Nashik Crime: नाशिक हादरलं! एकाच कुटुंबातील चार जणांचे सापडले मृतदेह, आत्महत्येचा संशय

नाशिकच्या देवळा तालुक्यात एकाच कुटुंबातील चार जणांचे मृतदेह घरात आढळले. पतीने गळफास घेतल्याचा प्राथमिक अंदाज, तर पत्नी व दोन्ही मुलं झोपेत मृतावस्थेत. पोलिस तपास सुरू असून कारण अस्पष्ट आहे.

• देवळा तालुक्यातील फुले माळीवाड्यात चार जणांचे मृतदेह घरात आढळले.
• पतीने आत्महत्या केली, तर पत्नी आणि मुलांचे मृत्यू संशयास्पद.
• पोलिस आणि फॉरेन्सिक टीम तपासात.

नाशिक: नाशिक जिल्ह्यातून एक धक्कादायक घटना समोर आली आहे. एकाच कुटुंबातील चार जणांचे मृतदेह घरात आढळून आल्याचे समोर आले आहे. मृतांमध्ये पती, पत्नी आणि त्यांचे दोन अल्पवयीन मुलांचा समावेश आहे. ही घटना देवळा तालुक्यातील फुले माळीवाडा येथे सकाळी उघडकीस आली. या घटनेने संपूर्ण परिसरात खळबळ उडाली आहे. पोलिसांनी आत्महत्या असल्याची शक्यता व्यक्ती केली आहे.

TET पेपरफुटीचे कनेक्शन परराज्यात; आरोपींच्या शोधासाठी पोलिस पथक थेट बिहारकडे रवाना

पतीने घेतला गळफास तर…

याबाबत पोलिसांनी दिलेल्या माहितीनुसार, गोविंद बाळू शेवाळे (40), त्यांची पत्नी कोमल गोविंद शेवाळे (35), मुलगी खुशी गोविंद शेवाळे (8) आणि दीड–दोन वर्षांचा मुलगा श्याम गोविंद शेवाळे असे मृतदेह वाढलेल्या व्यक्तींचे नाव आहे. गोविंद याने स्वतः दोरीने फाशी घेऊन आत्महत्या केली तर पत्नी, एक मुलगी आणि एक मुलगा यांचा मृतदेह झोपलेल्या अवस्थेत आढळून आल्याचे समोर आले आहे. मात्र या घटनेमागचं कारण अद्याप स्पष्ट झालेलं नाही आहे.

पोलीस तपास सुरु

पोलिसांना या घटनेची माहिती मिळताच ते घटनास्थळी उपस्थतीत झाले. अधिक तपासासाठी नाशिक विभागीय फॉरेन्सिक टीम उपस्थित झाले. पोलिसांनी पंचनामा केला असून मृतदेह पोस्टमार्टमसाठी सरकारी रूग्णालयात पाठवण्यात आले आहेत. पोलीस या घटनेमागचं कारण काय याचा तपास घेत आहे. या घटनेने परिसरात हळहळ व्यक्त करण्यात येत असून परिसरात खळबळ उडाली आहे.

घरात सापडले 3 कुजलेले मृतदेह! कुटुंबाने उचललं टोकाचं पाऊल,नेमकं कारण काय?

दरम्यान अशीच एक घटना हैदराबाद मध्ये देखील घडली आहे. एकाच कुटुंबातील तीन सदस्यांचा संशयास्पद मृतदेह आढळल्याची माहिती समोर आली आहे. पाच महिन्यापुरीच कुटुंबातील थोरल्या मुलीने आत्महत्या केली होती. आता तिघांचे मृतदेह कुजलेल्या अवस्थेत सापडल्याने या घटनेने खळबळ उडाली आहे. सुरक्षारक्षक श्रीनिवास, त्याची पत्नी विजयालक्ष्मी आणि त्यांची मुलगी श्रव्या असे मृतदेह सापडलेल्या व्यक्तींचे नावे आहे. थोरल्या मुलीचे नाव काव्या असे आहे.

याबाबत मिळलेल्या माहितीनुसार, पोलिसांनी शनिवारी घराचा दरवाजा तोडले. तेव्हा त्यांना हा कुजलेले मृतदेह आढळले. तिघांचेही मृतदेह हे घराच्या वेगवेगळ्या भागांमध्ये लटकलेल्या अवस्थेत आढळून आले. श्रीनिवासच्या पत्नी विजयालक्ष्मीचा मृतदेह हा हॉलच्या खिडकीच्या दिशेला लटकलेल्या स्वरुपात आढळला. तर श्रााव्याचा मृतदेह हॉल आणि बेडरुममधील दाराच्या चौकटीत लटकलेल्या अवस्थेत आढळून आला होता.पोलिसांनी शवविच्छेदनासाठी मृतदेह पाठवण्यात आला. २० नोव्हेंबरला त्यांनी आत्महत्या केल्याचा संशय व्यक्त केला जात आहे.

कारण काय?

या प्रकरणात श्रीनिवासच्या बहिणीने तक्रार केली आहे. पोलिसांनी गुन्हा दाखल केला असून तपासाला सुरुवात केली आहे. या तिघांनी टोकाचे निर्णय का घेतले, यामागचं कारण काय? याचा तपास पोलीस करत आहे. दरम्यान पोलिसांना सुसाईड नोट सापडली. माझी मोठी मुलगी गेली आहे आणि देवही आम्हाला बोलावत आहे असे विधान सुसाईड नोट मध्ये आहे.

धक्कादायक ! प्रियकराची हत्या; प्रेयसीने मृतदेहासोबत केले लग्न, नंतर घेतला ‘हा’ मोठा निर्णय