कोल्हापुरात भररस्त्यात नगरसेविकेचा विनयभंग; अश्लील हावभाव करत शिवीगाळही केली, आरोपीविरोधात गुन्हा दाखल
ही घटना रात्री साडेदहाच्या सुमारास महंमदवाडी येथील लक्ष्मी पार्कजवळ असलेल्या टेकडीच्या भागात घडली. या घटनेत सैफन बाबूलाल सय्यद (४३) यांचा मृत्यू झाला. ते हडपसरमधील राजीव गांधी कॉलनी, तरवडे वस्ती येथे राहत होते. या प्रकरणात हनुमंत ऊर्फ सागर सुग्रीव कांबळे (२५), रा. आशीर्वाद पार्क, महंमदवाडी, याला पोलिसांनी अटक केली आहे. Pune Crime:
पोलिसांच्या प्राथमिक तपासात कौटुंबिक वादातून हा प्रकार घडल्याचे स्पष्ट झाले आहे. सैफन सय्यद यांची मुलगी सना हिचे लग्न लखन काळोखे याच्याशी झाले होते. लखन हा आरोपी हनुमंत कांबळेचा भाचा होता. मात्र, काही काळापूर्वी लखनचा मृत्यू झाला. त्यानंतर सना आणि तिच्या सासरच्या मंडळींमध्ये वारंवार मतभेद होऊ लागले होते.
रविवारीही घरातील याच वादाला पुन्हा तोंड फुटले. परिस्थिती चिघळल्यानंतर सना घरातून बाहेर पडली आणि जवळच्या जंगलाच्या दिशेने निघून गेली. मुलगी कुठे गेली याची चिंता असल्याने तिचे वडील सैफन सय्यद तिचा शोध घेण्यासाठी बाहेर पडले. त्याच वेळी आरोपी हनुमंत कांबळेही तिचा शोध घेत असल्याची माहिती आहे.
दोघेही लक्ष्मी पार्कजवळील टेकडीवर पोहोचले. सना हिच्याबाबत बोलताना त्यांच्यात वाद सुरू झाला. सुरुवातीला झालेली शाब्दिक बाचाबाची काही वेळातच हातघाईपर्यंत पोहोचली. राग अनावर झाल्यानंतर हनुमंतने जवळ पडलेला मोठा दगड उचलला आणि सैफन यांच्या डोक्यावर जोरदार प्रहार केला.
दगडाचा घाव डोक्यात बसल्याने सैफन गंभीर जखमी झाले. मात्र, मदत मिळण्यापूर्वीच त्यांचा मृत्यू झाला. घटनास्थळी काही काळ शांतता होती. त्यानंतर आरोपी हनुमंत तेथून निघून थेट काळेपडळ पोलीस ठाण्याकडे गेला.
कामाच्या शोधात आलेल्या तरुणाची आत्महत्या; ट्रकखाली येऊन उडी मारली अन्…
रात्री साडेअकराच्या सुमारास तो पोलीस ठाण्यात दाखल झाला. त्याच्या कपड्यांवर रक्ताचे डाग होते आणि गळ्यावरही जखम दिसत होती. तो रडत असल्याचे पोलिसांच्या निदर्शनास आले. ड्युटीवर असलेल्या महिला पोलीस अंमलदार विजया जयदीप चव्हाण यांनी त्याची चौकशी केली. त्यावेळी आपणच सैफन सय्यद यांना मारल्याचे त्याने सांगितले.
आरोपीच्या कबुलीनंतर पोलिसांनी विलंब न करता घटनास्थळी धाव घेतली. सहाय्यक पोलीस निरीक्षक अमित शेठे आणि त्यांच्या पथकाने टेकडीवर जाऊन पाहणी केली. तेथे सैफन सय्यद रक्ताच्या थारोळ्यात पडलेले आढळून आले. त्यानंतर पुढील कायदेशीर प्रक्रिया सुरू करण्यात आली.
या प्रकरणी महिला पोलीस अंमलदार विजया चव्हाण यांच्या तक्रारीवरून भारतीय न्याय संहितेच्या कलम १०३(१) अंतर्गत गुन्हा दाखल करण्यात आला आहे. आरोपीला अटक करून पोलिसांनी तपास सुरू केला आहे.
पुणे हादरलं! रक्तबंबाळ अवस्थेत पोलीस स्टेशनमध्ये आरडाओरड; मी खून केला म्हणाला अन्…
कौटुंबिक वाद किती टोकाला जाऊ शकतो, याची जाणीव करून देणारी ही घटना आहे. एका जुन्या कौटुंबिक प्रश्नातून सुरू झालेला वाद काही मिनिटांत हिंसक झाला आणि त्यात एका व्यक्तीला आपला जीव गमवावा लागला. सध्या या संपूर्ण घटनेचा तपास सहाय्यक पोलीस निरीक्षक प्रवीण अब्दागिरे यांच्या मार्गदर्शनाखाली सुरू आहे. या घटनेमागील इतर कारणे, वादाची नेमकी पार्श्वभूमी आणि त्या रात्री घडलेल्या घटनांची अधिक माहिती तपासातून समोर येणार आहे.
.png "Videos"){kind=small}
