मंगळवार, 10 नोव्हेंबर 2026
संग्रहित फोटो
११ ऑगस्ट २०२६ रोजी सायंकाळी सातच्या सुमारास शेख मोहम्मद साद शेख हारूण हे मित्रासह सलीम पेट्रोल पंप, इमामपूर रोड येथून परतत होते. त्यावेळी सय्यद साद आझम याने रागाने पाहिल्याच्या कारणावरून त्यांच्याशी वाद घातला. त्यानंतर मारहाण करून त्याने मामा सफवान खान याला फोन करून बोलावून घेतले. सफवान खान याने जवळील पिस्तूलातून फिर्यादी आणि साक्षीदारांच्या दिशेने जीवे मारण्याच्या उद्देशाने गोळीबार केल्याचे पोलिसांच्या तपासात निष्पन्न झाले आहे. या प्रकरणी बीड ग्रामीण पोलीस ठाण्यात गुन्हा क्रमांक ३००/२०२६ दाखल करण्यात आला. पोलीस निरीक्षक सोमनाथ जाधव यांनी तपास केला. तपासात पठाण फरदिन पठाण फेरोज, शिकलकर अरबाज अब्दुल नवाब, सय्यद साद आझम आणि अमान खान नासेर खान पठाण यांच्यासह इतर सहा जणांचा सहभाग निष्पन्न झाला.
गंभीर गुन्ह्यांची नोंद
टोळीतील आरोपींवर पेठ बीड, बीड ग्रामीण आणि बीड शहर पोलीस ठाण्यांच्या हद्दीत खुनाचा प्रयत्न, अवैध अग्नीशस्त्रे बाळगणे, दंगा, अपहरण, घरात घुसून मारहाण आणि जबरी वसुलीचे गुन्हे नोंद असल्याचे पोलिसांनी सांगितले.
वरिष्ठ अधिकाऱ्यांमार्फत प्रस्ताव केला सादर
बीड ग्रामीण पोलिसांनी मोक्का कारवाईचा प्रस्ताव उपविभागीय पोलिस अधिकारी, अपर पोलीस अधीक्षक आणि पोलीस अधीक्षक यांच्या माध्यमातून विशेष पोलीस महानिरीक्षकांकडे पाठविला होता. त्यास मंजुरी मिळाली आहे.
