PCMC News: पिंपरीत पोलिसाचा प्रताप: 12 च्या ठोक्याला पोलिस स्टेशनसमोर केले सेलिब्रेशन; पोलिस आयुक्तांनी थेट...
पिंपरी: पोलिस ठाण्यासमोरच रस्त्यावर वाढदिवस साजरा करणे एक पोलिस अंमलदराला चांगलेच महागात पडले आहे. बुधवारी (५ मार्च) रात्री बाराच्या ठोक्याला सांगवी पोलिस ठाण्यासमोर काही तरुणांनी पोलिस अंमलदराचा मोठ्या थाटामाटात वाढदिवस साजरा केला. याचे ड्रोनद्वारे चित्रीकरण करून सर्वांनी समाजमाध्यमांवर व्हायरल केले. मात्र, ही बाब पोलिस आयुक्त विनयकुमार चौबे यांच्या निदर्शनास येताच त्यांनी संबंधित तीन पोलिस अंमलदारांना निलंबित केले. तर, वरिष्ठ पोलिस निरीक्षकाला नियंत्रण कक्षाला संलग्न केले आहे.
सांगवी पोलिस ठाण्यासमोर बुधवारी रात्री बारा वाजता ही घटना घडली. वाढदिवस असणारे पोलिस अंमलदार प्रवीण पाटील याच्यासह अंमलदार विवेक गायकवाड, सुहास डंगारे, विजय मोरे यांचे तडकाफडकी निलंबन करण्यात आले आहे. तर, सांगवी पोलिस ठाण्याचे वरिष्ठ पोलिस निरीक्षक महेश बनसोडे यांना नियंत्रण कक्षाला संलग्न करण्यात आले आहे.
गुरुवारी (६ मार्च) पोलिस अंमलदार प्रवीण पाटील यांचा वाढदिवस होता. त्यानिमित्त बुधवारी (५ मार्च) रात्री बारा वाजताच त्यांचे काही मित्र सांगवी पोलिस ठाण्यासमोर जमा झाले. त्यात पोलिस स्टेशनमधील इतर कर्मचारी आणि काही गुन्हेगारांचाही समावेश होता, असे प्रत्यक्षदर्शींचे मत होते. मध्यरात्री बाराच्या ठोक्याला ‘दादा’ लिहलेला दुमजली केक कापण्यात आला. त्यावेळी इतरांच्या हातात फायर गन, स्काय शॉट होते. रस्त्यातच फटाक्यांची आतिषबाजी केली. आकाशात भुईनळ, या जल्लोषाचे ड्रोनद्वारे चित्रीकरण केले आणि व्हिडिओ सोशल मीडियावर व्हायरल ही केला आहे.
दरम्यान, हा व्हिडिओ व्हायरल झाल्यानंतर यावर समाजातील विविध क्षेत्रांतून टीका होऊ लागली. याची दखल घेत पोलिस आयुक्त विनाकुमार चौबे यांनी सांगवी पोलिस ठाण्याच्या वरिष्ठ पोलिस निरीक्षकांसह, चार पोलिस अंमलदारांवर कारवाई केली आहे.
PCMC Crime: दरोडेखोरांचा उपायुक्तांवर कोयत्याने भीषण हल्ला; धुमश्चक्रीत पोलिसांनी…, वाचा थरारक घटनासांगवी पोलिस ठाण्यासमोर मध्यरात्री पोलिस कर्मचाऱ्याचा वाढदिवस साजरा केल्याप्रकरणी चार पोलिस कर्मचाऱ्यांचे निलंबन करण्यात आले आहे. तर, वरिष्ठ पोलिस निरीक्षक यांची नियंत्रण कक्षाला बदली करण्यात आली आहे.
– विशाल हिरे,सहाय्यक पोलिस आयुक्त
दरोडेखोरांचा उपायुक्तांवर कोयत्याने भीषण हल्ला
दरोडेखोरांना पकडण्यासाठी गेलेल्या पोलिसांवर दरोडेखोरांनी कोयत्याने जीवघेणा हल्ला केला. या हल्ल्यात एक पोलिस उपायुक्त आणि एक सहाय्यक पोलिस निरिक्षक जखमी झाले. मात्र, पोलिस उपायुक्तांनी स्वरक्षणार्थ आणि टीमच्या रक्षणासाठी आपल्या सर्विस रिवोल्वरद्वारे दोन गोळ्या झाडून दरोडेखोराला जायबंदी केले. त्यानंतर दरोडेखोराला अटक केली. दरम्यान, दुसरा अल्पवयिन दरोडेखोर घाबरून पळून गेला असता पोलिसांनी त्यालाही पकडून अटक केले. चाकण पोलिस ठाण्याच्या हद्दीत दोन मार्च रोजी मध्यरात्री ही थरारक घटना घडली. सचिन चंदर भोसले आणि एका अल्पवयीन आरोपीला अटक करण्यात आली आहे. पोलिस उपायुक्त शिवाजी पवार आणि सहाय्यक पोलिस निरिक्षक प्रसन्न जऱ्हाड हे या घटनेत जखमी झाले आहेत.
.png "Videos"){kind=small}
