना तोल जाऊन पडल्याने बांधकाम मजुराचा मृत्यू झाला. शनिवारी सायंकाळी ही घटना घडली. गेंदमाई रघुराई साकेत (वय २९, मूळ रा. कुचवाही, जि. सिधी, मध्य प्रदेश ) असे मृत्यू झालेल्या बांधकाम मजुराचे नाव आहे. याबाबत साकेत याच्या भावाने पर्वती पोलिस ठाण्यात तक्रार दिली आहे. त्यानुसार, ठेकेदारासह सुरक्षाविषयक पर्यवेक्षकाविरुद्ध गुन्हा दाखल करण्यात आला.
01 Sep 2025 04:40 PM (IST)
सिंधुदुर्ग जिल्ह्यातील कुडाळ तालुक्यात नेरुर-देसाईवाडा रस्ता पंतप्रधान ग्रामसडक योजनेतून करण्यात आला असला तरी त्याचे काम निकृष्ट दर्जाचे असल्याचा आरोप स्थानिक नागरिकांनी केला आहे. रस्त्याला साईडपट्टी आणि गटार नसल्यामुळे पावसाचे पाणी थेट वाडीत शिरत असून त्यामुळे नागरिकांना, विशेषतः ज्येष्ठांना, मोठा त्रास सहन करावा लागत आहे. या पार्श्वभूमीवर प्रशासनाने तातडीने दखल घेऊन रस्त्यावरील त्रुटी दूर कराव्यात, अशी मागणी ग्रामस्थांनी केली आहे.
01 Sep 2025 04:20 PM (IST)
तरुणाच्या त्रासामुळे एका विवाहितीने गळफास घेऊन आत्महत्या केल्याची घटना येरवडा भागात घडली. तरुणीला आत्महत्येस प्रवृत्त केल्याप्रकरणी तरुणासह त्याच्या पत्नीवर पोलिसांनी गुन्हा दाखल केला. याबाबत विवाहित तरुणीच्या आईने येरवडा पोलिस ठाण्यात तक्रार दिली आहे. त्यानूसार आरोपी पंकज रवींद्र पाटील, त्याची पत्नी रुपाली (दोघे रा. गोडबोले वस्ती, मांजरी) यांच्यावर गुन्हा दाखल केला आहे.
01 Sep 2025 04:00 PM (IST)
अमली पदार्थ विक्री प्रकरणात अटककरून कारागृहात पाठवलेल्या गुन्हेगारांना जामीन मिळवून बाहेर पडल्यानंतर पुन्हा गांजा विक्री सुरू केल्याचा प्रकार उघडकीस आला आहे. सराइताला सहकारनगर पोलिसांनी अटक करून त्याच्याकडून तीन लाख रुपये किंमतीचा दहा किलो गांजा जप्त केला. प्रसाद गणेश हारपुडे (वय २५, रा. शंकर महाराज वसाहत, धनकवडी, पुणे-सातारा रस्ता) असे अटक करण्यात आलेल्याचे नाव आहे.
01 Sep 2025 03:40 PM (IST)
हडपसर वाघोली असा बस प्रवासा १७ वर्षीय अल्पवयीन मुलीच्या कानातील सोन्याच्या रिंगा चोरी नेल्याची घटना घडली. याप्रकरणी हडपसर पोलिस ठाण्यात गुन्हा दाखल करण्यात आला आहे. याबाबत १७ वर्षीय अल्पवयीन मुलीने तक्रार दिली आहे. शनिवारी (दि३० ऑगस्ट) दुपारी पावणे तीनच्या सुमारास हा प्रकार घडला. तिला हा प्रकार लक्षात येताच तिने पोलिसांकडे धाव घेतली. त्यानंतर याप्रकरणी गुन्हा दाखल करण्यात आला आहे.
01 Sep 2025 03:20 PM (IST)
भरधाव गाडी चालवल्यानंतर सुरू असलेला वाद मिटविण्यासाठी गेलेल्या पोलिस अमंलदारांनाच धक्काबुक्की करण्यात आल्याचा प्रकार घडला. पाच जणांनी वाद घालत धक्काबुक्की केली. याप्रकरणी ज्ञानेर्‍वर सुंदर नटकले (२६), राहुल संजय साळवे (वय २३), रोहित अशोक डोंगरे (वय २७, सर्व रा. भिमनगर, विश्रांतवाडी), सिध्दी कांबळे (वय २४, रा. साप्रस आंबेडकर सोसायटी, येरवडा) आणि हर्षल भोसले (२५, रा. टिंगरेनगर, विश्रांतवाडी) यांच्यावर गुन्हा दाखल करण्यात आला आहे. याबाबत सुरज बापुराव रणसिंग (वय ३२, रा. घोरपडी बाजार) यांनी तक्रार दिली आहे. हा प्रकार ३० ऑगस्ट रोजी साडेसात वाजण्याच्या सुमारास घडला आहे.
