कांदिवली पश्चिमेतून एक धक्कादायक घटना समोर आली आहे. ज्येष्ठ व्यावसायिकाच्या हत्येचा कट पोलिसांनी उघडकीस आणला आहेत. या कटात व्यावसायिकाच्या मुलाचा सहभाग असल्याचे समोर आले आहे. हत्या करण्यात आलेल्या व्यावसायिकाचा नाव ६७ वर्षीय मोहम्मद आयुब मोहम्मद युनूस सय्यद असे आहे. त्यांची हत्या त्यांच्या कार्यालयामध्ये धारदार शास्त्राने वार करून करण्यात आली होती. पोलिसांनी आरोपींना अटक केली असून मुलगा हा फरार आहे.
का करण्यात आली हत्या?
तपासातून समोर आले की, मृतक व्यावसायिकाचा भागीदार शानू मुस्ताक चौधरी याला गुंतवणुकीचा हिस्सा परत मिळत नसल्याचा राग होता. याशिवाय, मृतकाचा मुलगा मोहम्मद हनिफ सय्यद याला मालमत्तेत हिस्सा न दिल्याने त्यानेही या कटात सहभाग घेतला आहे.
कशी केली हत्या?
मृतकाचा मुलगा आणि भागीदार या दोघांनी मिळून हत्येची सुपारी दिली आणि हत्येचा कट रचला. त्यांनी गोवंडीतील मोहम्मद खैरूल इस्लाम कादीर अली आणि त्याचा साथीदार शहानवाज जमिल कुरेशी यांना सुपारी दिली. या हत्येसाठी तब्बल 6.50 लाख रुपयांची सुपारी देण्यात आली होती. यापैकी 1 लाख रुपये अॅडव्हान्स देण्यात आल्याचे तपासात स्पष्ट झाले.पोलिसांनी आतापर्यंत तिघा आरोपींना अटक केली असून चौथा आरोपी फरार आहे. त्याचा शोध सुरू आहे. या हत्येमुळे व्यावसायिक जगतात खळबळ उडाली आहे.
पोलिसांनी काय माहिती दिली?
पोलिसांनी सांगितले की, 21 सप्टेंबर रोजी सकाळी 11 ते 12 च्या दरम्यान फॅक्टरीच्या परिसरात मोहम्मद आयुब मोहम्मद युनुस सय्यद यांची हत्या करण्यात आली. पोलिसांनी त्या ठिकाणी जाऊन तांत्रिक तपास केला आणि दोन संशयित निश्चित केले. त्यापैकी एकटा भिवंडीच्या परिसरात मिळाला. त्याच्याकडे चौकशी केल्यानंतर त्याला ज्याने सुपारी दिली होती त्याची माहिती मिळाली. शानू मुस्ताक चौधरी याने त्याला साडे सहा लाखांची सुपारी दिली होती. शानू मुस्ताककडे चौकशी केल्यानंतर या हत्येमध्ये मयत मोहम्मद सय्यद याचा लहान मुलगा मोहम्मद हनिफ सय्यद याचाही समावेश असल्याची माहिती समोर आली. आरोपी आणि शानू चौधरी हे एकमेकांच्या ओळखीचे होते, त्यांच्या आधी नेहमी भेटीगाठी व्हायच्या. शानू चौधरीच्या पैशाच्या प्रकरणानंतर त्याने दुसऱ्या आरोपीला सुपारी दिली.
Crime News: AI चा असाही गैरवापर! तरूणीला थेट फोटो अश्लील पद्धतीने एडिट करण्याची धमकी दिली अन्…
