Nashik Crime: खाकी वर्दीचा बनाव, AI चा वापर, प्रेमाच्या जाळ्यात ओढून महिलांची फसवणूक; आरोपी गजाआड

नाशिकमध्ये AI चा वापर करून बनावट पोलीस फोटो तयार करत महिलांना प्रेमजाळ्यात ओढून 3 लाखांची फसवणूक करणारा आरोपी आसिफ तडवी अटकेत. पैसे न दिल्यास मॉर्फ फोटोद्वारे ब्लॅकमेल केल्याचे उघड.

• AI च्या मदतीने बनावट पोलीस फोटो तयार करून विश्वास संपादन
• प्रेमाच्या जाळ्यात ओढून महिलेकडून 3 लाखांची उकळपट्टी
• मॉर्फ फोटोद्वारे ब्लॅकमेल; मोबाईलमधून अनेक पुरावे जप्त

नाशिक: नाशिक येथून एक धक्कादायक प्रकार समोर आला आहे. तंत्रज्ञानाचा वापर करून, खाकी वर्दीचा बनाव करून महिलांची फसवणूक करण्यात आल्याचे समोर आले आहे. आर्टिफिशियल इंटेलिजन्स (AI) च्या मदतीने स्वतःचे पोलीस गणवेशातील बनावट फोटो तयार करून महिलांना प्रेमाच्या जाळ्यात ओढणाऱ्या एका भामट्याला पोलिसांनी गजाआड केल्याचे समोर आले आहे.

काय आहे नेमकं प्रकरण?

आरोपीचे नाव आसिफ तडवी असे आहे. आसिफ तो मूळचा सिल्लोडचा रहिवासी आहे. आसिफ सोशल मीडियावर पोलीस अधिकारी असल्याचे भासवून बनावट नावाने खाती उघडली होती. त्याने AI तंत्रज्ञानाचा वापर करून स्वतःचे पोलीस ठाण्यात बसलेले आणि पोलीस गणवेशातील अत्यंत हुबेहूब दिसणारे फोटो तयार केले होते. हे फोटो सोशल मीडियावर व्हायरल करून तो महिलांवर आपली छाप पाडत होता.

Akola Crime: अकोल्यात क्रूर हत्याकांड! ८ दिवसांच्या बाळाच्या आईची गळा दाबून हत्या; मृतदेह अर्धवट जळालेल्या अवस्थेत

इंस्टाग्रामच्या माध्यमातून त्याने एका महिलेशी संपर्क साधला. खाकी वर्दीचा रुबाब दाखवून त्याने तिला प्रेमाच्या जाळ्यात ओढले. एकदा विश्वास संपादन केल्यानंतर, कधी घरगुती अडचणींचे कारण तर कधी पोलीस ट्रेनिंगचा बहाणा सांगून त्याने या महिलेकडून तब्बल 3 लाख रुपये उकळले. जेव्हा पीडित महिलेने अधिक पैसे देण्यास नकार दिला, तेव्हा आसिफने आपले खरे रूप दाखवले. त्याने AI च्या मदतीने पीडित महिलेचे आक्षेपार्ह फोटो तयार केले आणि ते सोशल मीडियावर व्हायरल करण्याची धमकी देऊन तिला ब्लॅकमेल करण्यास सुरुवात केली.

आरोपी गजाआड

या ब्लॅकमेलिंगला कंटाळून पीडित महिलेने धीर धरून वावी पोलीस ठाण्यात तक्रार दाखल केली. पोलिसांनी घटनेचे गांभीर्य ओळखून तपास सुरु केला. संशयित आसिफ हा महिलेला भेटण्याच्या बहाण्याने आला असता, वावी पोलिसांनी अत्यंत शिताफीने त्याला ताब्यात घेतले आणि त्याने धक्कादायक खुलासे केले.

तपासात धक्कादायक खुलासे

पोलिसांनी आसिफने दोन मोबाईल जप्त केले असून, त्यात AI ने तयार केलेले पोलीस ठाण्यातील आणि वर्दीतील शेकडो फोटो आढळले आहेत. तडवीच्या मोबाईलमध्ये अनेक महिलांसोबत केलेले चॅटिंग, स्क्रीनशॉट आणि काही अश्लील व्हिडिओ देखील सापडले आहेत. यावरून त्याने केवळ एकाच महिलेला नाही, तर अनेक महिलांना अशाच प्रकारे जाळ्यात ओढून लुटल्याचा संशय पोलिसांना आहे. या प्रकरणी पोलीस पुढील तपास करत आहेत.

धक्कादायक ! गुंगीचे औषध देऊन विवाहितेवर अत्याचार; मासिक पाळीच्या काळातही जबरदस्ती केली अन्…