Pune Crime: पुण्यात हृदयद्रावक दुर्घटना! बास्केटबॉल हूप कोसळून बीटेक विद्यार्थ्याचा मृत्यू,कॅम्पसमध्ये संतापाची लाट

पुण्यात तळेगाव इंदुरी येथे बास्केटबॉल हूपवर पुश-अप्स करताना हूप तुटून डोक्यावर पडल्याने बीटेक विद्यार्थी विपुल शर्मा याचा मृत्यू झाला. उपचारासाठी उशीर झाल्याचा आरोप होत असून निष्काळजीपणावर कारवाईची मागणी आहे.

• हूप तुटून विद्यार्थ्याचा अपघाती मृत्यू
• विपुल शर्मा मूळचा अयोध्येचा रहिवासी
• निष्काळजीपणावर कारवाईची मागणी

पुणे: पुणे येथून एक धक्कादायक घटना समोर आली आहे. बास्केटबॉलच्या ‘हूप’ला पकडून पुश-अप्स करताना हुप कोसळला, या दुर्घटनेत बी.टेकचं शिक्षण घेणाऱ्या तरुणाचा दुर्दैवी मृत्यू झाल्याचे समोर आले आहे. मृत विद्यार्थ्यांचे नाव विपुल शर्मा असे होते, तो मूळचा उत्तरप्रदेश येथील अयोध्या येथील रहिवासी असल्याची माहिती आहे. ही दुर्दैवी घटना पुण्यातील तळेगाव इंदुरी परिसरात घडला आहे.

काय घडलं नेमकं?

विपुल हा बास्केटबॉल कोर्टच्या बाजूने जात असताना, त्याने बास्केटबॉलच्या ‘हूप’वर पुश-अप्स काढले. याच दरम्यान, जड लोखंडी हूप अचानकपणे तुटला आणि थेट त्याच्या डोक्यावर आदळला, ज्यात विपुलला गंभीर दुखापत झाली. यानंतर अतिरक्तस्त्रावामुळे तो बेशुद्धवस्थेत पडला. विपुलला रुग्णालयात दाखल करण्यासाठी काही काळाचा विलंब झाल्याचा आरोप विद्यार्थ्यांनी केला. नंतर त्याला तळेगावातील एका खासगी रुग्णालयात दाखल केले. जिथे डॉक्टरांनी उपचार केल्यानंतर त्याला मृत घोषित केले. या दुर्दैवी घटनेनं विद्यार्थ्यांनी शोक व्यक्त केला आहे.

‘Toy Car Bomb’ द्वारे ‘या’ शहरात स्फोट घडवण्याचा होता कट, मुंबईतून आयएसचे दोन धोकादायक दहशतवादी अटक

पोलीस तपास सुरु

या घटनेनंतर ‘तोलानी इन्स्टिट्यूट’मधील विद्यार्थ्यांमध्ये एकच संतापाची लाट उसळली. कॅम्पसमध्ये पुन्हा कोणताही असा अनुचित प्रकार घडू नये म्हणून पोलिसांचा मोठा फौजफाटा बंदोबस्तासाठी तैनात केला होता. या प्रकरणातील निष्काळजीपणासाठी जबाबदारी असणाऱ्यांवर कठोर कारवाई केली जाणार, असे आश्वासन पोलीस उपायुक्त श्वेता खेडकर यांनी दिले. संबंधित प्रकरण हे तळेगाव इंदुरी भागातील आहे.

पुण्यात 17 व्या मजल्यावरून उडी मारून मुलीची आत्महत्या; धक्कादायक कारणही आलं समोर

राज्यासह देशभरात आत्महत्येच्या घटनांमध्ये मोठी वाढ झाली आहे. अशातच आता पुण्यातून एक धक्कादायक बातमी समोर आली आहे. ‘शेजारच्या मुलासोबत का बोलतेस’ या शुल्लक कारणावरून सातत्याने मित्राकडून होणारा त्रास तसेच त्याच्या धमक्यांना कंटाळून १७ वर्षीय मुलीने इमारतीच्या टेरेसवरून उडी मारून आत्महत्या केल्याचा खळबळजनक प्रकार समोर आला आहे. मुलीने १७ व्या मजल्यावरून उडी मारल्याचे पोलिसांनी सांगितले. दरम्यान, याप्रकरणी पोलिसांनी एका तरुणाला अटक केली आहे.

​Nanded Crime: नांदेडमध्ये रक्ताचा खेळ! 70 तासांत 5 खून; नांदेडमध्ये कायद्याचा धाक संपला?