
लातूरमध्ये गोल्डन लॉजवरील देहव्यवसायाचा पर्दाफाश; पोलिसांच्या छाप्यात तीन महिलांची सुटका
२० नोव्हेंबर रोजी सायंकाळी ६.२५ वाजण्याच्या सुमारास गोल्डन लॉज येथे अनैतिक देहव्यवसाय सुरू असल्याची माहिती पोलिसांना मिळाली. त्यानंतर अनैतिक मानवी वाहतूक प्रतिबंधक कक्षाच्या पथकाने छापा टाकून कारवाई केली. या प्रकरणात संगीता ऊर्फ स्वाती विभीषण बोंदर (वय ४०), सुदर्शन विभीषण बोंदर (वय २५, दोघे रा. स्वराज्य नगर, बार्शी रोड, लातूर) आणि दत्ता लिंबाजी पवार (वय ४७, रा. विवेकानंद चौक, लातूर) यांच्याविरुद्ध कारवाई करण्यात आली. पोलिसांच्या फिर्यादीनुसार, आरोपींनी संगनमत करून आर्थिक फायद्यासाठी बाहेरून महिलांना गोल्डन लॉज येथे बोलावून घेतले होते. पैशांचे आमिष दाखवून शहरातील व परिसरातील पुरुष ग्राहकांना लॉजवर बोलावले जात होते. महिलांकडून देहव्यवसाय करवून घेऊन त्यातून मिळणाऱ्या पैशांवर आरोपी आपली उपजीविका भागवत असल्याचे तपासात समोर आले आहे.
या कारवाईत पश्चिम बंगालमधील एका महिलेसह तीन महिलांची सुटका करण्यात आली आहे. या गुन्ह्याचा पुढील तपास पोलीस निरीक्षक सुधीर सूर्यवंशी, एमआयडीसी पोलीस ठाणे, लातूर करीत असून, पोलीस अंमलदार दयानंद आरदवाड त्यांना सहकार्य करीत आहेत. महिला शोषण आणि मानवी तस्करीसारख्या गंभीर गुन्ह्यांना आळा घालण्यासाठी पोलिसांकडून अवैध व्यवसायांवर लक्ष ठेवून कारवाई केली जात आहे.
मोबाईल, रोख रक्कम व अन्य साहित्य जप्त
कारवाईदरम्यान देहव्यवसायातून मिळालेली ५०० रुपयांच्या तीन नोटा, एकूण १ हजार ५०० रुपये, कंडोमची पाकिटे, विवो कंपनीचे FP तीन मोबाईल आणि मोटोरोलाचा एक मोबाईल जप्त करण्यात आला. मोबाईलची अंदाजे किंमत ४० हजार रुपये असून, अन्य साहित्य व रोख रकमेसह एकूण ४१ हजार ५४० रुपयांचा मुद्देमाल पोलिसांनी ताब्यात घेतला. याप्रकरणी एमआयडीसी पोलीस ठाण्यात गुन्हा रजिस्टर क्रमांक ८५०/२०२६ अन्वये भारतीय न्याय संहिता कलम १४३ (२), १४३(३), ३(५) तसेच अनैतिक व्यवसाय प्रतिबंध अधिनियम १९५६ च्या कलम ३, ४ व ५ नुसार गुन्हा दाखल करण्यात आला आहे.
तीन आरोपींवर पोलिसात गुन्हा दाखल
ही कारवाई पोलीस अधीक्षक, अप्पर पोलीस अधीक्षक आणि पोलीस उपअधीक्षक आर्थिक गुन्हे शाखा यांच्या मार्गदर्शनाखाली पोलीस निरीक्ष निरीक्षक समाधान चवरे (आगुशा, लातूर), सहाय्यक पोलीस निरीक्षक अजिनाथ पाटील, पोलीस अंमलदार सदानंद योगी, महिला पोलीस अंमलदार सुधामती वंगे, लता गिरी आणि सचिन मुंडे यांनी केली.
Ans: लातूर शहरातील विमानतळ रोड परिसरातील गोल्डन लॉजमध्ये सुरू असलेल्या अनैतिक देहव्यवसायाचा पोलिसांनी छापा टाकून पर्दाफाश केला.
Ans: पोलिसांनी तीन महिलांची सुटका केली असून, संगीता ऊर्फ स्वाती बोंदर, सुदर्शन बोंदर आणि दत्ता पवार या तीन आरोपींविरुद्ध गुन्हा दाखल केला आहे.
Ans: पोलिसांनी रोख रक्कम, विवो व मोटोरोलाचे मोबाईल फोन आणि अन्य साहित्य असा एकूण ४१ हजार ५४० रुपयांचा मुद्देमाल जप्त केला आहे.