धक्कादायक! तरुणीला जबरदस्ती वेश्या व्यवसायात ढकलले; बुधवार पेठेत नेले अन्…

पोलिसांच्या माहितीनुसार, पीडित मुलगी १७ वर्षीय असून, तिची व आरोपी तमन्नाची ओळख आहे. तिने तिला भारतात नोकरी लावण्याचे आमिष दाखविले. तेथून तिला बेंगलोरमध्ये आणले. पण, त्याठिकाणी तिच्याकडून जबरदस्तीने वेश्या व्यावसाय करून घेण्यात आला. नंतर तिला पुण्यात ब्युटी पार्लरमध्ये काम मिळवून देण्याचे आमिष दाखविले. पुण्यात आल्यानंतर मात्र आरोपींनी तिला वेश्या व्यवसाय करण्यास प्रवृत्त केले. तिला बुधवार पेठेत देखील नेले. पण, तिने नकार दिला. तेव्हा तमन्ना आणि अभिषेकने तरुणीला सहकारनगर भागातील एका खोलीत डांबून ठेवले. वेश्याव्यवसाय करण्यासाठी धमकाविले. तिने नकार दिल्यानंत तिला पट्ट्याने मारहाण केली.

तरुणीने बांगलादेशी पोलिसांना या घटनेची माहिती मोबाइलवरुन दिली. बांगलादेशातील पोलिसांनी देशपातळीवर काम करणाऱ्या ‘फ्रीडम’ या सामाजिक संस्थेशी संपर्क साधला. समाजिक संस्थेच्या कार्यकर्त्यांनी सहकारनगर पोलिसांशी संपर्क साधला. त्यानंतर सहकारनगर पोलिस ठाण्याचे वरिष्ठ निरीक्षक राहुल गौड यांच्या मार्गदर्शनाखाली पोलिस निरीक्षक सुरेखा चव्हाण व पथकाने शुक्रवारी रात्रभर शोधमोहिम राबविली. शनिवारी दोन आरोपींना अटक करण्यात आली. त्यांच्या ताब्यातून तरुणीची सुटका करण्यात आली, असे पोलीस निरीक्षक चव्हाण यांनी सांगितले.

१५ दिवसात आधार कार्ड..!

तमन्ना मुळची बाहेरची असल्याचा संशय पोलिसांना आहे. धक्कादायक म्हणजे, या बांगलादेशी तरुणीला भारतात आणल्यानंतर तिचे केवळ १५ दिवसात या आरोपींनी भारतीय आधार कार्ड काढल्याचेही प्राथमिक तपासातून समोर आले आहे. या दोघांना न्यायालयाने पाच दिवसांची पोलिस कोठडी सुनावली आहे. त्यांच्याकडे तपास सुरू असल्याचे सांगण्यात आले. अभिषेक हा तमन्नाचा ओळखीचा असून, तो एका हॉटेलमध्ये काम करतो.

संबंधित बातम्या