
Nashik Crime News: राहत्या घरातच झाडली स्वतःवर गोळी... निवृत्त सहाय्यक RTO अधिकाऱ्याचा धक्कादायक अंत!
हेही वाचा: Crime News: दुबईत अडकलेल्या महिलेची मुरलीधर मोहोळ यांच्या प्रयत्नांतून सुटका
मिळालेल्या माहितीनुसार, निवृत्त सहाय्यक परिवहन अधिकारी हेमंत गोविंद हेमाडे हे नाशिकमधील सिटी सेंटर मॉल परिसरात वास्तव्यास होते. त्यांनी राहत्या घरातच स्वतःवर गोळी झाडून जीवन संपवले. घरातून गोळीबाराचा आवाज येताच परिसरात एकच खळबळ उडाली. घटनेची माहिती मिळताच पोलिसांनी तातडीने घटनास्थळी धाव घेऊन पुढील कार्यवाही सुरू केली.
हेमंत हेमाडे यांनी हा टोकाचा निर्णय नेमक्या कोणत्या कारणामुळे घेतला, याबाबत अद्याप कोणतीही ठोस माहिती समोर आलेली नाही. प्राथमिक अंदाजानुसार, कौटुंबिक कारणातून त्यांनी आत्महत्या केली असावी, अशी शक्यता वर्तवली जात आहे. पोलिसांनी घटनास्थळी धाव घेत पंचनामा केला असून, मृतदेह शवविच्छेदनासाठी पाठवला आहे.
मात्र, आत्महत्येमागील नेमके कारण अद्याप अस्पष्ट आहे. तसेच घटनास्थळी पोलिसांना सुसाईड नोट किंवा इतर कोणताही महत्त्वाचा ऐवज मिळाला का, याची अधिकृत माहिती अद्याप समोर आलेली नाही. सध्या पोलीस सर्व बाजूंनी सखोल तपास करत आहेत. एवढ्या मोठ्या पदावरील निवृत्त अधिकाऱ्याने अशाप्रकारे जीवन संपवल्याने विविध तर्कवितर्क लढवले जात आहेत.
Ans: नाशिकमधील निवृत्त सहाय्यक मोटार परिवहन (RTO) अधिकारी हेमंत गोविंद हेमाडे यांनी स्वतःवर गोळी झाडून आत्महत्या केली आहे.
Ans: ही घटना नाशिक शहरातील सिटी सेंटर मॉल परिसरातील त्यांच्या राहत्या घरी घडली.
Ans: आत्महत्येमागचे नेमके कारण अद्याप अस्पष्ट असले, तरी प्राथमिक अंदाजानुसार कौटुंबिक कारणातून ही घटना घडल्याची शक्यता वर्तवली जात आहे; पोलीस पुढील तपास करत आहेत.