
हॉटेलसमोर जुन्या वादाचा थरार, तरुणावर चाकूने हल्ला करून हत्या; सहा आरोपी ताब्यात
पुलगाव पोलिस ठाण्याच्या हद्दीतील सोनोरा-ढोक येथे नंदकिशोर चंदेल यांच्या हॉटेलसमोर हा प्रकार घडला आहे. अमन अनंत भरणे, रोहित मनोज नारनवरे, शिवम विलास ढोक, प्रेम बोंडाले (सर्व रा. सोनोरा-ढोक), त्रिशूल बावणे (रा. भाईपूर पुनर्वसन, ता. आर्वी) आणि त्यांच्या दोन अल्पवयीन साथीदारांनी संगनमत करून गौरव याच्यावर चाकूने हल्ला केल्याचे पोलिस तपासात समोर आले आहे. गंभीर जखमी झालेल्या गौरवचा या हल्ल्यात मृत्यू झाला.
मित्रांमध्ये काही दिवसांपूर्वी वाद
गौरव आणि आरोपी एकमेकांचे मित्र असल्याची माहिती पोलिसांनी दिली. काही दिवसांपूर्वी त्यांच्यात एका कारणावरून शाब्दिक खडाजंगी झाली होती. त्याच वादाचा राग मनात धरून आरोपींनी गौरवला लक्ष्य केल्याचे प्राथमिक तपासात निष्पन्न झाले आहे. शनिवारी सर्वजण एकत्र आल्यानंतर वादाचे पर्यवसान चाकू हल्ल्यात झाले.
हे सुद्धा वाचा : बसस्थानकावर प्रवाशांना हेरून चोरी, महिलांच्या टोळीतील एकीला अटक; 3 गुन्हे उघड
घटनेची माहिती मिळताच पुलगावचे पोलिस निरीक्षक सदाशिव ढाकणे आणि त्यांच्या पथकाने तातडीने घटनास्थळी धाव घेतली. आरोपी पसार होण्यापूर्वी त्यांचा शोध घेण्यासाठी स्थानिक गुन्हे शाखेची मदत घेण्यात आली. एलसीबीच्या पथकाने वेगाने तपास करून सहा आरोपींना दोन तासांत ताब्यात घेतले. या प्रकरणाचा पुढील तपास सहाय्यक पोलिस निरीक्षक नितीन मदनकर करीत आहेत.
अमरावतीमधील चाकूहल्ला प्रकरणाचा उलगडा
अमरावती शहरातील फ्रेजरपुरा पोलिस ठाण्याच्या हद्दीतील संजय गांधी नगर परिसरात जुन्या वादातून एका २३ वर्षीय तरुणावर चाकूने प्राणघातक हल्ला करण्यात आल्याची घटना घडली होती. या हल्ल्यानंतर घटनास्थळावरून पसार झालेल्या तीन अल्पवयीन आरोपींना शहर गुन्हे शाखेच्या पथकाने शोध घेऊन ताब्यात घेतले. त्यानंतर तिन्ही आरोपींना पुढील कायदेशीर कारवाईसाठी फ्रेजरपुरा पोलिसांच्या स्वाधीन करण्यात आले आहे.
Ans: गौरव राजू मांढरे (वय २१, रा. सोनोरा-ढोक) असे मृत तरुणाचे नाव आहे.
Ans: काही दिवसांपूर्वी गौरव आणि आरोपींमध्ये शाब्दिक वाद झाला होता. याच जुन्या वादाचा वचपा काढण्यासाठी त्याच्यावर चाकूने हल्ला केल्याचे पोलिस तपासात समोर आले आहे.
Ans: स्थानिक गुन्हे शाखेच्या पथकाने घटनेनंतर अवघ्या दोन तासांत सहा आरोपींना ताब्यात घेतले. यामध्ये दोन अल्पवयीनांचा समावेश आहे.