Pune Police CP Amitesh Kumar, Vishwajeet Jagtap Suspended,
हवालाप्रकरणात पोलिसांनी घेतलेली भूमिकेवरून संबंधित पोलिस ठाण्याच्या वरिष्ठांवर निलंबनाची कारवाई तर दुसऱ्या दोन प्रकरणात एका महिला अधिकारी व महिला कर्मचाऱ्यांचे निलंबन केले आहे.
मार्केटयार्ड पोलिस ठाण्याचे वरिष्ठ पोलिस निरीक्षक विश्वजीत जगताप यांना ३० लाखांचे हवालाप्रकरण भोवले असून, त्यांना पोलिस आयुक्त अमितेश कुमार यांनी निलंबित करण्याचे आदेश दिले आहेत.
पंधरा दिवसांपुर्वी (दि. ७ ऑक्टोबर) दुपारी येतील तक्रारदार श्रवण देवासी व गणपत देवासी हे दुचाकीवरून जात असताना पाच जणांनी ३० लाख रुपये असलेली बॅग त्यांच्या तोंडावर स्प्रे मारून हिसकावून पळ काढला होता. याप्रकारानंतर मार्केटयार्ड पोलिसांना ही माहिती दिल्यानंतर उपनिरीक्षक अक्षयकुमार गडगडे व कर्मचारी तेथे आले.
घटनेची माहिती घेऊन ते पुन्हा पोलिस ठाण्यास गेले. त्यावेळी पोलिसांनी त्यांची तक्रार एका कागदावर लिहून घेतल्यानंतर कॅमेरे पाहून तुमचा गुन्हा दाखल करू असे सांगितले. नंतर अऩेकदा तक्रार दाखल करण्यासाठी पोलिस ठाण्यांच्या पायऱ्या झिझवल्या. पण, अधिकाऱ्यांनी त्यांचा दरोड्याचा गुन्हा दाखल न करता केवळ प्रॉपर्टी मिसिंगची तक्रार दाखल करून घेतली. हा प्रकार पोलिस आयुक्त अमितेश कुमार यांच्या काणावर पडल्यानंतर त्यांनी बेशिस्तपणाचे वर्तन तसेच बेजबाबदारपणा दिसून आला. तर शिस्तप्रिय पोलिस दलाची प्रतिमा मलिन केल्याने वरिष्ठ निरीक्षक विश्वजीत जगताप यांचे निलंबन केले आहे.
Navnath Ban Accuses Eknath Shinde: शिंदे सेनेने पाठीत खंजीर उपसला! भाजप प्रवक्ते नवनाथ बन यांचा आरोप
फुरसूंगी पोलिस ठाण्यात कर्तव्यास असलेल्या महिला पोलिस उपनिरीक्षक कोमल कचरू जाधव यांचे निलंबन करण्यात आले आहे. एका गंभीर गुन्ह्यांचा तपास त्यांच्याकडे असताना त्यांनी तपासात गंभीर त्रुटी ठेवून अक्ष्यम चुका केल्याप्रकरणी त्यांचे निलंबन करण्यात आले आहे. याचप्रकरणात आरोपीने उच्च न्यायालयात अटकपुर्व जामीनासाठी अर्ज सादर केल्यानंतर तपासी अधिकारी म्हणून त्रोटक व मोघम स्वरूपाचा अहवाल न्यायालयात सादर केला. तसेच सुनावणीसाठी स्वत: न्यायालयात हजर रहाणे अपेक्षित असताना न राहिल्याने पोलिस आयुक्तांनी निलंबनाची कारवाई केली असल्याचे आदेशात म्हंटले आहे.
मद्यपानकरून चारचाकी कार विरूद्ध दिशेने चालवून तसेच फुटपाथवर धडकवून नागरिकांनाच तसेच इतर वाहन चालकांना शिवीगाळ केल्याप्रकरणात महिला कर्मचारी अश्विनी केकान यांना निलंबित करण्यात आले आहे. या सर्वप्रकाराचा व्हिडीओ सोशल मिडीयावर व्हायरल झाला आहे. या व्हिडीओनंतर पोलिस आयुक्त अमितेश कुमार यांनी निलंबनाची कारवाई केली आहे. अश्विनी केकान या काळेपडळ पोलिस ठाण्यात नेमणूकीस आहेत. त्या दोन दिवस रजेवर असताना ही घटना घडली.
Ans: मार्केटयार्ड पोलीस ठाण्याचे वरिष्ठ पोलीस निरीक्षक विश्वजीत जगताप यांच्यासह तिघांवर निलंबनाची ३० लाखांचा हवाला दरोड्याप्रकरणी कारवाई करण्यात आली आहे.
Ans: ७ ऑक्टोबर रोजी तक्रारदार श्रवण देवासी व गणपत देवासी यांच्या तोंडावर स्प्रे मारून ५ अज्ञात चोरट्यांनी ३० लाख रुपये असलेली बॅग लुटली होती.
Ans: कामात हलगर्जीपणा, गुन्हे दडपणे किंवा नागरिकांना नाहक त्रास दिल्यास कोणतीही गय न करता थेट निलंबनाची कठोर कारवाई केली जाईल, असा स्पष्ट इशारा आयुक्तांनी दिला आहे.कामात हलगर्जीपणा, गुन्हे दडपणे किंवा नागरिकांना नाहक त्रास दिल्यास कोणतीही गय न करता थेट निलंबनाची कठोर कारवाई केली जाईल, असा स्पष्ट इशारा आयुक्तांनी दिला आहे.
.png "Videos"){kind=small}
