Akola Crime News अल्पवयीन मुलीच्या अपहरणाचा नाट्यमय थरार; पोलिसांनी धडक कारवाई करत ठोकल्या बेड्या

बुलढाणा जिल्ह्यातील रहिवासी अमित बेडवाल (वय 22) याने छत्रपती संभाजीनगरमधून एका अल्पवयीन मुलीचे अपहरण केले. मुलीच्या पालकांनी तक्रार दाखल केल्यानंतर पोलिसांनी अपहरणाचा गुन्हा दाखल केला.

अल्पवयीन मुलीच्या अपहरणाचा नाट्यमय थरार; पोलिसांनी धडक कारवाई करत ठोकल्या बेड्या (संग्रहित फोटो)

Follow Us:

Follow Us:

Akola Crime News – अकोला : अल्पवयीन मुलीला पळवून नेणाऱ्या कारचा पोलिसांनी पाठलाग केला असता कारचालकाने नियंत्रण गमावून पोलिसांच्या गाडीला धडक दिली. आरोपीच्या कारचा पोलिसांनी हा फिल्मीस्टाईल पाठलाग बुधवारी (दि. 26) दुपारी डाबकी रोडवर घडला. अखेर पोलिसांनी तातडीने कारवाई करत आरोपीसह अपहृत मुलीला ताब्यात घेतले.

बुलढाणा जिल्ह्यातील रहिवासी अमित बेडवाल (वय 22) याने छत्रपती संभाजीनगरमधून एका अल्पवयीन मुलीचे अपहरण केले. मुलीच्या पालकांनी तक्रार दाखल केल्यानंतर पोलिसांनी अपहरणाचा गुन्हा दाखल केला. तपासादरम्यान, बुधवारी आरोपी कारमधून अकोला जिल्ह्यात पोहोचल्याची माहिती पोलिसांना मिळाली. छत्रपती संभाजीनगर पोलिसांनी तत्काळ बुलढाणा पोलिसांना कळवले. पाठलाग सुरू होताच आरोपीने वेगाने वाहन चालवत अकोल्याचा मार्ग धरला.

अकोला पोलिसांना माहिती मिळताच, डाबकी रोड पोलिसांनी नाकाबंदी करीत आरोपीचा पाठलाग सुरू केला. त्यामुळे आरोपी गोंधळला आणि त्याचे गाडीवरील नियंत्रण सुटले. भरधाव वेगात असलेल्या कारने पोलिसांच्या वाहनाला जोरदार धडक दिली, ज्यामुळे पोलिस गाडीचे मोठे नुकसान झाले.

डाबकी रोड पोलिस ठाण्याचे अधिकारी धर्मा सोनोने यांच्या मार्गदर्शनाखालील डी. बी. पथकाने हा पाठलाग केला. याप्रकरणी आरोपीवर अपहरण, निष्काळजीपणे वाहन चालवणे आणि सरकारी कामात अडथळा आणण्याचे गुन्हे दाखल करण्यात आल्याची माहिती आहे.

कोरेगाव भीमा येथे अल्पवयीन मुलीचे अपहरण

कोरेगाव भीमा (ता.शिरुर) येथील ढेरंगे वस्ती येथून 14 वर्षीय अल्पवयीन मुलीचे अपहरण करण्यात आले. नंतर तिच्यावर लैंगिक अत्याचार झाल्याचा धक्कादायक प्रकार समोर आला आहे. या पीडित मुलीला लग्नाचे आमिष दाखवत अत्याचार करण्यात आल्याचे उघड झाले आहे. यातील आरोपीला पोलिसांनी परभणीतून ताब्यात घेत अटक केली.

हेदेखील वाचा : मराठी भाषा गौरव दिन : ‘भाषा तेव्हाच मरते जेव्हा आपण तिची लाज बाळगतो….’; मराठी भाषा गौरवदिनाला नागराज मंजुळेने व्यक्त केली भावना

Web Title: Police arrested to kidnapper nrka

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com