बनावट नोटाप्रकरणी पाटस पोलिसांची मोठी कारवाई; चार आरोपींना घेतले ताब्यात
पाटस/राजेंद्र झेंडे : पाटस पोलीसांनी पाटस येथे बनावट नोटांचा वापर करण्यासाठी आलेल्या दोन परप्रांतीयांना तब्बल दीड लाख रुपयांसह ताब्यात घेतले होते. या प्रकरणी पाटस पोलिसांनी ठाणे आणि धुळे येथून आणखी चार आरोपींना अटक केली आहे.
पुणे- सोलापूर महामार्गावरील पाटस येथे सोमवारी रात्री दुचाकीवरून आलेल्या अमित कुमार रामभाऊ यादव (वय ३१, बिहार, सध्या रा. कोंढवा, पुणे) व राकेश चंद्रशेखर यादव (वय ४२, बिहार, हल्ली रा. पाटस ता. दौंड जि. पुणे ) या दोघांना सापळा रचून अटक केली होती. पोलीसांनी दुचाकीसह अडीच लाखांच्या बनावट नोटा जप्त करण्यात आल्या होत्या. या प्रकारचा तपास पाटस पोलीस चौकीचे पोलीस उपनिरीक्षक सलीम शेख यांच्याकडे सोपवण्यात आला होता.
पोलीस उपनिरीक्षक यांनी शेख यांनी ठाणे आणि धुळे जिल्ह्यातून चार आरोपांना याप्रकरणी अटक केली आहे. या प्रकरणात आणखी आरोपी निष्पन्न होण्याची शक्यता असून, बनवट नोटा छापून त्याची महाराष्ट्रासह परराज्यात मोठ्या प्रमाणावर वापर केला जात आहे, बनावट नोटा छापाई करणारे मोठे रॅकेट असल्याची शक्यता पोलीसांनी वर्तवली आहे.
पोलीसांनी भावेश संतोष पाटील (वय-२४ रा. भिवंडी जि. ठाणे , नयन धनाजी चौधरी ( वय-२१ रा. तुलई मुरबाड जि. ठाणे), भावगीर उर्फ महेश छोटुगीर गोसावी (वय ३० कांतीनगर शिरपुर जि. धुळे, संजय भगवान निकुंभे ( वय ४९ रा. कांतीनगर शिरपुर जि. धुळे) चार आरोपींना ताब्यात घेतले आहे. या आरोपींना गुरुवारी ( दि. ३) दौंड न्यायालयात हजर केले असता न्यायालयाने सोमवार (दि. ७ ) पर्यंत पोलीस कोठडीत ठेवण्याचे आदेश दिले आहेत. ही माहिती पोलीस उपनिरीक्षक सलीम शेख यांनी दिली.
दरम्यान, काही वर्षांपूर्वी दौंड शहरात आहे बनावट नोटा छपाई प्रकरणी काही जणांवर कारवाई केली होती. दौंड तालुक्यात एवढ्या मोठ्या बनवट नोटा आल्या कुठून. आत्तापर्यंत या बनावट नोटांचा किती ठिकाणी वापर करण्यात आला. तालुक्यात बनावट नोटा छापणारे रॉकेट आहे का ? यामध्ये काही गुन्हेगारी प्रवृत्तीचे किंवा राजकीय व्यक्तींचा सहभाग आहे का ? अशी शक्यता वर्तवली जात असून, पोलीसांनी त्या अनुषंगाने तपास करण्याची मागणी होत आहे.
.png "Videos"){kind=small}
