योनी शुद्धीकरण, २०० हून अधिक महिलांचे लैंगिक शोषण ; अशोक खरातबाबत दत्तात्रय खेमनार यांचे खळबळजनक दावे

का व्यावसायिकाला व्यवसायात तोटा झाल्यानंतर मार्गदर्शनासाठी तो अशोक खरात याच्याकडे गेला होता. खरातने त्याला खोटी रत्ने देऊन फसवले.

• अशोक खरातला अटक करण्यात आली असून २४ मार्च पर्यंत त्याला पोलीस कोठडी
• कॅप्टन खरात हा महिलांना संमोहन करून किंवा त्यांना गुंगीचे औषध देऊन त्यांच्याशी लैंगिक संबंध प्रस्थापित
• अल्पवयीन मुलीवर ‘केबल टेस्टर’ आणि इतर तांत्रिक उपकरणांचा वापर करून अघोरी उपचार

Ashok Kharat crime: नाशिकचा विकृत भोंदूबाबा अशोक खरातला अटक करण्यात आली असून २४ मार्च पर्यंत त्याला पोलीस कोठडी सुनावण्यात आली आहे. अशातच ‘खबरदार पुढारी’ दैनिकाचे संपादक दत्तात्रय खेमनार यांनी अशोक खरात प्रकरणासंबंधीचे काही गंभीर दावे केले आहेत. एका वृत्तवाहिनीला दिलेल्या मुलाखतीत खेमनार यांनी
“खरातने २०० हून अधिक महिलांचे लैंगिक शोषण केले असावे, असा दावा केला आहे. इतकेच नव्हे तर, अशोक खरातने ज्या -ज्या महिला महिलांवर लैंगिक अत्याचार केले त्यातील बुहतांश महिला या उच्चशिक्षित आणि राजकारणी घराण्यातील असल्याचा दावा केला आहे. मुंबई तक या वृत्तवाहिनीला दिलेल्या मुलाखतीत खेमनार यांनी अशोक खरातच्या कारनाम्यांचा पर्दाफाश केला आहे.

कॅप्टन खरात हा महिलांना संमोहन करून किंवा त्यांना गुंगीचे औषध देऊन त्यांच्याशी लैंगिक संबंध प्रस्थापित करत असल्याची चर्चा आहे. मात्र, या प्रकरणात दत्तात्रय खेमनार यांनी काही धक्कादायक खुलासे केले आहेत. त्यांच्या म्हणण्यानुसार, अशोक खरात याच्याकडे येणाऱ्या अनेक महिला उच्चशिक्षित, सरकारी अधिकारी तसेच राजकीय घराण्यांतील होत्या. खरात या महिलांना सांगत असे की, “मी देव आहे. तुझे आयुष्य सुधारायचे असेल तर मला तुझे ‘योनी शुद्धीकरण’ करावे लागेल.” या कारणाखाली तो महिलांना स्वतःचे मूत्र पिण्यास भाग पाडत असाही दावा खेमनार यांनी केला आहे.

कोकणात स्टार्टअप आणि नवोपक्रमांना आर्थिक पाठबळ, ‘अटल कम्युनिटी इनोव्हेशन सेंटर’ला मंजुरी; 

दरम्यान, एका व्यावसायिकाला व्यवसायात तोटा झाल्यानंतर मार्गदर्शनासाठी तो अशोक खरात याच्याकडे गेला होता. खरातने त्याला खोटी रत्ने देऊन फसवले. त्याने त्या व्यावसायिकाला साडेतीन लाख रुपयांना एक रत्न आणि दोन लाख रुपयांना दुसरे रत्न विकले. नंतर ही दोन्ही रत्ने बनावट असल्याचे त्या व्यावसायिकाच्या लक्षात आले. याशिवाय, अशोक खरात हा त्याच्याकडे येणाऱ्या स्त्री-पुरुषांना एकमेकांशी संबंध ठेवण्यासही प्रवृत्त करत असल्याचे आरोप आहेत. त्याने एका बड्या उद्योजकाचे एका महिलेशी संबंध जुळवून दिले. त्यानंतर त्या महिलेला गर्भवती असल्याचे खोटे सांगून त्या उद्योजकाला ब्लॅकमेल करण्यात आले आणि त्याच्याकडून तब्बल 20 कोटी रुपये उकळण्यात आल्याचे खेमनार यांनी सांगितले.

तसेच, अशोक खरात हा महाराष्ट्रातील एका माजी मंत्र्यालाही फसवत असल्याचा दावा करण्यात आला आहे. तो त्या मंत्र्याला शक्तीवर्धक गोळ्यांचे पाणी बाटलीत भरून देत असे. हे ‘ओशनो जल’ असल्याचे सांगत, ते पाणी प्यायल्यास ऊर्जा वाढेल, तब्येत सुधारेल आणि भविष्यात अधिक ताकद मिळेल, असे सांगून त्याने त्या मंत्र्यालाही गंडा घातल्याची माहिती खेमनार यांनी दिली.

Satara Politics: सातारा जिल्हा परिषदेत २० कोटींचा ‘सेस फंड’ घोटाळा?

२०-५० नव्हे, तर १०० हून अधिक अश्लील व्हिडिओ

दरम्यान, एसआयटीच्या (SIT) तपासात धक्कादायक माहिती समोर आली आहे. खरातच्या ताब्यातून जप्त केलेल्या लॅपटॉप आणि पेनड्राईव्हमध्ये १०० हून अधिक आक्षेपार्ह व्हिडिओ सापडले आहेत. यामध्ये अनेक नामांकित महिला, उच्चपदस्थ सरकारी अधिकारी आणि राजकीय घराण्यातील महिलांचे चेहरे असल्याची प्राथमिक माहिती आहे. संमोहित करून किंवा गुंगीचे औषध देऊन हा प्रकार केल्याचा संशय आहे.

अघोरी कृत्यांचे नवे व्हिडिओ

आज खरातचा आणखी एक व्हिडिओ समोर आला असून, त्यात तो एका अल्पवयीन मुलीवर ‘केबल टेस्टर’ आणि इतर तांत्रिक उपकरणांचा वापर करून अघोरी उपचार करताना दिसत आहे. स्वतःला ‘देव’ म्हणवून घेत तो महिलांचे शोषण करत असल्याचा दावा तपासात करण्यात आला आहे.