Mugdha Murder Mystery: घरच्यांपासून लपवून गहुंजेच्या आलिशान सोसायटीत वास्तव्य; लंडनहून आलेल्या तरुणीचा दुर्दैवी अन् रहस्यमय अंत!

Mugdha Murder Mystery: डनमध्ये शिकणाऱ्या छत्रपती संभाजीनगरच्या ३४ वर्षीय मुग्धा देशमुखचा मृतदेह पिंपरी-चिंचवडमधील गहुंजे येथे एका बंद फ्लॅटमध्ये कुजलेल्या अवस्थेत आढळला. ऑगस्टमध्ये लंडन सोडून ती घरच्यांना न सांगता पुण्यात एकटीच राहत होती. पोलिसांना क्रेडिट कार्डच्या लोकेशनवरून तिचा शोध लागला. नक्की काय घडले?

• लंडनहून परतलेली ३४ वर्षीय मुग्धा देशमुख गहुंजेत बंद फ्लॅटमध्ये मृतावस्थेत
• लंडन सोडून आल्यावर तिने घरच्यांना न सांगता पुण्यात एकटे राहणे केले पसंत
• क्रेडिट कार्डवरून शोध लागला तरी लंडन सोडण्याचे व मृत्यूचे कारण अस्पष्ट

Mugdha Murder Mystery: उच्च शिक्षणासाठी लंडनला गेलेली छत्रपती संभाजीनगर येथील ३४ वर्षीय तरुणी मुग्धा अविनाश देशमुख हिचा मृतदेह पिंपरी-चिंचवडजवळील गहुंजे येथील ‘लोढा बेलमोंडो’ या आलिशान सोसायटीतील एका बंद फ्लॅटमध्ये कुजलेल्या अवस्थेत आढळल्याची अत्यंत धक्कादायक घटना समोर आली आहे. २८ ऑक्टोबर रोजी पोलिसांनी फ्लॅटचा दरवाजा उघडला असता हा प्रकार उघडकीस आला. लंडनहून परतल्यानंतर कुटुंबाला कोणतीही कल्पना न देता ती पुण्यात एकटीच का राहत होती, याबाबतचे रहस्य अधिक गडद झाले असून संपूर्ण महाराष्ट्रात खळबळ उडाली आहे.

हेही वाचा: Murder Case News: “काही तासांपूर्वी वाद, अन् मध्यरात्री काटा काढला…” इंदिरानगरात ४-५ युवकांनी केला गजानन पाटणकरचा खून!

मुग्धा देशमुख प्रकरणाचा संपूर्ण घटनाक्रम

• जुलै २०२५: पुण्याच्या COEP कॉलेजमधून पदवी घेतलेली मुग्धा MBA च्या उच्च शिक्षणासाठी लंडनला गेली होती. तिथे ती पार्ट टाईम जॉब करून शिक्षणाचा खर्च भागवत होती आणि घरच्यांच्या नियमित संपर्कात होती.
• ऑगस्ट २०२६ (शेवटचा आठवडा): मुग्धाने कोणालाही न सांगता लंडन सोडले आणि ती भारतात परतली. मात्र, तिने पालकांना याची पुसटशीही कल्पना दिली नाही आणि गहुंजे येथील फ्लॅटमध्ये एकटीच राहू लागली.
• २१ ऑक्टोबर २०२६: मुग्धा ऑनलाईन पद्धतीने MBA च्या विद्यार्थ्यांना शिकवत असल्याने ती क्वचितच घराबाहेर पडायची. २१ ऑक्टोबरला तिने घरातील मोलकरणीलाही काम बंद करण्यास सांगितले.
• २३ ऑक्टोबर २०२६: आईशी तिचे शेवटचे बोलणे झाले, त्यानंतर तिचा फोन बंद झाला आणि संपर्क पूर्णपणे तुटला.
• २४ ते २६ ऑक्टोबर २०२६: मुग्धाचा संपर्क न झाल्याने कुटुंबीयांनी लंडन येथील मैत्रिणीमार्फत पोलिसांत तक्रार नोंदवून चौकशी केली. तेव्हा मुग्धाने ऑगस्टच्या शेवटीच लंडन सोडल्याची माहिती उघड झाली.
• २७ ऑक्टोबर २०२६: मुलगी लंडनमध्ये नसून बेपत्ता असल्याचे समजताच पालकांनी छत्रपती संभाजीनगरच्या उस्मानपुरा पोलीस ठाण्यात तक्रार दाखल केली. पोलिसांनी बँक व्यवहार व डिजिटल पुराव्यांच्या आधारे तपास सुरू केला असता तिचे लोकेशन पुण्यात आढळले.
• २८ ऑक्टोबर २०२६: ऑनलाईन फूड ॲप्सवरील क्रेडिट कार्ड वापरावरून ती पुण्यातच असल्याचे स्पष्ट झाले. पोलिसांनी गहुंजे येथील ‘लोढा बेलमोंडो’ फ्लॅटवर धाड टाकली असता बंद फ्लॅटमध्ये मुग्धाचा मृतदेह कुजलेल्या अवस्थेत आढळला.

हेही वाचा: Pune Accident News: “मित्रासोबत फिरायला गेली अन् घात झाला…” ताम्हिणी घाटात भीषण अपघात; डॉक्टरच्या तरुण मुलीने गमावले प्राण!

अनेक अनुत्तरित प्रश्न अन् पोलिसांचा तपास

मुग्धाचा मृतदेह बंद फ्लॅटमध्ये सापडल्याने या प्रकरणाला मोठे गूढ वळण मिळाले आहे. मुग्धा लंडनवरून अचानक परत का आली? तिने आपल्या भारतात असण्याबाबत कुटुंबीयांना का कळू दिले नाही? मृत्यूच्या ३ दिवस आधी तिने कामवाल्या बाईला काम बंद करण्यास का सांगितले? आणि तिचा मृत्यू नेमका कसा झाला? असे अनेक गंभीर प्रश्न निर्माण झाले आहेत. पोलीस सध्या डिजिटल पुरावे, बँक व्यवहार आणि व्हिसेरा रिपोर्टच्या आधारे या प्रकरणाचा अधिक सखोल तपास करत आहेत.