01 Sep 2025 03:00 PM (IST)
डोंबिवली येथून एक फसवणुकीची मोठी बातमी समोर आली आहे. बनावट सोनाच्या नाण्यांच्या बदल्यात तब्बल १० लाख ३३ हजार रुपये किमतीचा सोन्याचा कंठीहार घेऊन आरोपी पसार झाला आहे. यामुळे दुकानदाराला लाखोंचा गंडा घातला गेला आहे. ही घटना डोंबिवली पूर्वमधील टिळक रस्त्यावर असलेल्या श्री देवी ज्वेलर्स प्रायव्हेट लिमिटेड या दुकानात शुक्रवार २९ सप्टेंबर रोजी दुपारी दीड वाजण्याच्या सुमारास घडली आहे.
01 Sep 2025 02:20 PM (IST)
मालेगाव मधून एक धक्कादायक घटना समोर आली आहे. अल्पवयीन मुलीवर बलात्कार केल्याच्या आरोपाखाली एका एमआयएम कार्यकर्त्याला अटक करण्यात आली आहे. अटक करण्यात आलेल्याचे नाव हाजी युसुफ इलियास असे आहे. तो एमआयएम आमदार मौलाना मुफ्ती इस्माईल यांचा तो कट्टर समर्थक मानला जातो. त्याला न्यायालयाने ४ दिवसांची पोलीस कोठडी सुनावली आहे. या घटनेने राजकीय वर्तुळात खळबळ उडाली आहे.
01 Sep 2025 02:17 PM (IST)
Heavy Rain Update: गेल्या काही दिवसांपासून देसभरात पावसाने चांगलीच हजेरी लावली आहे. अनेक राज्यांमध्ये पावसाने कहर केला आहे. उत्तराखंड व हिमाचल प्रदेशमध्ये पावसाचा जोर वाढणार आहे. भारतीय हवामान विभागाने अनेक राज्यांमध्ये पावसाचा इशारा दिला आहे. नागरिकांना सतर्क राहण्याचे व सुरक्षित स्थळी जाण्याचे आवाहन करण्यात आले आहे.
01 Sep 2025 02:00 PM (IST)
धुळे येथून एक धक्कदायक प्रकार समोर आला आहे. भर रस्त्यात सर्वांसमोर दोन पोलिसांना मारहाण झाल्याचा प्रकार समोर आला आहे. धुळे शहरातील पाच कंदील परिसरामध्ये ही घटना घडली आहे. या घटनेचा व्हिडीओ सध्या जोरदार व्हायरल होत आहे. या व्हिडिओत पोलिसांना मारताना एक तरुण दिसत आहे.
01 Sep 2025 01:40 PM (IST)
सोलापूर येथून एक धक्कादायक घटना समोर आली आहे. एका कुटुंबातील २ चिमुरड्यांचा मृत्यू झाला आहे. कुटुंबातील लोकांनी झोपण्याआधी तिरुपतीचा प्रसाद वाटला. यांनतर ते झोपी गेले. सकाळी जाग आली तर धक्कादायक दृश्य समोर आला आहे. कुटुंबातील दोन्ही चिमुरड्यांचा मृत्यू झाला. याशिवाय पत्नी आणि आईसह त्यांना तातडीने रुग्णालयात दाखल करण्यात आलं होत.
01 Sep 2025 01:20 PM (IST)
त्रपती संभाजीनगरात एक धक्कादायक घटना समोर आली आहे. महाराज असल्याचे सोंग घेत चक्क गांजाची शेती केल्याचा प्रकार समोर आला आहे. पोलिसांनी याची कुणकुण लागताच पथकाने छापा टाकून मोठ्या प्रमाणात गांजा जप्त केला असून एका आरोपीला अटक करण्यात आली आहे. मात्र, मुख्य संशयित ‘गोट्या महाराज’ उर्फ परमेश्वरानंद हा पसार झाला आहे. या कारवाईमुळे जिल्ह्यात एकच खळबळ उडाली आहे.
