Odisha Crime : नशेत पित्याचं भयंकर कृत्य; पैशांवरून वाद, लाकडी दांडक्याने केली मुलाची हत्या

ओडिशाच्या कालाहांडी जिल्ह्यात पैशांवरून झालेल्या वादातून धक्कादायक घटना घडली. नशेत असलेल्या वडिलांनी मुलावर हल्ला केल्याचा आरोप असून, या घटनेनंतर पोलिसांनी कारवाई केली आहे.

• वडील आणि मुलामध्ये पैशांवरून वाद झाल्याची माहिती.
• वादानंतर मुलाला गंभीर दुखापत झाल्याचे समोर आले.
• घटनेनंतर पोलिसांनी आरोपी वडिलांना ताब्यात घेतले.

ओडिशाच्या कालाहांडी जिल्ह्यातील कलमपूर पोलिस ठाण्याच्या हद्दीतून एक धक्कादायक प्रकरण समोर येत आहे. येथील नुवागुडा गावात वडिलांनीच पोटच्या मुलाची हत्या केल्याची घटना समोर आली आहे. आरोपानुसार, वडिल मद्यधुंद अवस्थेत घरी आले आणि त्यांनी २० वर्षीय मुलावर लाकडी दांडकाने हल्ला केला. या हल्ल्यात मुलगी गंभीररित्या जखमी झाला असून यातच त्याचा मृत्यू झाला आहे. मुलाची ओळख नुवागुडा गावातील आलोक रंजन गहिर अशी पटली आहे. आरोपीचा ओळख मानसिंह गहिर अशी पटली आहे. पोलिसांनी आरोपीला अटक केली असून या घटनेचा सखोल तपास केला जात आहे.

जामिनावर बाहेर आलेल्या गुंडाची दगडाने डोके ठेचून हत्या; आधी वाद झाला अन् नंतर थेट खूनच

नशेत मुलावर केला हल्ला

मिळालेल्या माहितीनुसार, आलोक रंजनचे वडिल मानसिंह गहिर नशेच्या बेधुंद होऊन घरी परतले. त्यांनी मुलाकडे पैशांची मागणी केली आणि यावरुनच त्यांच्यात शाब्दिक बाचाबाची झाली. हा वाद पुढे जाऊन इतका वाढला की मानसिंहने रागात जवळील लाकडी दांगडा उचलला आणि मुलगा आलोकच्या डोक्यावर हाणला. लाकडी दांडक्याचा हा वार इतका जबरदस्त होता की यात मुलगा गंभीररित्या जखमी झाला. डोक्याला गंभीर दुखापत झाल्याने आलोकची प्रकृती खालावली. कुटुंबीयांनी आलोकला उपचारासाठी कळमपूर सामुदायिक आरोग्य केंद्रात दाखल केले पण तोपर्यंत फार उशीर झाला होता. तेथील डॉक्टरांनी तपासणीनंतर आलोकला मृत घोषित केले.

धडा शिकवण्यासाठी रचला कट… आसाममध्ये अल्पवयीन मुलीवर सामूहिक अत्याचार, विटांनी ठेचून केली निर्घृण हत्या

पोलिसांची कारवाई

आलोकच्या मृत्यूची माहिती रुग्णालयाकडून पोलिसांना देण्यात आली. सूचना मिळताच पोलिसांची एक टीम घटनास्थळी दाखल झाली आणि त्यांनी आरोपी मानसिंह गहिरला अटक केली. पोलिसांनी आलोकचा मृतदेह ताब्यात घेतला असून शवविच्छेदनासाठी त्याला रुग्णालयातून हलवण्यात आले आहे. घटनेसंबंधित सर्व माहिती पोलिस गोळा करत असून पोलिस या घटनेतील सर्व बाबींचा विचार करत आहेत. पैशांवरून झालेल्या वादानंतर डोक्यात लाकडी काठीने प्रहार केल्याने मुलाचा मृत्यू झाल्याच्या माहितीच्या आधारे पुढील कारवाई केली जाणार आहे. वडिलांनीच मुलाची हत्या केल्याने ही घटना सध्या संपूर्ण परिसरात जोरदार चर्चेचा विषय बनली आहे.