मिरा-भाईंदर हादरलं! आक्षेपार्ह व्हिडीओचा धाक दाखवून १४ वर्षीय चिमुकलीवर लैंगिक अत्याचार; ६ जणांवर गुन्हा दाखल, दोघे गजाआड
पुण्यात जुन्या वादातून रिक्षा चालकावर हल्ला, लाकूड अन् बेल्टने बेदम मारहाण; नेमकं काय घडलं?
पोलिसांनी दिलेल्या माहितीनुसार, पीडित मुलगी काशिमिरा परिसरातील एका इमारतीत कुटुंबीयांसह राहते. कुटुंबीय कामानिमित्त घराबाहेर गेल्यानंतर ती काही वेळ घरात एकटी असायची. याच परिस्थितीचा गैरफायदा घेत त्याच इमारतीत राहणाऱ्या एका २५ वर्षीय तरुणाने जून महिन्यात तिचे काही आक्षेपार्ह व्हिडीओ काढल्याचा आरोप आहे.
यानंतर संबंधित तरुणाने हे व्हिडीओ व्हायरल करण्याची धमकी देत पीडितेला मानसिक दबावाखाली ठेवले. या धमकीचा गैरफायदा घेत त्याने पीडितेवर अत्याचार केल्याचे पोलिसांच्या प्राथमिक तपासात समोर आले आहे. त्यानंतर त्याने हे व्हिडीओ आपल्या दोन मित्रांना दिल्याचा आरोप आहे. व्हिडीओ हातात आल्यानंतर या दोघांनीही पीडितेला धमकावून तिच्यावर अत्याचार केल्याचे तक्रारीत नमूद करण्यात आले आहे. त्यामुळे या प्रकरणाचे गांभीर्य आणखी वाढले आहे. संबंधित व्हिडीओ सार्वजनिक करण्याची भीती दाखवत पीडितेवर दबाव आणला जात असल्याचा आरोप आहे.
दरम्यान, अन्य तीन तरुणांकडूनही पीडितेला फोन करून भेटण्यासाठी बोलावले जात होते. त्यांच्या म्हणण्यानुसार वागले नाही तर व्हिडीओ व्हायरल करण्याची धमकी दिली जात असल्याने पीडित मुलगी मानसिकदृष्ट्या त्रस्त झाली होती. गेल्या सुमारे दोन महिन्यांपासून हा प्रकार सुरू असल्याचे प्राथमिक तपासात समोर आले आहे.
सततच्या धमक्या आणि मानसिक त्रासाला कंटाळल्यानंतर अखेर पीडितेने घडलेला प्रकार आपल्या कुटुंबीयांना सांगितला. कुटुंबीयांनी तत्काळ काशिमिरा पोलिसांशी संपर्क साधला. त्यानंतर पोलिसांनी प्रकरणाचे गांभीर्य लक्षात घेत तपास सुरू केला. या प्रकरणी काशिमिरा पोलिसांनी सहा आरोपींविरोधात पोक्सोसह भारतीय न्याय संहितेतील संबंधित कलमांनुसार गुन्हा दाखल केला आहे. पोलिसांनी तपासाची चक्रे वेगाने फिरवत दोन आरोपींना अटक केली आहे. उर्वरित चार आरोपींचा शोध सुरू असून, त्यांच्या भूमिकेबाबतही तपास केला जात आहे.
पत्नीला मित्रासोबत पाहिले अन् पतीलाच बसला चोप, पुण्यातील घटना; नेमकं काय घडलं?
दरम्यान, पोलिसांकडून पीडित मुलीची ओळख गोपनीय ठेवण्यात आली आहे. तसेच तिच्याशी संबंधित कोणतेही फोटो, व्हिडीओ किंवा ओळख पटवणारी माहिती सोशल मीडियावर प्रसारित करू नये, असे आवाहन करण्यात आले आहे. या घटनेमुळे मिरा-भाईंदरमध्ये अल्पवयीन मुलींच्या सुरक्षिततेचा प्रश्न पुन्हा एकदा ऐरणीवर आला असून, अशा प्रकारे व्हिडीओ किंवा डिजिटल माध्यमांचा वापर करून अल्पवयीन मुलींना धमकावणाऱ्या व्यक्तींवर कठोर कारवाई करण्याची मागणी होत आहे. पोलिसांकडून या प्रकरणाचा पुढील तपास सुरू आहे.
.png "Videos"){kind=small}
