बुधवार, 9 सप्टेंबर 2026
Santosh Pandit Judicial Custody Pune: संतोष पंडितला १४ दिवसांची न्यायालयीन कोठडी!
कोथरुड पोलिसांकडे दाखल तक्रारीनुसार, संतोष पंडित यांनी गेल्या आठवड्यात महिलांच्या सन्मानाला धक्का पोहचवण्याच्या उद्देशाने लैंगिक टिप्पणी करणारा सोशल मीडियावर अपलोड केला. इतकेच नव्हे तर, घटनात्मक पदावर कार्यरत असलेले मंत्री आणि अत्यंत अपशब्द वापरत त्यांची सामाजिक प्रतिमा मलिन करण्याचा प्रयत्न केला.
पुण्यातील भाजप पदाधिकाऱ्यांमधील मतभेद होणार दूर? केंद्रीय राज्यमंत्री मुरलीधर मोहोळ करणार मध्यस्थी
संतोष पंडित यांना गुन्ह्यातील पोलिस कोठडीची मुदत संपल्यानंतर न्यायालयात हजर करण्यात आले. या प्रकरणी पंडित यांच्या विरोधात यापूर्वीही विविध गुन्हे दाखल झाले होते. पर्वती पोलिस ठाण्यात दोन, तसेच डेक्कन आणि विश्रामबाग पोलिस ठाण्यात महिलांचा विनयभंग, बदनामी आणि अवमानकारक चित्रफितीशी संबंधित गुन्हे दाखल असल्याची माहिती पोलिसांनी न्यायालयात दिली.
या प्रकरणाच्या तपासादरम्यान महिला साक्षीदारांकडे चौकशी सुरू आहे. आरोपीकडून संबंधित साक्षीदारांवर दबाव आणला जाण्याची तसेच समाजमाध्यमांच्या माध्यमातून त्यांची बदनामी करण्याची शक्यता असल्याचा युक्तिवाद पोलिसांकडून करण्यात आला.
आरोपीविरोधातील पुरावे संकलित करून न्यायालयात आरोपपत्र दाखल करायचे असल्याने आरोपीला न्यायालयीन कोठडी देण्याची मागणी सरकारी वकील योगेश कदम यांनी केली. न्यायालयाने सरकारी पक्षाची मागणी मान्य करत आरोपीला न्यायालयीन कोठडी सुनावली. वरिष्ठ निरीक्षक अरुण घोडके यांच्या मार्गदर्शनाखाली पोलिस निरीक्षक (गुन्हे) अनिल माने या प्रकरणाचा पुढील तपास करत आहेत.
गुन्ह्याच्या तपासादरम्यान पोलिसांनी महिला साक्षीदारांकडे चौकशी सुरू केली आहे. न्यायालयात सुनावणीदरम्यान सरकारी वकील योगेश कदम यांनी आरोपीविरोधात भक्कम पुरावे जमा करून दोषपत्र सादर करणार असल्याचे म्हटले आहे. संतोष पंडित बाहेर राहिल्यास तपासावर आणि साक्षीदारांवर परिणाम होऊ शकतो, त्यामुळे त्यांना न्यायालयीन कोठडी सुनावण्यात यावी, अशी मागणी सरकारी वकिलांनी केली होती. त्यानंतर न्यायालयाने त्यांची मागणी मान्य करत पंडित यांना १४ दिवसांची कोठडी सुनावली आहे. वरिष्ठ पोलीस निरीक्षक अरुण घोडके यांच्या मार्गदर्शनाखाली पोलीस निरीक्षक (गुन्हे) अनिल माने या प्रकरणाचा पुढील सखोल तपास करत आहेत.
