पुण्यातून एक धक्कदायक घटना समोर आली आहे. एका व्यक्तीने आपल्याच घरात स्पाय कॅमेरा लावूत पत्नीचे अंघोळीचा व्हिडीओ काढून ते व्हायरल करण्याची धमकी दिल्याचा आरोप करण्यात आल्याचं समोर आलं आहे. येवढेच नाही तर माहेरून गाडी आणि कारच्या हफ्त्याकरिता दीड लाख रुपये आणण्याची जबरदस्ती केल्याचाही आरोप करण्यात आला आहे पीडीत महिला उच्च पदस्थ अधिकारी आहे आणि धमकी देणारा करणारा तिचा पती देखील उच्च पदस्थ अधिकारी आहे. याप्रकरणी महिला अधिकाऱ्याने आंबेगाव पोलीस ठाण्यात तक्रार दाखल केली आहे. त्यानुसार आंबेगाव पोलिसांनी पती आणि सासरच्या ७ जणांवर गुन्हा दाखल करण्यात आला आहे.
लग्नाचे आमिष दाखवून तरुणीवर वारंवार अत्याचार; प्रियकराचं खरं रूप पुढे येताच केली आत्महत्या
पतीच्या डोक्यावर संशयाचं भूत
क्लास वन अधिकारी पतीच्या डोक्यावर संशयाचं भूत होतं, म्हणून त्याने उच्चपदस्थ पत्नीवर संशय घेऊन तिच्यावर नजर ठेवण्यासाठी पतीने स्वतःच्याच घरातील बाथरूममध्ये कॅमेरे बसवून व्हिडीओ रेकॉर्ड केला आहे. पतीने हे व्हिडीओ व्हायरल करण्याची धमकी देत पत्नीला ब्लॅकमेल केल्याचेही समोर आले आहे. याप्रकरणी पोलिसांनी अधिकारी पतीसह सासरच्या सात जणांविरुद्ध गुन्हा दाखल केला आहे.
पीडित क्लास वन अधिकारी महिलेचं लग्न २०२० मध्ये झालं होत. त्यानंतर त्यांचा संसार सुखाचा सुरु होता. मात्र काही वर्षात पतीने तिच्यावर सतत संशय घेत मानसिक आणि शारीरिक छळ करण्यास सुरुवात केली. तिला शिवीगाळ, मारहाण करून वारंवार माहेरहून पैसे आणण्याचा दबाव टाकत होता. दीड लाख रुपये माहेरून आणण्याची तो जबरदस्ती करत होता. याच संशयातून पत्नीवर सतत नजर ठेवण्यासाठी घरात, विशेषतः बाथरूममध्ये स्पाय कॅमेरे बसवले. व्हिडीओ रेकॉर्ड करून ते व्हायरल करण्याची धमकी देत मानसिक त्रास दिला. या सोबतच सासू, सासरे, दीर आणि इतर नातेवाईकांनाही तिला त्रास दिल्याचा आरोप महिलेने केला आहे. पतीकडून सातत्याने होणार मानसिक व शारीरिक छळ आणि ब्लॅकमेलिंग सहन न होताच पीडितेने अखेर पोलिसांकडे मदत मागितली आहे. तिने आंबेगाव पोलीस ठाण्यात सासरच्या विरोधात तक्रार दिली आहे. पोलिसांनी तांत्रिक पुरावे, व्हिडिओ फुटेज आणि इतर तपशिलांची तपासणी सुरू केली असून, आरोपींवर कठोर कायदेशीर कारवाई केली जाणार असल्याची माहिती आंबेगाव पोलिसांनी दिली.
