Solapur Crime: पंढरपूर हादरलं! तरुणीवर अॅसिड फेकून हल्ला, आरोपीचा माग काढण्याचे प्रयत्न

पंढरपुरात वैष्णवी भागवत या तरुणीवर अज्ञात व्यक्तीने अॅसिड हल्ला केला. गंभीर जखमी अवस्थेत तिला रुग्णालयात दाखल करण्यात आले आहे. पोलिसांनी गुन्हा नोंद प्रक्रिया सुरू करून आरोपीचा शोध घेतला असून परिसरात भीतीचे वातावरण आहे.

• पंढरपुरात तरुणीवर अॅसिड हल्ला; आरोपी फरार
• पीडितेला तातडीने रुग्णालयात दाखल, उपचार सुरू
• पोलिसांकडून सीसीटीव्ही तपास; आरोपीचा शोध सुरू

सोलपूर: सोलापूर येथून एक धक्कादायक घटना समोर आली आहे. पंढरपुरात एका मुलीवर अॅसिड हल्ल्याची धक्कादायक घटना समोर आली आहे. या प्रकरणी पीडित मुलीवर शहरातील खासगी रुग्णालयात उपचार सुरु आहे. या घटनेने नागरिकांत संताप व्यक्त होत आहे.

काय घडलं नेमकं?

वैष्णवी भागवत असे या हल्ला झालेल्या पीडित तरुणीचे नाव आहे. अज्ञात इसमाने तिच्या अंगावर ऍसिड टाकल्याची प्राथमिक माहिती मिळाली आहे. तिला उपचारासाठी पंढरपूर शहरातील लाईफलाईन या हॉस्पिटलमध्ये दाखल करण्यात आले आहे. दरम्यान, पोलिसांनी या प्रकारात अज्ञात तरुणाचा शोध सुरू केला असून या परिसरातील सीसीटीव्ही चेक करण्यास सुरुवात केली आहे. या प्रकाराने परिसरात दहशत निर्माण झाली आहे. याप्रकरणी, गुन्हा नोंद करायची प्रक्रिया सुरू आहे.

विवाह मोडवरुन तरुणीचा चाकूने वार करुन खून; आरोपीला न्यायालयाने सुनावली ‘ही’ मोठी शिक्षा

भावनिक आवाहन

मुलीचे नातेवाईकही रुग्णालयात दाखल झाले आहे. आम्हाला एक फोन आला होता, तेव्हा आम्ही पेट्रोल पंपाजवळ पोहोचलो. इथं माझ्या मुलीवर अॅसिडसारखा पदार्थ टाकल्याचं समजलं. माझ्या मुलीवर टाकला तसा कुणावरही अॅसिड टाकू नका, असं भावनिक आवाहन पीडित मुलीच्या आईने केलं आहे.

14 दिवसांपासून बेपत्ता… अखेर जिम ट्रेनर मृतावस्थेत सापडला; गळफास की घातपात?

सोलापूर येथून एक धक्कादायक घटना समोर आली आहे. सागवानाच्या झाडाला रबरी पाइपने गळफास घेतलेल्या अवस्थेत एका तरुण जिम ट्रेनरचा मृतदेह आढळून आल्याचे समोर आले आहे. १४ दिवसांपासून तो बेपत्ता होता. आपल्या बायकोला अर्ध्यातासात येतो असे सांगून तो घराबाहेर पडला मात्र तो परातलाच नाही. सचिन मच्छिंद्र माने (वय 30, रा. विजापूर नाका) असे मरण पावलेल्या तरुणाचे नाव आहे. त्यांचा मृतदेह सोलापूर-विजयपूर रस्त्यावरील सैफुल भागातील झाडाझुडपांमध्ये आढळला.

अर्ध्या तासात येतो तोपर्यंत…

सचिन माने हा शनिवार, 14 मार्च रोजी पत्नी कल्याणी यांना अर्ध्या तासात घरी येणार, तोपर्यंत कैरीचे लोणचे आणि भाजी बनव, असे सांगून तो घरातून बाहेर पडला. सचिनचे मोबाईल शॉपीचे दुकान होते आणि तो जीम ट्रेनर देखील होता. सचिन 14 मार्चपासून घरातून बेपत्ता होता. पोलिसांना याची तक्रार कुटुंबीयांनी विजापूर नाका पोलीस ठाण्यात दाखल केली होती. मात्र १४ दिवसानंतर सैफुलजवळील काटेरी झुडपात रबरी पाईपने गळफास घेतलेल्या स्थितीत आढळला. ही घटना शुक्रवारी सकाळी 9 वाजण्याच्या सुमारास उघडकीस आली.

अंगात दैवी शक्ती असल्याचा दावा, महिलेला स्वारगेटमधील लॉजवर बोलावले अन्…; आणखी एका भोंदूचा संतापजनक प्रकार