Beed Crime: बीड हादरवणारी घटना! २२ तास पोटात मृत बाळ, रुग्णालयावर हलगर्जीपणाचा आरोप; चौकशी समिती स्थापन

बीडच्या परळीत गर्भवती महिलेच्या पोटात मृत बाळ तब्बल २२ तास राहिल्याचा धक्कादायक प्रकार समोर आला. डॉक्टरांनी सोनोग्राफी न करता उपचार केल्याचा आरोप असून आरोग्य विभागाने चौकशी सुरू केली आहे.

• परळीतील खाजगी रुग्णालयावर हलगर्जीपणाचे गंभीर आरोप
• मृत बाळ २२ तास आईच्या पोटातच राहिल्याचा दावा
• आरोग्य विभागाकडून चौकशी समिती गठीत

बीड: बीडच्या परळी मधून एका धक्कादायक प्रकार समोर आला आहे. मृत बाळाला २२ तास पोटातच घेवून फिरावं लागल्याचा धक्कादायक प्रकार समोर आला आहे. जेव्हा गरोदर बाईच्या पोटात दुखायला सुरुवात झाली. तेव्हा तिला रुग्णालयात दाखल करण्यात आल होत. मात्र जेव्हा तिला रुग्णालयात नेल तेव्हा सोनोग्राफी न करता तिला उपचार करून सोडून देण्यात आल. पोटातच बाळाचा मृत्यू झाला आणि तब्बल २२ तास मृत बाळ हे पोटातच होत. त्यानंतर आईला ही याचा त्रास व्हायला सुरुवात झाली. त्यांनतर घरच्या नातवाईक यांनी डॉक्टरांनी हलगर्जीपणा केल्याचा आरोप केला आहे. बीडच्या परळी मधील हा धक्कादायक प्रकार समोर आला आहे. मृत बाळ नव्हे तर आईच्या ही जीवाशी पैशासाठी खेळ सुरू आहे असा आरोप करण्यात आला आहे.

Uttar Pradesh crime: हादरवणारी घटना! जुन्या प्रेमसंबंधांच्या संशयातून तरुणाची तिसऱ्या मजल्यावरून फेकून हत्या, पत्नी व पतीवर गुन्हा

नक्की घडलं काय?

एका खाजगी रुग्णालयात महिलेला नेण्यात आल होत. जेव्हा तिच्या पोटात दुखत होत तेव्हा तिची सोनोग्राफी करण्यात आली नाही. ती ना करत तिला नार्मल डिलीवरी करून देतो अस डॉक्टरांकडून सांगण्यात आल. मात्र पोटात बाळाचं मृत्य झाला आहे. हे असताना पण डॉक्टरांनी का फसवणूक केली असा आरोप आता केला जात आहे. गेल्या आठ महिन्यापासून पीडीत महिला या दवाखान्यात उपचार घेत होती. गरोदरपणाची तपासणी ही या रुग्णालयात केली जायची. मात्र आता डॉक्टरांनी आम्हाला फसवलं आहे असा आरोप नातेवाईक करत आहेत.

जिल्हा आरोग्य प्रशासनाने केली चौकशी समिती गठीत

या सगळ्या प्रकारानंतर खाजगी रुग्णालय कशा पद्धतीने काम करतात यावर प्रश्नचिन्ह निर्माण झाला आहे. पीडित कुटुंबातील सदस्यांनी तक्रार आरोग्य विभागाकडे दिली आहे. त्यांनंतर आरोग्य विभागाने एक चौकशी समिती गठीत केली आहे. आता या प्रकरणाची चौकशी ही केली जाईल. यात नक्की दोषी कोण आहे? याचा तपास केला जाईल. मात्र जवळपास २२ तास मृत बाळ हे आईच्या पोटात होत. जर आईला ही दगाफटका झाला असता तर काय? हा सवाल आता उपस्थित केला जात आहे या सगळ्या घटनेची चर्चा बीड जिल्ह्यात सुरू आहे.

Pune Crime: फिरायला नेतो म्हणून घेवून गेला आणि गळा आवळला; बापानेच आपल्या मुलांची केली हत्या