मंगळवार, 3 नोव्हेंबर 2026
सौजन्य फोटो - सोशल मिडीया
पायलचा भाऊ ऋषीकेश पवार याने पोलिसांना दिलेल्या फिर्यादीनुसार, पायल हिचा विवाह १३ मार्च २०१९ रोजी अक्षय अरविंद झांबरे याच्याशी हिंदू रितीरिवाजांनुसार झाला होता. या लग्नात माहेरच्यांनी आपल्या क्षमतेबाहेर जाऊन ५० तोळे सोने आणि २५ लाख रुपये रोख रक्कम असा एकूण ७० ते ८० लाख रुपयांचा हुंडा दिला होता. मात्र, लग्नानंतर अवघ्या काही महिन्यांतच सासरच्या मंडळींचा खरा चेहरा समोर आला. सासू मंगल झांबरे आणि पती अक्षय हे प्रत्येक सणाला माहेरहून पैसे आणि सोने आणण्यासाठी पायलला सातत्याने मानसिक आणि शारीरिक त्रास देत होते.
सासरच्यांचा छळ केवळ पैशांपुरता मर्यादित नव्हता. ३० मार्च २०२३ रोजी पायलने एका गोंडस मुलीला जन्म दिला. मात्र, मुलगा हवा असल्याचा हट्ट धरलेल्या सासरच्यांनी थेट रुग्णालयात जाऊन वाद घातला. “आम्हाला मुलगा हवा होता, तुला मुलगी कशी झाली, आम्ही ही मुलगी सांभाळणार नाही,” असे म्हणून ते रुग्णालयातून निघून गेले होते. त्यानंतरही मुलगी झाल्यामुळे तिला वारंवार घालून पाडून बोलणे आणि शिवीगाळ करणे सुरूच होते.
घटनेच्या दिवशी, १ नोव्हेंबर २०२६ रोजी पायल माहेरहून सासरी परतली होती. सासरी पोहोचल्यानंतर रात्री ९:१८ मिनिटांनी तिने आपला भाऊ ऋषीकेशला मोबाईलवरून एक टेक्स्ट मेसेज पाठवला. ज्यामध्ये तिने अत्यंत स्पष्ट शब्दांत लिहिले होते, “माझी सासू जबाबदार आहे.” हा मेसेज पाहताच घाबरलेल्या भावाने ताबडतोब तिच्या फोनवर संपर्क साधण्याचा प्रयत्न केला, मात्र तिने फोन उचलला नाही. त्यानंतर तिच्या पतीला फोन केला असता, त्याने उद्धटपणे उडवाउडवीची उत्तरे दिली आणि “घरच्या भांडणात पडू नका,” असे सांगून फोन कट केला.
पायलच्या कुटुंबाने रात्री उशिरापर्यंत सासरच्या मंडळींशी संपर्क साधण्याचा प्रयत्न केला. मात्र सर्वांचे फोन बंद लागत होते. पहाटे सासरच्या मंडळींनी फोन करून पायल घरी न आल्याची माहिती दिली. त्यामुळे संशय आल्याने माहेरचे लोक मुकुंदनगरमधील झांबरे पॅलेस येथील सासरच्या घरी पोहोचले.
तिथे विचारपूस केली असता कुणीच काही सांगत नव्हते. शेवटी पती अक्षय याने पायल समोरील जुन्या फ्लॅटमध्ये असेल असे सुचवले. मुख्य दरवाजा आतून बंद असल्याने फिर्यादी भावाने मागील गॅलरीतील दरवाजाची काच फोडून आत प्रवेश केला. किचनमध्ये पाहणी केली असता, पायलने सिलिंगच्या कडीला दोरीच्या साहाय्याने गळफास घेतल्याचे निदर्शनास आले. तिला तत्काळ उपचारासाठी ससून रुग्णालयात दाखल करण्यात आले, मात्र उपचारापूर्वीच डॉक्टरांनी तिला मृत घोषित केले. याप्रकरणी स्वारगेट पोलिसांनी हुंडाबळी आणि आत्महत्येस प्रवृत्त केल्याप्रकरणी सासरच्या चौघांविरुद्ध गुन्हा दाखल केला असून, पोलीस या प्रकरणाचा सखोल तपास करत आहेत.
Ans: पायल झांबरेच्या माहेरच्यांनी आरोप केला आहे की, सासरच्या मंडळींकडून दिवाळी सणाला १० तोळे सोने आणण्यासाठी तिचा सतत मानसिक व शारीरिक छळ सुरू होता. या त्रासाला कंटाळून तिने आत्महत्या केली.
Ans: आत्महत्येपूर्वी पायलने आपल्या भावाला टेक्स्ट मेसेज केला होता, ज्यामध्ये तिने "माझी सासू जबाबदार आहे" असे लिहिले होते.
Ans: स्वारगेट पोलिसांनी पायलचा पती अक्षयअरविंद झांबरे, सासू मंगल झांबरे, सासरे आणि नणंद यांच्याविरोधात हुंडाबळी आणि आत्महत्येस प्रवृत्त केल्याप्रकरणी गुन्हा दाखल केला आहे.
