Mumbai News: मुंबईत दूध भेसळीवर कारवाई, ५ जणांना अटक, ६२१ लिटर दूध नष्ट

मुंबईमध्ये दूध भेसळीविरोधात कारवाई करत ५ जणांना अटक करण्यात आली असून ६२१ लिटर भेसळयुक्त दूध नष्ट करण्यात आले. या कारवाईमुळे अन्नसुरक्षेबाबत प्रशासनाची सतर्कता दिसून आली आहे.

मुंबई: मुंबईत भेसळयुक्त दुधाविरोधात अन्न व औषध प्रशासनाने कारवाईचा धडाका सुरू ठेवत वसई परिसरात मोठी मोहीम राबवली. सोमवारी सकाळी साडेचार वाजता गुन्हे प्रकटीकरण शाखा युनिट क्र. १ आणि अन्न व औषध प्रशासन, बृहन्मुंबई यांच्या संयुक्त पथकाने वर्सोवा पोलीस ठाण्याच्या हद्दीत मिल्क टेंपरिंग करणाऱ्या चार ठिकाणी धाड टाकली. या कारवाईत एकूण पाच जणांना अटक करण्यात आली असून त्यांच्या विरोधात वसई पोलीस ठाण्यात गुन्हा दाखल करण्यात आला आहे.

आंबोली घाटात भीषण अपघात; ट्रकच्या धडकेत 10 वर्षाच्या चिमुकलीचा मृत्यू

कारवाईदरम्यान एकूण ८ अन्न नमुने विश्लेषणासाठी जप्त करण्यात आले. तसेच सुमारे ६२१ लिटर भेसळयुक्त दूध जप्त करून ते नष्ट करण्यात आले. जप्त केलेल्या दुधाची अंदाजे किंमत ३६ हजार २११ रुपये इतकी असल्याचे अधिकाऱ्यांनी सांगितले. दरम्यान, गेल्या आठवड्यात मुंबईच्या एंट्री गेटवर दूध वाहतुकीची विशेष तपासणी मोहीम राबवण्यात आली होती. या तपासणीत काही संशयास्पद नमुने आढळल्यानंतर अन्न व औषध प्रशासनाने शहरातील विविध भागात छापे टाकण्याचा निर्णय घेतला. त्याच पार्श्वभूमीवर ही कारवाई करण्यात आली असून पुढील काळातही भेसळविरोधी मोहिमा अधिक तीव्र करण्यात येणार असल्याचे प्रशासनाने स्पष्ट केले आहे. अन्नसुरक्षा अधिकारी ऋतुजा जाधव, रामू माळी, श्रीपाद धरगुटे, प्रतीक्षा मसुगडे तसेच सहाय्यक आयुक्त (अन्न) डॉ. भूपण मोरे यांच्या पथकाने ही कारवाई केली. ही मोहीम सहआयुक्त (अन्न) म.ना. चौधरी यांच्या मार्गदर्शनाखाली राबवण्यात आली.

मुंबई सीमेवर कारवाई

मुंबई शहर व उपनगरात बाहेरून येणाऱ्या दुधाच्या गाड्यांची मागील आठवड्यामध्ये शहराच्या सीमेवरील टोल नाक्यांवर रात्री विशेत तपासणी करण्यात आली. या विशेष तपास मोहिमेअंतर्गत, एफडीएने मुलुंड (आनंद नगर), (एलबीएस), ऐरोली, मानखुर्द, दहिसर आणि शिवडी अशा ६ ठिकाणी छापे टाकले. रात्रभर चाललेल्या या कारवाईत एफडीएने ११,०८०.५ लिटर दुधाचा साठा जप्त केला. यामध्ये निकृष्ट दर्जाच्या दुधाचा साठा सील करून उत्पादकांकडे परत पाठविण्यात आला. तसेच ९० लिटर असुरक्षित साठा तात्काळ नष्ट करण्यात आला. या कारवाईमध्ये एफडीएच्या पथकाने एकूण १९५ नमूने ताब्यात घेतले. त्यापैकी तपासणीनंतर १८८ नमूने प्रमाणित, ६ नमूने निकृष्ट व एक नमूना असुरक्षित आढळून आला.

Shirur Crime : शिरूर पोलीस ठाण्यासमोर दोन गटांत दगडफेक; नेमकं काय घडलं?