crime (फोटो सौजन्य: social media)
काय घडलं नेमकं?
जखमी पीडित तरुणी ही खारघर येथील एका नामांकित शिक्षण संस्थेत अभियांत्रिकीचं शिक्षण घेत आहे. गुरुवारी सकाळी आठच्या सुमारास पीडितेने आपल्या मैत्रिणींसह पनवेल रेल्वे स्थानकातील फलाट क्रमांक तीनवरून सीएसएमटीला जाणारी लोकल पकडली होती. ती महिलांसाठी असलेल्या डब्यातून प्रवास करत होती. गाडी सुटत असतानाच एक ५० वर्षीय पुरुष हा महिला डब्यात चढला.
तर महिला प्रवाश्यांनी त्याला जाब विचारला आणि खाली उतरण्यास सांगितले. मात्र आरोपीने महिलांशी वाद घालण्यास सुरवात केली. हा वाद इतका विकोपाला गेला की रागाच्या भरात त्याने धावत्या लोकलमधून १८ वर्षीय तरुणीला पाठीमागून जोरदार धक्का दिला. या धक्क्यामुळे तरुणी थेट रुळांवर पडली. यात तरुणी गंभीर जखमी झाली. तिच्या डोक्याला, कंबरेला आणि हातापायांना गंभीर दुखापत झाली. लोकलमधून खाली पडल्यानंतर जखमी अवस्थेत तिने आपल्या वडिलांना फोन करून घटनेची माहिती दिली. तिला तातडीने जवळच्या रुग्णलयात दाखल करण्यात आले असून सध्या तिची प्रकृती स्थिर असल्याची माहिती समोर आली आहे.
तरुणीला ढकलल्यानंतर आरोपीने खांदेश्वर स्थानकात उतरून पळून जाण्याचा प्रयत्न केला. मात्र, डब्यातील सतर्क महिला प्रवाशांनी तातडीने रेल्वे पोलिसांना (GRP) याची माहिती दिली. पोलिसांनी तत्परता दाखवत खांदेश्वर स्थानकातून आरोपीला अटक केली. शेख अख्तर नवाज (५०) असे आरोपीचे नाव आहे. पनवेल रेल्वे पोलिसांनी आरोपी शेख विरोधात बीएनएस कलम १०९, तसेच भारतीय रेल्वे अधिनियम कलम १६२ आणि १३८ नुसार गुन्हा दाखल केला आहे.
आरोपीचे मानसिक संतुलन बिघडल्याचे शक्यता
वरिष्ठ पोलीस निरीक्षक विजय तायडे यांनी दिलेल्या माहितीनुसार, आरोपी शेख हा एकटाच आहे, त्याचे कोणीही नातेवाईक नाहीत. तो इकडे तिकडे फिरतो, प्राथमिक तपासात त्याचे मानसिक संतुलन बिघडल्याचे दिसून येत असून, त्यातूनच त्याने हे कृत्य केले असावे असा अंदाज वर्तवण्यात येत आहे. न्यायालयाने आरोपीला तीन दिवसांची पोलीस कोठडी सुनावली आहे.
जामखेडनंतर सासवडमध्येही एकाचा खून; पुणे ग्रामीण पोलिसांकडून दुहेरी खूनाचा उलगडा
Ans: पनवेल ते खांदेश्वर स्थानकांदरम्यान धावत्या लोकलमध्ये.
Ans: बीएनएस कलम 109 व रेल्वे अधिनियम कलम 162, 138 नुसार गुन्हा; पोलीस कोठडी.
Ans: गंभीर जखमा असून उपचारानंतर प्रकृती स्थिर आहे.
.png "Videos"){kind=small}