01 Sep 2025 12:55 PM (IST)
अल्पवयीन मुलीवर लैगिक अत्याचार केल्यानंतर ती गर्भवती राहिल्याचा धक्कादायक प्रकार समोर आला आहे. तिच्यावर अत्याचार करणार्‍याला उत्तमनगर पोलिसांनी अटक केली आहे. अथर्व विजय गुडेकर (१९, रा. स्वप्न नंदिनी, बिल्डींग, शिवणे) असे अटक करण्यात आलेल्याचे नाव आहे. त्याच्यावर बलात्कार, बाल लैंगिक अत्याचाराच्या विविध कलमान्वये गुन्हा दाखल करण्यात आला आहे. याबाबत पिडीत मुलीच्या आईने पोलिसांत तक्रार दिली आहे. आरोपीने केलेल्या अत्याचारामुळे अल्पवयीन मुलगी आठ आठवड्यांची गर्भवती असल्याचे वैद्यकीय तपासणीत समोर आले आहे.
01 Sep 2025 12:42 PM (IST)
जागेच्या कंपाऊंडमध्ये घुसुन कामगारांना व तक्रारदारांना शिवीगाळ करून जिवे मारण्याची धमकी दिल्याप्रकरणी सात जणांवर गुन्हा दाखल करण्यात आला आहे. सुमन किसन बेलदरे, मधुकर शेजवळ, रोहीत शेजवळ, सुनिता बाळु शेजवळ, हरिदास पवार, महेश शिवाजी बेलदरे, आशितोष बेलदरे (सर्व रा. वडकी ता. हवलेली, जि. पुणे) अशी गुन्हा दाखल केलेल्यांची नावे आहेत. याबाबत अमर मुरलीधर शेवाळे (४६, रा. मांजरी फार्म, शेवाळवाडी) यांनी फुरसुंगी पोलिस ठाण्यात तक्रार दिली आहे. हा प्रकार वडकी येथील गट क्रमांक १३५० येथे हा प्रकार जून २०२४ ते ३० ऑगस्ट २०२५ दरम्यान घडला.
01 Sep 2025 12:22 PM (IST)
पुण्यासह राज्यभर खळबळ उडवून दिलेल्या स्वारगेट बलात्कार प्रकरणातील आरोपी दत्तात्रेय गाडेचा दुसरा जामीन अर्जही पुणे सत्र न्यायालयाने फेटाळल्याची माहिती समोर आली आहे. त्याने गंभीर स्वरुपाचा गुन्हा केला असून, या प्रकरणात आरोपपत्र दाखल केल्यानंतरही परिस्थितीत कोणताही बदल झालेला नाही, असे निरीक्षण नोंदवित अतिरिक्त सत्र न्यायाधीश अनिरुद्ध गांधी यांनी गाडेला जामीन देण्यास नकार दिला तसेच त्याच्याविरोधात आरोप निश्चिती करण्यासाठी पुढील सुनावणीला न्यायालयात हजर करण्याचे आदेशही पुणे पोलिसांना दिले.
01 Sep 2025 12:01 PM (IST)
बाबा सिद्धीकी हत्या प्रकरणी महत्वाची अपडेट समोर आली आहे. याप्रकरणी मुंबई पोलिसांच्या गुन्हे शाखेने अमोल गायकवाड नावाच्या व्यक्तीला अटक केली आहे. या प्रकरणातील हा 28 वा अटक आरोपी आहे. अमोल गायकवाडचा पंजाबमधील एका गार्मेट व्यावसायिकाच्या हत्या प्रकरणातही सहभाग असल्याचे तपासात समोर आले आहे. तर बाबा सिद्धीकी यांच्या हत्येच्या कटावेळी झालेल्या बैठकितही अमोलचा सहभाग असल्याचे तपासात समोर आले आहे.
01 Sep 2025 11:39 AM (IST)
वाकडेवाडीतील नामांकित दुचाकीच्या शोरुममधील सुरक्षा रक्षकाला कटरचा धाक दाखवून व त्याचे हातपाय बांधुन शोरुममधील ७ लाख ११ हजार रुपयांची रोकड जबरदस्तीने लुटणारा चोरटा शोरूममधीलच कामगार निघाला आहे. त्याला गुन्हे शाखेच्या युनिट चारने बेड्या ठोकल्या आहेत. प्रतिक भारत सावंत (वय २३, रा. सुळे पीजी महर्षीनगर, गुलटेकडी) असे चोरट्याचे नाव आहे.
.png "Videos"){kind=small}
