Crime News: छत्रपती संभाजीनगर हादरले! अंधश्रद्धेतून विवाहित तरुणीचा अमानुष छळ; दर्ग्यात घेवून गेले अन्….

भुतबाधा झाल्याचे सांगत महिलेवर मारहाण करण्यात आली. तसेच संपूर्ण प्रकाराचा व्हिडिओ काढून नातेवाईकांना पाठवण्यात आला. ही घटना २८ मार्च रोजी सायंकाळी मिसारवाडी परिसरात घडली.

 

• छत्रपती संभाजीनगर हादरले!
• अंधश्रद्धेतून विवाहित तरुणीचा अमानुष छळ
• दर्ग्यात घेवून गेले अन्….

Chhatrapati Sambhajinagar Crime News: संभाजीनगर शहरात अंधश्रद्धेच्या नावाखाली विवाहित तरुणीवर अमानुष छळ झाल्याची संतापजनक घटना समोर आली आहे. आधारकार्ड काढण्याच्या बहाण्याने पती, सासू व दीराने तिला दर्यात नेले. तेथे भुतबाधा झाल्याचे सांगत तिच्यावर मारहाण करण्यात आली. तसेच संपूर्ण प्रकाराचा व्हिडिओ काढून नातेवाईकांना पाठवण्यात आला. ही घटना २८ मार्च रोजी सायंकाळी मिसारवाडी परिसरात घडली. या प्रकरणी दीर शेख हारुन शेख फकीर मोहम्मद व भोंदू बाबा अश्पाक उर्फ अशोक जाधव या दोघांना अटक करण्यात आली असून ९ एप्रिलपर्यंत पोलिस कोठडी सुनावण्यात आली आहे, अशी माहिती निरीक्षक अतुल येरमे यांनी दिली. पती शेख इरफान व सासू जकिरा शेख हे पसार असून त्यांचा शोध सुरू आहे.

आधार केंद्राऐवजी दर्ग्यात नेण्यात आले

प्रकरणात २० वर्षीय विवाहितेने फिर्याद दिली. तिचे वर्षभरापूर्वी लग्न झाले असून ती सासरच्या कुटुंबासोबत राहत होती. २८ मार्च रोजी पतीने आधारकार्ड बनवायचे असल्याचे सांगून तिला बाहेर नेले. त्यावेळी सासू व दीरही सोबत होते. मात्र तिला आधार केंद्राऐवजी दर्ग्यात नेण्यात आले. तेथे ‘भुतबाधा झाली आहे’ असे सांगत अश्पाक नावाच्या व्यक्तीकडे तिला नेले. त्याने तिला औषधाचा वास देऊन अगरबत्ती लावून मंत्रोच्चार सुरू केले. पुढील तपास पोलिस करत आहे.

Beed Crime: धक्कादायक! अंबाजोगाईत निवासी डॉक्टरची गळफास घेऊन आत्महत्या; कारण अस्पष्ट

व्हिडिओ पाठवला नातेवाईकांना

हा व्हिडिओ तिच्या भावाला पाठवण्यात आला. त्यानंतर नातेवाईकांनी चौकशी केली असता आरोपींनी भुतबाधेचे कारण देत उर्मटपणे उत्तर दिले. पुढे २९ मार्च रोजी पीडितेच्या नातेवाईकांनी घरी जाऊन विचारणा केली असता ‘आता तिला नांदवणार नाही’ असे सांगत तिला माहेरी पाठवण्यात आले.

औषधाचा वास, मंत्रोच्चार व मारहाण

मंत्रोच्चार सुरू असताना सासूने तिचे केस मोकळे करून थपडा मारत जबरदस्तीने घुमण्यास भाग पाडले. त्यामुळे तिची मानसिक अवस्था बिघडली. काही वेळानंतर तिला घडलेला प्रकार आठवत नव्हता, असे फिर्यादीत नमूद आहे. दरम्यान रात्री उशिरा या संपूर्ण प्रकाराचा व्हिडिओ काढण्यात आला.

गुन्हा दाखल

या प्रकरणी सिडको पोलिस ठाण्यात पतीसह चौघांविरोधात भारतीय न्याय संहितेच्या कलम ११८ (१), ३५१ (२) व ३५२ अंतर्गत गुन्हा दाखल करण्यात आला आहे. पुढील तपास सहायक निरीक्षक योगेश गायकवाड करीत आहेत.

Chhatrapati Sambhajinagar: हृदयद्रावक! मेहुण्याला वाचवू न शकल्याने तरुणाने संपवलं जीवन; आज माझा शेवटचा दिवस…