​Nanded Crime: नांदेडमध्ये रक्ताचा खेळ! 70 तासांत 5 खून; नांदेडमध्ये कायद्याचा धाक संपला?

नांदेड शहरात 70 तासांत सलग 5 खून झाल्याने भीतीचे वातावरण निर्माण झाले आहे. श्रीनगर भागात सोनू कल्याणकरची धारदार शस्त्राने हत्या झाली. जुन्या वादातून गुन्हा झाल्याचा अंदाज असून पोलिसांवर प्रश्नचिन्ह उपस्थित झाले आहे.

• 70 तासांत नांदेडमध्ये 5 हत्यांनी खळबळ
• श्रीनगरमध्ये सोनू कल्याणकरची निर्घृण हत्या
• जुन्या वादातून गुन्हा; पोलिस तपास सुरू

नांदेड: नांदेडमध्ये रक्ताचा खेळ सुरु असल्याचे समोर आले आहे. गेल्या ७० तासात ५ हत्यांच्या घटना घडल्याचे समोर आले आहे. या घटनांमुळे नांदेडमध्ये कायद्याचा धाक संपला का? असा सवाल आता विचारला जात आहे. या घटनेमुळे नागरिकांमध्ये भीतीचे वातावरण आहे. अश्यात आता पहाटे श्रीनगर परिसरातील बीके हॉलकडे जाणाऱ्या रस्त्यावर एका तरुणाची धारदार शस्त्राने वार करून निर्घृण हत्या करण्यात आल्याचे समोर आली आहे.

Nagpur Crime: नागपूर हादरलं! 14 वर्षीय अथर्वचं शेजाऱ्यानीच केली अपहरण करून हत्या; कारण काय?

काय नेमकं प्रकरण?

सोनू कल्याणकर असे हत्या झालेल्या तरुणाचे नाव आहे. सोनू हा एका पुरस्कारप्राप्त शिक्षिकेचा मुलगा असून, जुन्या वादातून हा प्रकार घडल्याचा प्राथमिक अंदाज वर्तवला जात आहे. त्याची हत्या आज पहाटे श्रीनगर परिसरातील बीके हॉलकडे जाणाऱ्या रस्त्यावर सोनू कल्याणकर या तरुणाची धारदार शस्त्राने वार करून हत्या केली.

याहत्येची माहिती मिळताच पोलीस घटनास्थळी दाखल झाले. पोलिसांनी पंचनामा केला असून तपासाची चक्रे फिरवली आहे. आरोपींच्या शोधासाठी विशेष पथके तैनात करण्यात आली आहेत.ही हत्या जुन्या वादातून झाल्याची प्राथमिक माहिती समोर येते आहे. भाग्यनगर पोलीस स्टेशनच्या हद्दीत ही घटना झालेली आहे. तीन दिवसांमध्ये हा पाचवा खून आहे.

कठोर कारवाई

दोन दिवसांपूर्वी झालेल्या तिहेरी हत्याकांडानंतर काल एका तरुणाचा आणि आज पहाटे पाचवा हत्या झाल्याने पोलिसांच्या कार्यक्षमतेवर आता प्रश्नचिन्ह उपस्थित केले जात आहे. या घटनांमुळे नागरिक भयभीत झाले आहे. या वाढत्या गुन्हेगारीला लगाम घालण्यासाठी आणि गुन्हेगारांवर कठोर कारवाई करण्यासाठी नागरिकांनी आक्रमक मागणी केली असून शहरात सध्या तणावपूर्ण शांतता आहे.

नांदेड शहरावर गुन्हेगारीचे सावट झाले गडद; गँगवॉरमुळे शहराची शांतता आली धोक्यात

शहरात शनिवारी मध्यरात्रीनंतर झालेल्या गॅंगवॉरमध्ये तिघांचा मृत्यू झाला. या घटनेत जखमी असलेल्या एकाला रुग्णालयात दाखल करत असताना एका मयताच्या भावाने चाकूने वार करून एकाला संपविले. नांदेडमधील साई लाला गँग आणि सदा गँग या दोन गँगमध्ये हे टोळीयुद्ध सुरु झाले. दोन्ही गँगमधील मयत आणि साथीदार हे सर्व पोलिसांच्या रेकॉर्डवरील गुन्हेगार आहेत. त्यांच्यावर हद्दपारी, एमपीडीए अंतर्गतही गुन्हे (Crime News) दाखल आहेत.

Vasai Crime: वसई-विरार पट्ट्यात ‘मृतदेहांची मालिका’ सुरूच; 15 दिवसांत सहावी घटना, नागरिकांमध्ये भीतीचे वातावरण