Crime News: लिव्ह-इन अन् शेवटी विश्वासघात! लग्नाचे आमिष दाखवत तीन वर्षे संबंध, वारंवार केलेत अत्याचार

जयदत्त जगन्नाथ चोरगे (२४, रा. कोल्हे होड ता. गेवराई जि. बीड) असे पीडितेवर अत्याचार करुन लग्नास नकार देणाऱ्याचे नाव असुन त्याच्याविरोधात जवाहरनगर पोलिस ठाण्यात गुन्हा दाखल करण्यात आला आहे.

 

• लिव्ह-इन अन् शेवटी विश्वासघात!
• लग्नाचे आमिष दाखवत तीन वर्षे संबंध
• वारंवार केलेत अत्याचार

छत्रपती संभाजीनगर, (शहर प्रतिनिधी): लग्नाचे गोड आमिष दाखवत नीटची तयारी करणाऱ्या तरुणीसोबत प्रेमाच्याजाळ्यात ओढले. तुला सोडून जाणार नाही, तुझ्या सोबत राहिल असे सांगत तिच्यासोबत तीन वर्षे लिव्ह-इन रिलेशनशिपमध्ये राहून वारंवार अत्याचार केला. अन शेवटी मेसेज पाठवत लग्नास नकार देत संबंध तोडले. ही घटना २८ जून २०२३ ते २ एप्रिल २०२६ दरम्यान शिवाजीनगरात घडली.

जयदत्त जगन्नाथ चोरगे (२४, रा. कोल्हे होड ता. गेवराई जि. बीड) असे पीडितेवर अत्याचार करुन लग्नास नकार देणाऱ्याचे नाव असुन त्याच्याविरोधात जवाहरनगर पोलिस ठाण्यात गुन्हा दाखल करण्यात आला आहे. प्रकरणात २३ वर्षीय तरुणीने फिर्याद दिली. त्यानुसार, पीडित तरुणी ही ती जालन्यातील रहिवासी असून, सध्या शिवाजीनगर परिसरात राहते. ती १२ वी सायन्स पास झालेली आहे. तिला डॉक्टर बनायचे असल्याने ती सध्या नीटच्या परिक्षेची तयारी करित आहे. जून २०२३ मध्ये तरुणीची जयदत्त चोरगे याच्याशी ओळख झाली. मोबाइलवरून सुरू झालेला संवाद काही दिवसांतच प्रेमात बदलला. जयदत्तने तिला खुलताबाद, वेरुळ येथे फिरायला नेले. त्यानंतर शिवाजीनगर परिसरातील एका हॉटेलवर नेऊन शारिरिक संबंध ठेवले.

डिसेंबर २०२३ पासून आरोपीने तरुणीसाठी शिवाजीनगरात राहण्याची व्यवस्था केली. पुढे मार्च २०२५ मध्ये आपण लग्न करणार आहोत, असे सांगत दोघे लिव्ह-इन रिलेशनशिपमध्ये राहू लागले. विविध भाड्याच्या घरांमध्ये राहून या काळात आरोपीने वारंवार शारीरिक संबंध ठेवले. लिव्ह-इनमध्ये राहत असतानाच आरोपी इतर मुलींशीही संपर्कात असल्याचे तरुणीच्या लक्षात आले. याबाबत विचारणा केल्यावर आरोपीने मारहाण करत पुन्हा विचारलास तर हातपाय तोडतो, अशी धमकी दिली. तरीही लग्नाच्या आशेवर तरुणीने संबंध कायम ठेवले. फेब्रुवारी २०२६ मध्ये आरोपी पुण्यात गेला.

Akola Crime: मुलावर हल्ला, आई आडवी आली; पतीकडून पत्नीची निर्घृण हत्या

तेथून त्याने तरुणीला बोलावून एका लॉजवर नेले आणि पुन्हा लग्नाचे आमिष दाखवत शारीरिक संबंध ठेवले. नंतर मात्र तू मला आवडत नाही, म्हणत लग्नाला नकार दिला. तुला आधी समजत नव्हते का, असे विचारताच त्यांच्यात वाद झाला. पीडितेने पुण्याहून थेट छत्रपती संभाजीनगर गाठले. त्याला फोन केला तर फोन बंद असल्याने तरुणीने पोलिसात धाव घेत तक्रार दिली. त्यानुसार जवाहरनगर पोलिस ठाण्यात गुन्हा दाखल करण्यात आला आहे.

कौटुंबिक प्रयत्नही फसले

दोन्ही कुटुंबीयांमध्ये लग्नाबाबत बैठक झाली होती. मात्र आरोपीच्या कुटुंबीयांनी लग्नास नकार दिला. तरीही आरोपीने तरुणीला लग्नाचे आमिष दाखवून तिच्यावर वारंवार अत्याचार केले.

तिने सोने मोडून त्याला दिले होते ८० हजार

आरोपी जयदत्त जानेवारी २०२६ मध्ये एम. कॉम. प्रवेश घ्यायचा असल्याने त्याने पीडितेकडे पैशांची मागणी केली होती. त्यासाठी पीडितेने स्वतःचे सोने विक्री करुन ८० हजार रुपये आरोपीला दिल्याचे देखील फिर्यादीत नमुद आहे. एवढे केल्यानंतरही त्याने विश्वासघात केला.

Beed Crime: छळ थांबला नाही! शाळा बदलूनही पाठलाग; छेडछाडीमुळे दहावीच्या मुलीने संपवले जीवन