Nagpur Crime : आईच निघाली कैदाशीण, नागपुरात न्यूड फोटो काढण्यासाठी १८ वर्षांच्या मुलीवर दबाव; FIR दाखल

नागपूरच्या इमामवाडा परिसरातून आई-मुलीच्या नात्याला काळिमा फासणारी धक्कादायक घटना समोर आली आहे. १८ वर्षीय मुलीने आईवर आक्षेपार्ह फोटो काढण्यासाठी दबाव आणल्याचा आणि तिचा छळ केल्याचा गंभीर आरोप केला असून, पोलिसांकडून तपास सुरू आहे.

• १८ वर्षीय मुलीचा आईवर गंभीर छळाचा आरोप
• पैशांसाठी अज्ञात व्यक्तीशी मुलीची भेट घडवल्याचा दावा
• आई मुंबईतून पोलिसांच्या ताब्यात; प्रकरणाचा तपास सुरू

नागपूरच्या इमामवाडा पोलीस ठाण्याच्या हद्दीतून आई-मुलीच्या नात्याला काळीमा फासणारी नवी घटना समोर येत आहे. मुलगी घराबाहेर असुरक्षित आहे असं आपण आजवर ऐकलं आहे पण घरातच आईकडून मुलीच्या सुरक्षेवर प्रश्नचिन्ह येत असेल तर करायचं काय? आई आपत्तीजनक न्यूड फोटो काढण्यासाठी दबाव आणत आहे अशी तक्रार घेत १८ वर्षीय मुलीने पोलिस ठाण्यात हजेरी लावली. तिने आपल्या ३७ वर्षीय आईवर गंभीर आरोप लावत तिच्यावर होणाऱ्या छळाचा उलगडा केला. इतकंच नाही तर मुलीने असंही सांगितलं की, तिचे न्यूड फोटो क्लिक करुन ते दुसऱ्या पाठवले जात आहेत. या प्रकरणात इमामवाडा पोलिसांनी मुलीची तक्रार दाखल केली असून प्रकरणाचा सखोल तपास केला जात आहे.

पत्नीची निर्घृण हत्या! डोके कापून फ्रीजमध्ये ठेवले अन् त्यानंतर शिजवून खाल्ले जेवण; लग्नानंतर काही महिन्यांतच पती बनला हैवान

पैशांसाठी मुलीचा साैदा

मुलीने पोलिसांनी आपल्या जबावात सांगितले की, एके दिवशी तिची आई मुलीला कामठी येथे घेऊन गेली. इथे गेल्यानंतर तिची एका अज्ञात व्यक्तीसोबत तिची भेट घडवून देण्यात आली. दाव्यानुसार, मुलीच्या आईने व्यक्तीकडून कथितरित्या पैसे घेतल्याचेही सांगितले जात आहे. नंतर आईने मुलीला सांगितले व्यक्ती जसं सांगेल तसं तुला सर्व करावं लागेल. याबरोबरच आईने मुलीला ही बाब वडिलांना न सांगण्याची सक्तीही केली.

Navi Mumbai : संशयाच्या आगीत दोन कुटुंबं उद्ध्वस्त; नवविवाहितेची दोन महिन्यांनंतर प्राणज्योत मालवली,आरोपी पती पोलिसांच्या कोठडीत

आई झाली फरार

तथापि, जेव्हा मुलीने सर्व घटना आपल्या वडिलांना सांगितली त्यानंतर आई अचानक घरातून गायब झाली. शोध घेतल्यानंतरही जेव्हा महिलेचा ठावठिकाणा लागला नाही तेव्हा मुलीने इमामवाडा पोलिस स्थानकात हरवल्याची तक्रार दाखल केली. पोलिस तपासात महिला मुंबईत जाऊन बसल्याचे समोर आले ज्यानंतर अधिकाऱ्यांनी मुंबईतून महिलेला आपल्या ताब्यात घेतले. संबंधित कलमांनुसार पोलिसांनी महिलेवर गुन्हा दाखल केला आहे. महिलेचा शोध लागल्यानंतर आता पोलिस मुलीने लावलेले गंभीर आरोप, आक्षेपार्ह फोटोज आणि अज्ञात व्यक्तीची भूमिका जाणून घेण्याचा प्रयत्न करत आहे. पोलिसांनी सांगितले की, तपासानंतर पुराव्यांच्या आधारावर पुढील कायदेशीर कारवाई करण्यात येईल.