Crime News: मुलगी गरोदर असल्याचं कळताच बापाने उचललं धक्कादायक पाऊल; अखेर कोर्टाचा मोठा निर्णय!
पुणे : मुलांच्या सुरक्षेसाठी आई-वडील कोणत्याही संकटाचा सामना करतात. मात्र, याच नात्याला काळिमा फासणारी घटना पुणे जिल्ह्यातील दौंडमधून समोर आली आहे. पोटच्या मुलीवर अत्याचार करून तिला गरोदर केल्याप्रकरणी दोषी पित्याला अतिरिक्त जिल्हा व सत्र न्यायालयाने सश्रम जन्मठेपेची शिक्षा सुनावली आहे. तसेच पीडितेला पाच लाख रुपयांची नुकसानभरपाई देण्याचे आदेशही न्यायालयाने दिले आहेत.
मिळालेल्या माहितीनुसार, आरोपी पिता २०२२ मध्ये आपल्या मुलीसोबत वीटभट्टीवर काम करण्यासाठी आला होता. याच ठिकाणी त्याने मुलीवर अत्याचार करण्यास सुरुवात केली. २७ डिसेंबर २०२२ पासून त्याने तिच्यावर अत्याचार केल्याचे प्रकरणात नमूद आहे. काही काळानंतर मुलगी गरोदर असल्याचे समोर आले. ही बाब समजताच आरोपी तिला सोडून पसार झाला. त्यामुळे या घटनेचा गंभीर प्रकार उघडकीस आला.
मुलीच्या गर्भधारणेची माहिती मिळाल्यानंतर वीटभट्टी मालकाच्या पत्नीने तिच्या नातेवाईकांशी संपर्क साधला आणि त्यांना घटनेची माहिती दिली. त्यानंतर मुलीला सरकारी रुग्णालयात वैद्यकीय तपासणीसाठी नेण्यात आले. याप्रकरणी दौंड पोलीस ठाण्यात गुन्हा दाखल करण्यात आला आणि पुढील कायदेशीर प्रक्रिया सुरू झाली.
या प्रकरणाची सुनावणी अतिरिक्त जिल्हा व सत्र न्यायालयात झाली. अतिरिक्त सत्र न्यायाधीश एस. आर. पाटील यांनी गुरुवारी निकाल देताना आरोपी पित्याला सश्रम जन्मठेपेची शिक्षा सुनावली. याशिवाय पीडितेला पाच लाख रुपयांची नुकसानभरपाई देण्याचे आदेशही न्यायालयाने दिले. पोटच्या मुलीवर अत्याचार केल्याच्या गंभीर गुन्ह्यात न्यायालयाने दिलेल्या या निकालामुळे पीडितेला न्याय मिळण्याच्या दृष्टीने महत्त्वाचे पाऊल पडले आहे.
Ans: ही घटना पुणे जिल्ह्यातील दौंड परिसरातील वीटभट्टीवर घडल्याची माहिती आहे.
Ans: अतिरिक्त जिल्हा व सत्र न्यायालयाने आरोपीला सश्रम जन्मठेपेची शिक्षा सुनावली आहे.
Ans: न्यायालयाने पीडितेला पाच लाख रुपयांची नुकसानभरपाई देण्याचे आदेश दिले आहेत.
.png "Videos"){kind=small}
