Nashik Crime: लग्नाला केवळ सहा महिने आणि… नवविवाहितेने संपवलं आयुष्य; सहा पानी सुसाईड नोटमध्ये धक्कादायक आरोप

नाशिकच्या हिरावाडीत नवविवाहित नेहा पवारने सासरच्या सततच्या मानसिक छळाला, चारित्र्यावरच्या संशयाला आणि पैशांच्या मागणीला कंटाळून विषप्राशन करून आत्महत्या केली. सहापानांच्या सुसाईड नोटमध्ये गंभीर आरोप.

• नवविवाहित नेहा पवारने विषप्राशन करून आत्महत्या केली.
• सासू, नणंद आणि पतीकडून चारित्र्यावर संशय, शिवीगाळ व मानसिक छळ.
• हुंड्याच्या मागण्या, पैशासाठी दबाव आणि घरकामावरून टोमणे.

नाशिक: नाशिक येथून एक धक्कादायक आणि दुर्दैवी घटना समोर आली आहे. एका नवविवाहितेने छळाला आणि मानिसक त्रासाला कंटाळून टोकाचे पाऊल उचलल्याचे समोर आले आहे. ही घटना हिरावाडी परिसरात घडली. आत्महत्या करणाऱ्या नवविवाहितेचे नाव नेहा पवार असे आहे. नेहाने विषप्राशन करून आपली जीवन यात्रा संपवली. वारंवार नेहाचे सासू, नणंद आणि पतीकडून तिच्या चारित्र्यावर संशय घेत मानसिक त्रास देण्यात येत होता. याच त्रासाला कंटाळून नेहा पवार या नवविवाहितेने लग्नानंतर ६ महिन्यातच आपली जीवन यात्रा संपवली. आत्महत्या करण्यापूर्वी तिने सुसाईड नोट पण लिहून ठेवली.सुसाईड नोट मध्ये तिने गंभीर आरोप केले आहे. याप्रकरणी पोलिसांनी गुन्हा दाखल करण्यात आला आहे.

Dombivali Crime: किरकोळ वादाचं भीषण शेवट! पतीने पत्नीचा घेतला जीव, तीन मुले पोरकी; डोंबिवली येथील घटना

नेमकं काय घडलं?

पोलिसांनी दिलेल्या माहितीनुसार, काल (बुधवारी दि. २६) दुपारी एक वाजताच्या सुमारास नेहा पवारने राहत्या घरी विषारी औषधाचे सेवन केले. याची माहिती मिळताच पतीने तिला खासगी रुग्णालयात दाखल केले. मात्र सायंकाळी पावणेपाच वाजताच्या दरम्यान वैद्यकीय अधिकाऱ्यांनी तपासून तिला मृत घोषित केले आणि पोलिसांना कळवले. पोलिस घटनास्थळी दाखल झाले. पंचनामा केला मृतदेह शवविच्छेदन करण्यासाठी पाठवले. पोलिसांना घटनेची पाहणी करतांना नेहाने लिहलेली सुसाईड नोट मिळाली. तिने पोलिस आणि भावाच्या नावे सुसाईड नोट लिहून ठेवली.

‘सुसाइड नोट’मध्ये काय?

‘माझे नाव नेहा बापू डावरे उर्फ नेहा संतोष पवार असून, माझे लग्न ४ जून २०२५ रोजी रेशीमबंध बँक्वेट हॉलमध्ये झाले. १० मार्चला सुपारी फोडल्यावेळी माझ्या सासरच्यांनी म्हटले की, हुंडाप्रथा बंद आहे. तरी तुम्ही नवरदेवास त्याच्या अटी-शर्तीनुसार सोने, चांदी, पाच भांडे द्या. त्यानुसार माझ्या माहेरच्यांनी धुमधडाक्यात लग्न लावून दिले. लग्नानंतर सासरचे भांडण करीत नाही पण, मानसिक त्रास देतात.’ असे तिने चिठ्ठीत लिहिले आहे.

‘मोबाइलवर सारखी बोलते, घरकाम येत नाही, पतीला उलटसुलट सांगते. सिलिंडर टाकी एक महिन्यातच संपते. पतीचे लग्नाआधीपासून एका युवतीसोबत प्रेमसंबंध असून, पतीने तिला दोघांचे अश्लील फोटो दाखवले होते. सासरची आर्थिक परिस्थिती नाजूक असल्याने आणि सासरचे लोक पैशांची मागणी करू लागल्याने माहेरहून २० हजार रुपये आणून दिले. दिवाळीसाठी १५ दिवस माहेरी पाठवले. मात्र, दहाव्या दिवशी सासू व पतीने सासरी येण्यास सांगितले. नियमित मासिक पाळी येत नसल्याने सासरच्या लोकांनी त्रास दिला. भाऊ सासरच्या लोकांना मी लिहिलेली चिठ्ठी सापडली तर ते गायब करतील, म्हणून चिठ्ठीचे फोटो काढून सगळ्यांना पाठवत आहे. माझे नशीब खराब असून, मला सासर चांगले मिळाले नाही. म्हणून मी आत्महत्या करीत आहे’, असेही तिने चिठ्ठीत लिहिले आहे.

एक नणंद माहेरी येऊन बसली आहे. तिच्यासह तिच्या मुलांचंही करावं लागतं, नंणंदा, नवरा, सासूचे कान भरतात, त्यावरुन घरात मानसिक छळ केला जात असल्याचंही तिने नोटमध्ये लिहिलं आहे. ती काहीच काम करत नाही, सतत मोबईलवर असते, माहेरच्यांशी सारखी गप्पा मारत असते असे कान भरतात. माझ्या सासरच्यांनी माझी फसवणूक केली. 15 लाख रुपये देऊन माझ्या भावाने लग्न लावलं, माझ्या नवऱ्याची परिस्थिती खराब आहे असं दाखवण्यात आलं, म्हणून मी माझ्या माहेरातून 20 हजार रुपये मदत आणून दिली. ते दिले नसते तर त्यांनी अजून छळ केला असता अशी भीती सतत मनात होती. माझ्या घरच्यांनाही माझ्याविरोधात भडकवण्यात आलं. नांदायला आल्यापासून नवऱ्याने दोन वेळा मारलं. आईवरुन शिवीगाळ करतो. इतकंच नाही तर माहेरी तुझा कोणी यार ठेवला असेल असे सतत बोलून चारित्र्यावर संशय घेत होता असंही नवविवाहितेनं म्हटलं आहे.

गुन्हा दाखल

हि चिठ्ठी अंगावर काटा आणणारी आहे. सासरचे लोक ही चिठ्ठी गायव करतील म्हणजेच पुरावा नष्ट करण्याचा प्रयत्न करतील म्हणून तिने या चिठ्ठीचा फोटो काढून सगळ्यांना पाठवले. पोलिसांनी गुन्हा दाखल केला असून आता या प्रकरणाचा तपास करत आहे.

Ahilyanagar Crime: शरद पवार गटाच्या नेत्यावर सत्तूर–तलवारीने हल्ला, 15 जणांचा गँग-अटॅक; प्रकृती चिंताजनक